الجهنم السورية ...
واحد مات وأخدوه ع النار، المفاجأة كانت أنو النار مقسمة لمناطق ودول متل جزيرة العالم أو القرية العالمية بدبي.
أول شي سأل اللي جنبو: شو هي؟؟
الثاني:هي جهنم الألمانية، هون بيحطوك ع كرسي الكهربا ساعة
و بعدين بينيموك ع المسامير ساعة تانية
بعدين بيجي ملك النار الألماني بيضل يجلدك لتاني يوم.
الأخ ما عجبتو الفكرة فراح ينتقل من نار للتانية ويشوف أنواع العذاب التي تشبه بعضها.
أخيرا وصل على جهنم سوريا،
وأتاري العالم عم تعفس ع بعضها ولا في دور ولا هم يحزنون والعدد بالملايين.
شاف واحد سألو: شو هي يا معلم.
التاني: هي نار سوريا.
الأول: وشو فيها مميزات؟
التاني:هون بيحطوك ع كرسي الكهربا ساعة
و بعدين بينيموك ع المسامير ساعة تانية
بعدين بيجي ملك النار السوري بيضل يجلدك لتاني يوم
فقال الأول: ما نفس البقية بالضبط ، بس ليش كل هالزحمة!!؟؟؟
التاني: لأنو الكهربا مقطوعة،
والبسامير عم تطعج لأنو شغل محلي ونصون انسرقوا من لجنة المشتريات،
أما بالنسبة للجلاد فكان بالزمانات موظف حكومي لهيك إجا الصبح وقّع حضور ورح يشتغل ع تكسي بقية النهار!!!!!!!!..........
من ايميلي ...
كيفارا,
شكرا عالأبتسامة كتير حلوة قديش بدك حقها؟ :)
سباس00000000000
ههههههههههههه
شكرا كيفارا حلوة
xursid.x الحلو بتواجدك صديقي ... :)
Derya1988 وصلني حقي بابتسامتك :wink:
جانا اهلا بك :P
ههههههههه روووووووووووووووعