مقهى كوليلك
هههههههههههه
حتى ما استأذن كالعادة
الشخص الأكثر لباقة في كل كليلك
صابته عين ما مصلية على النبي
عليه الصلاة والسلام
السلام عليكم
إذا تسمحولي قول رأيي
هلا الجد أو المزح شي مو بأيد الإنسان
يعني أنت ما فيك تمزح و أنت مزعوج أو حزين
بعدين سبحان الله
في ناس طبعن نكد ما فيهن يمزحوا أصلا ما بيعرفوا يضحكوا/متلي/
:| و الإفراط في المزح أو الجد يدل على عدم توازن في الشخصية
و أنا بشوف أن كل شي أله و قته
فالمزح مو بمكانه يكون بشع كتير و يعمل نفور من الشخص
و الجدية الزائدةنفس الشي
ياعيني إذا طلع القمر كل شي تاني بيزووووووووووووووول
على راسي هبة أنت ورأيك
أحسنت
انا دايما بخربط بين hala و heba و hema و lorin-h صورهون متشابهة واسمائهم كمان :|
انتو كمان عم تتخربطو ؟؟؟؟ :|
أنا لا ..
يمكن لازمك نظارات :roll:
او على الاقل زيارة طبيب للعيون حتى تتطمن على حالك :roll: :roll:
أستأذنكم يا جماعة
وبس يوصل عمو كيفارا سلموا لي عليه
الله معكDia aveen, و تسلميلي يا رب
أي أخ بلند إن شاء الله ما بقى رح تخربط
شو كيفارا لسى نايم :?:
منشان الجدية والمرح
انا بقول: ان كل شي بوقتو حلو
بس الضحك بيروح عن النفس ومفيد
بس لازم الانسان يكون مع الختيار ختيار ومع الشباب شاب
ومع الطفل طفل ومع الرجل رجل
كل شي بوقتوو بس انا شخصيتي بحب الفرح والمرح كتير مع ان برجي الجدي
السلام عليكم كيف حالكم أرجو تكون بخير ....
طبعاً الضيافة على حساب صاحبة الموضوع ديا أفين وبصراحة مايعبي راسي غير
كاسة شاي كبيرة مع سيكارة كوبية بدياها من كيفارا... :wink:
موضوع جميل Dia aveen,
طبعاً الجدية وجودها ضروري في شخصية الانسان والمرح لا يمكننا الاستغناءعنه أي وجود الصفتين في هذه الحياة ضرورية فمواقف تمر عليبا يجب أن نكون جديين وخاصة
في العمل ولكن مع القليل من المرح ولكن الخلط له بعد العيارات الكثير من المرح يفقد العمل أحترامه وأثبت المواقف معي على أن الانسان الجدي في العمل والتعامل مع الزبائن بشكل جدي أفضل ....
أما في حالات المرح عند التعامل أوبمعنى المزح الزائد في أي المواقف تفقد الاحترام
وأكثر الاحيان نخسر من نتعامل معه ...
وخلاصةأقول خير الامور أوسطها....
الانسان لازم دائما يتصرف على طبيعتو متل ما قا ل ا لاخ بلند مشان الواحد يكون بعيد عن التصنع
انا بطبيعتي بحب المزح والضحك بتصرف على هالاساس مع كل الاشخاص
بس طبعا في مواقف الواحد ما يقدر يمشي فيها هيك شغلات وفي اشخاص
كمان ما بيتقبلو هالشي وبهيك حالة بعامل هالاشخاص بسطحية لاني بحب اتعامل اكتر شي مع الاشخاص اللي بيتقبلو المزح
_ في ناس وعدوني يغيروا الصورة وما غيرو :(
_ أشكر ألجي ملي( sniper المعلومات ) إلك أحلى كاسة شاي من عند أختك ديا أفين
_ هيما يا أجمل وردة بكليلك منورة :) و عن جد في ناس ما يتقبلوا الشخصية المرحة
وخاصة للأناث
إذا سمحتولي بدي اقترح موضوع جديد
شم رأيكن بالجامعات الخاصة
ما رح أحكي أكتر من هيك مستنية آرأكن
مساء الخير ....كيفكون
عم شوف انو المقهى ما عم يفضى هالايام ..شو القصة ...اكيد عم تستغلو الفرصة
لانو الطلبات على حساب ديا افين ؟؟يعني على مبدأ اليوم في بكرة ما في !!!! مبين اني جيت متاخرة شوي ........بس مو مشكلة
---------------------------------------------
بالنسبة لموضوع الجدية والمرح (بالاول بدي فنجان قهوة وسط لحتى احكي على رواق )
الجدية والمرح امران ضروريان في حياتنا .....لا يمكننا الاستغناء عن احدهما
لكن كما قال الاخ الجي ملي خير الامور اوسطها ...........
فالمبالغة في الجدية يجعل حياتنا مملة نتيجة للروتين الذي يحددثه والمبالغة في المرح
يجعلنا نفقد الاحساس بقيمة الاشياء المهمة .....يعني (كل شي زاد عن حدو
انقلب ضدو )........كما ان الامر يختلف باختلاف الموقف
وباختلاف طبيعة الشخص الذي تتعامل معه ....ففي العمل مثلا افضل ان يكون
الشخص جديا لان هذا يعطي قيمة لعمله......
وفي اجتماع مع الاصدقاء مثلا افضل التصرف بعفوية ومرح.....
لكن ما يزعجني هنا هو ميل بعض الاشخاص الى الحكم على الاخرين
من طريقة تعاملهم فهم يرون مثلا ان الانسان الجدي ملئ بالعقد النفسية
والانسان المرح سطحي وتافه.....وهذا براي امر خاطئ تماما لانه
ليس بالضرورة ان يكون صحيحا وغالبا ما يعطي فكرة سلبية عن الشخص الاخر .
---------------------------------------------
على فكرة...ديا افين ..... اللقب كتير حلو وبيشرفني بس اللي بيشرفني
اكتر انو من عضو متميز متلك ..مع اني بصراحة بحس اني ما بستاهلو
شكرا مرة تانية يا .......ام كوليلك الحنونة ..الغيورة ..والحريصة
وهاي غيرنا الصورة منشان ما تزعل عصفورة المنتدى
هالهجار صاير ملا فجأة
وينك ابو الميس مانك مبين انشاء الله خير
وانت كمان رحو كيفارا وينك انشاء الله خير
بالنسبة للجامعات الخاصة ..........
بصراحة انا ضد فكرة الجامعات الخاصة ..هادا رايي.......
طبعا مع احترامي لكل الطلاب الي بيدرسو فيها.....
لانو من اول ما افتتحو الجامعات الخاصة ...
ارتفعت معدلات القبول في الجامعات الحكومية
يعني ما راحت غير ع الفقير ......
انا بعرف طلاب شاطرين كتير ما انقبلو بالجامعات
الحكومية .....بس مشان علامة علامتين
وبنفس الوقت بعرف طلاب ..مو زيادة
يعني ناجحين بالزور بالبكلوريا ..ومع ذلك
مسجلين جامعات ..وعين الله عليهون ...
كمان افتتاح الجامعات الخاصة علم الطلاب الكسل
يعني كل واحد امكانياتو المادية منيحة شوي
بيحط ببالو انو ينجح بالبكلوريا ...ولو بالزور
مشان يسجل بشي جامعة خاصة ...وما يوجع راسو بالبكلوريا
طيب الطالب الي ما يقدر يتحمل مسؤولية البكلوريا
كيف راح يقدر يتحمل مسؤلية الجامعة ؟؟؟؟؟؟؟؟؟؟؟
------------------------
شكرا هبة ع الموضوع المهم ........
----------------------------
لعيونك يا لورين أحلى فنجان وسط من القهوة ..
وأشكرك على الصفات الرائعة الي قدمتيها لي ..
كما أن ألقابك تستحقيها بجدارة .. كيف لا وانت لورين التي تخطو بثبات
************************
هجار قلنا تغير بس مو هيك
8O 8O 8O 8O 8O 8O
وتسلم لأختك عصفورة المنتدى
*************************
كأن ميسي رايح يقرص شي حدا
ويجيب لنا بكل نشاط معلومات جديدة
ومشاركاتك فوق العادة
*************************
بس كيفارا عم يبحبش على أسئلة تضيعنا بالمسابقة
*************************
بالنسبة لموضوع هبة ..
أتفق مع لورين مع إضافة ..
الجامعات الخاصة تقدم المعلومات كلها بدون استثناء للطالب بالملعقة
والطالب على الأغلب مستهتر ( لا تزعلوا مني )
كم من طالب في جامعة مثل (.... ) شفتهم
تخصصهم كمبيوتر سنة تانية أو تالتة جامعة
بتسأليهم عن معلومة ......... ما بيعرفوها ليش ؟.؟؟؟
قال لسا ما أخدناها بالجامعة
وهلم جرا
هاد مجرد مثال
لكن كمان ما نخفي أن الجامعات الخاصة حلت بعض المشاكل
للأشخاص الي صعب عليهم روحات الشام وحلب و حمص وما بعرف وين
مرحبا
اسف يا جماعه والله خجلان منكم بس ... سامحوني مشغول شوي عم ساوي اتصالات لحتى نفتح فرع جديد بالشانزليزه ... :roll:
اخي بلند سامحني ياخي ... وانت ديا افين وهبة والجي وهيما .. ... بعرف تاخرت عليكم.. :oops: :oops:
حبيبي الجي هاي احلى سيكارة لللاخ العزيز .. بس تعل ندخن بقم المدخنين .. ونرجع .. :arrow:
بالنسبة للجامعات الخاصة .. من ناحية جيدة لانها لمت الكثير من الطلبة اللي كانوا يضطروا للسفر للخارج من اجل تكملة الدراسة .. :wink:
ومن ناحية ثانية متل ما حكت الاخت لورين راحت على الفقير ... يعني العلم صار للي بيدفع مو للي بيدرس .. :cry:
هجار حبيبي لك شو مسوي بحالك ... يا زلميه الواحد يغير درجة درجة مو هيك فرد سحبة ... فضحتنا ياخي .. :evil:
على فكرة لا تقلقو على ميسي هلا وانا جاي شفتوا بمكان ... وعمل حالو مانو شايفني . :evil: . بستناه شو ريح يحكيلي بس يرجع .. :arrow: .
وهلا عن اذنكم جاني تلفون ...
مين رح يشرب معي فنجان قهوة !!!!!؟؟؟؟
اي والله أنا
بس بشرط هالمرة من تحت دياتك يا هجار
لأني ما فيني حيل
هلا لنامو ا الكتاكيت الي عندي
ومعي وجع راس
( كل هاد لحتى ما تعمل فنجان قهوة ) 8O 8O
تكرمي عينك يا عصفورة المنتدى ولوو انا بعملها
بس شلون قهوتك
ابقي سلميلي عالكتاكيت
بس يصحو ا يوصل سلامك
قهوتي سكر زيادة
وبلا أمر عليك معها كوفي ميت :oops: :oops:
بتعرف كلك ذوق !!!!!!!!!!
صباح الخير شباب أخ هجار بتشرب معي أركيله
ديا أفين مرحبا .. أنا كمان معزوم
ياو أخ كيفارا بهاليومين لوين عميهرب مابعرف أنا ما عمشوفوا
تكرم عينك ديا افين
هلا بالطريق هي
هلا رحو اكرم اى ليش لا
اركيلة اركيلة بس بدي معسل 3 تفاحات ها
3 تفاحات 8O 8O
تكرم تكرم
لا تواخذوني ياجماعة أنتو يلي بلمقهى يانعسانين .. :P أنا رايح نام
تصبحوا على خير :idea:
وصلت القهوة تسلم ايدك هجار
بس بلاها الاركيلة
تلاقي خير
الله معك
صباح الخير ...
كيفكم يا جماعة ...
ان شالله بخير ...
شو اختي ديا افين واخي هجار ... قاعدين لحالكم عم تشريو القهوة .. شامم ريحة مؤامرة ... :evil: :evil:
شو اخبار الجامعات الخاصة ... :?:
وميسي ... لسا ما خبرني ولا شي .. مبين خجلان مني ما هيك .. :evil: :evil:
وانت حبيبي اكرم .... طمني شو اخبارك .. شايفك ملعلع بالمسابقات .. والله طلعت مانك هين .. :wink: :wink:
تعرفوا نورا من زمان ما بينت ما هيك .... ان شالله خير :? :?
وهلا بدي ساويلي فنجان قهوة ( بلا سكر ) مين بيشرب معاي ... :?:
صباح الخيرات..
ما جاي عبالي أحكي اليوم كتير
عم أسمعكم
و أنا
ما بتعزموني على فنجان قهوة
معكن حق بكل شي حكيتوه عن الجامعات الخاصة بالنسبة للسلبيات و الإيجانيات
هلا أنا السنة خلصت بكلوريا
و بكل صراحة عم ينتابني شعور فظيع لما بسمع أنو شي حدى رح يسجل فرع منيح بالجامعة يا موازي يا مفتوح يا بالمأمون 000000 و هو كان عم يسرح و يمرح طول السنة و نحن نضاراتنا زادت سمكها شي درجتين :oops:
تعرفوا ليش ما أجي لعندكن :evil:
لأنو ولا واحد منكم بحياتو عزمنا على شي كأسة جاي أو قهوة أو معسل أركيلة
يعني والله نحني كمان من هل الديار :?
بخاتريوااااااا
صباح الخيررررر يا قوم
والله انا كمان ما يجي مني اكتب ولا اسمع
بدي اطلع عن اذنكن
له يا رحو شيرزاد انت ما بدك عزايم ولو
انت صاحب القهوة وانت اعزمنا
احلى صبااااااح لاحلى اعضاء كليلك
شو مبين كلياتكن متفقين ع القهوة :evil: واللي ما بيشرب قهوة يعني.......
شو بتضيفوه .......انا ضيفوني كاسة شاي وشي حدا يتبرع يجي يشرب معي
بالنسبة للجامعات الخاصة............
انا بتفق مع حكي لورين........
انا ضد هالجامعات تماما لانو في طلاب بيتعبو وما بيطلعلن شي بالجامعات الحكومية
وطلاب تانيين عم يدخلو على الجامعات الخاصة عالبارد المستريح يعني بلا تعب وبلا
دراسة وبلا وجعة راس بالبكلوريا يعني متل ما قالت بس بتروح ع ...الفقير
........
شو مبين ما في حدا بدو يتبرع ويجي يشرب معي شاي :evil:
السلام عليكم...
قرأت آرائكم بالنسبة للجامعات الخاصة مع أنني لم أكمل دراستي الجامعية ولكنني
أختلف معك في الرأي ربم لاسباب تقنعكم أم لا ..
بالنسبة للجامعات الحكومية لا توفر الحرية للطالب في أختيار الفرع الذي يحب ربما لاجل علامة واحدة فقط وغير ذلك العلامات المرتفعة التي يطلبونها الجامعات الحكومية في المفاضلات
التي يرفعون العلامات فيها سنة عن الاخرى ..
فلماذا نقف في وجه التقدم علينا بالتشجيع لهكذا مشارييع في بلداننا يدرس الطالب
على حسابه أليس أفضل من أن يجلس في منزله منتظراً رحمة الله عليه وسبب آخر يدفعني لهذا القول والتشجيع ربما بعض او الكثير من الطلاب الذين درسوا 12 سنة أو أكثر قد مروا بظروف صعبة في مرحلة البكلوريا ...
أخوتي هذا الواقع وما نريده ونشجع عليه هو اتاحة الفرص لبني البشر في هذه الحياة الصعبة فكروا بالعواقب قبل المميزات ...
كما أريد رأيكم بأكثر جدية وتفكير لاتقفوا في وجه التقدم حتى لو أردنا الأفضل لغيرنا
رغم تفوقنا عليهم ولكم الشكر....
انا بدي اشرب معك الكاسة قصدي مو الكاسة الشاي
صباح النور هيما وينها نورا مو مبينة !!!""" ما الها بالعادة
وينها عصفورتنا ديا افين
لك وينك ولو ما بيلبقلك تتقلي حالك لى
يلا شمري وابتدري للامر
شو هااااااااااااااي
خيو جيبت أستأذن ..
رح يجوني ضيوف
أشوفكم نص الليل ..
وبس ارجع القهوة أنا أعملها
باي
مرحبا يا جماعة .......
يا سلام شو الجو الحلو ..
اوف ليش ساكتة اختي ديا افين اكيد الكتاكيت عم يعذبوكي ما هيك يا ستي الله يخليهم الك ويخليكي الهم..
هلا هبة يا ستي معك حق ... الواحد بيزعل على هيك ظروف وهيك مواقف .. بس لازم نحول هل الشعور الى ارادة وتصميم لنحقق النجاح اللي بيخلينا نقهر هل الظروفاللي خلتنا نشعر بهل الشعور ونتخلص منها ... وما نلوم القدر او الظروف .. لانه طريق النجاح مليئ بالمصاعب اختي ..
:arrow: اخي شيرزاد تبرير غيابك غير مقبول :evil: .. يا زلميه ليش انت بدك عزيمة !!!؟؟؟ :?: :!:
شوفلك طاولة فاضية وتطفلك على شي حدا من الاعضاء ,,, بيمشي الحال
وهلا تعال معي لنروح عند هيما عازمتننا على كاسة شاي .. :)
هلا بهيما .. وهاي جينا لعندك انا وهجار وهبة وشيرزاد ... وهلا بتلحقنا ديا افين .. :arrow:
بس تعرفي اختيارك للطاولة حلو كثير يعني اطلالة غير شكل ... :wink:
هلا حبيبي الجي ..
يا سيدي كلامك صح بس كمان نرجع لكلام الاخت لورين .. بهل الشكل بيكون راحت على الفقير ... شو ذنب الفقير اذا ما كان عندو ثمن التسجيل .!!؟؟؟
تعال اجلس معنا وخذلك هل السيكارة ... :)
شو هجار ... وضعك مانو عاجبني .. تعرف ميسي صارلو يومين مانو جاي لانه خجلان مني :arrow:
تصور شفتو بمكان هو وجماعة وعمل حالو مانو شايفني ... :evil: :evil: !!!!
يا سلام اول مرة بشرب الشاي سخن ... :) :)
Nice adea
Nice adea
اهلين اخي سليمان تفضل اشرب معنا كاسة شاي ,,,
شو ديا افين لساتك مصرة على السكوت .. ؟؟
تعرفو حاسس اليوم الكل مانو على بعضو ,,, بدنا دكتور لحتى يعرفلنا سبب الحالة هاي ,,, وين اخي ريبر .. ؟؟ خايف يطلع الدكتور كمان بدو من يكشف عليه لانه ما بين اليوم ..؟؟
أي أخي ألجي
يمكن معك حق
بس أنا عم أقصد الطلاب اللي قضوا السنة لعب
و بالأخير رح يقعدوا معنا بنفس القاعة
السلام عليكم
ماشاء الله كترانة الزيارات عالمقهى وكمان في مواضيع عم تطرحوها وما عندي خبر كنتو عزمتوني على كاسة شاي شو ما يحقلي :lol:
موضوعك حلو كتير ديا افين موضوع الجدية والمرح
حلو الواحد يكون جدي بس مو بأيد الواحد يعني مثلا انا كتير بحب المرح وبحب امزح كتير وخاصة للمقربين الي الله يعينون عليي بكون اخدت وج عليون :lol: :lol:
( صحيح ان الثروة الحقيقية هي ثروة العقل لكن ما ضر لو كان مع العقل قليل من الفراطة )
بالنسبة لموضوع الجامعات الخاصة
بتعرفو انو اخي مشان علامة المسكين ما دخل الجامعة الحكومية وراح درس بالمعهد والحمد لله هلا تخرج من المعهد واجى قرار تثبيتو وعم يدّرس
وكمان عم يدرس ترجمة تعليم مفتوح يعني مو جامعة حكومية
وهو مرتاح بدراستو
وانا كمان ماني بالجامعة الحكومية وعم ادرس تعليم مفتوح ومرتاحة واصلا مافيني بعد عن البيت وعن امي
بس طبعا علاماتي كمان ما حقلي سجل بالجامعة الحكومية :lol: 8O
لانو ما شاء الله كل سنة بسنة عم يرفعو العلامات الله يعين الطلاب
وبعرف وحدة علاماتها منيحة وكان بيحقلها تلتحق بالجامعات الحكومية بس هي
متعلقة بأمها وبالبيت قامت سجلت بجامعة خاصة يعني بديل منيح احسن من قعدتها بالبيت
طيب وانا عندي سؤال مثلا في كتير من الطلاب بتكون علاماتون عالية وبيحقلون يسجلو شو ما بدون واي فرع كان
بس الاهل بيفرضو عليون شي محدد مثلا الاب او الام بيقولو لازم تسجل ( طب ) وهو ما يحب هالفرع بس المسكين بيكون اهلو جبروه يسجل هالفرع
وطبعا اكيد ما رح يكون ناجح بدراستو لانو مو رغبتو هو
انتو شو بتنصحو هيك اهالي ؟؟؟
kulilk
معد بفوت عليهااا . .. .. .. .
مرشحين كم عضو لسى هااا فايتين ع كوليلك
أما نحن محد حاس فينااا. . .. . .
ليش هن بيطلعلن الترشيح للأشراف ونحن. .. . !!!. .. .
صارلي سنة ونص بــ kulilk 0.. . . لا تطلعو ع تاريخ التسجيل لأني
كنت مسجل بعضوية تانية قبل ميسي . . وأخددت الــ vip وأنسحبت منهاا
ــــــــــــــــــــــــ
بس ليش نحن لأيمتى تنضل هيك. .. .. .. .
نحن نحلم وغيرنا ياااخد. .. .. أعطو الاشراف لمين ما بدكن
كوليلك . .. .
اهلين ابو الميس .. :evil: .
فكرتك رح تجي تعتذر وتطلب السماح لغيابك ... :evil: :evil: :evil:
شايفك جاي معاتب :!: :twisted:
حبيبي ميسي اسال حالك بالاول انت داخل على كوليلك لتستلم اشراف او رتبة او انك جاي حبا بكوليلك ... :arrow:
ما انكر جهدك الرائع والمميز في المنتدى ... بس اخي انا متاكد انك ما بتساوي هل
الشي طمعا باستلام منصب او رتبة بعرف انك تحب كوليلك وكلامك هذا اكبر دليل ...
خيو اذا بدك استلم اشراف المنوعات بدالي شو رايك ؟؟ :wink:
بعدين ما حكيتلي ليش قبل يومين كنت واقف مع جماعة وساويت حالك مو شايفني ... على الاقل عرفنا عليهم ياخي .. :evil:
تعال هلا اشرب معي كاسة هل الشاي
وخلينا نحكي بسؤال ساز
انا برايي انه من الغلط ان نجبر الطالب على الدخول بفروع لا يرغبها او اختصاصات لا تتوافق مع ميوله واهتماماته ..
بس في نقطة احيانا بيكون الطالب غير قادر على اتخاذ القرار السليم ... نتيجة قلة الخبرة وعدم التخطيط المسبق لمستقبله ..
في هذه الحالة يكون تدخل الاهل معذورا بشرط ان يكون عن طريق الاقناع وليس بطريقة الاجبار ...
وهلا نشوف ارائكم ..
شو ابو الميس ليش ما عم تشرب الشاي .. :?: :!:
خيو اذا بدك استلم اشراف المنوعات بدالي شو رايك ؟؟
حبيبي ميسي اسال حالك بالاول انت داخل على كوليلك لتستلم اشراف او رتبة او انك جاي حبا بكوليلك ...
ما انكر جهدك الرائع والمميز في المنتدى ... بس اخي انا متاكد انك ما بتساوي هل
الشي طمعا باستلام منصب او رتبة بعرف انك تحب كوليلك وكلامك هذا اكبر دليل ...
لا والله أخي كفارا. .. . القصة مو قصة طمع
القصة قصة أنو تعطي بدون انتااااج. .. . . يعني محدااا حاسس فيك
ـــــــــــــــــــــ
بعدين ما حكيتلي ليش قبل يومين كنت واقف مع جماعة وساويت حالك مو شايفني ... على الاقل عرفنا عليهم ياخي ..
مو لأتعرف عليك بالأول . .. .. .عن جد عن شو قااام تحكي :roll:
ــــــــــــــــــــــــــــــــــــــــــــــــــــــــــــ
والله ما بقدر أزعل من كوليلك بس لأنو بحب فيهااا
كيفارااا وبحب بلند كمااان وهجاااار كمااااان . ... .هدول بحبن والله ولسى مو شايفن :oops:
ســـــــــــــــلاااااااام
سنعود غدا ً بعون الله تعالى ,
مبين كيفارا أخد قيلولة ونسي انو نحن بالمقهى :twisted: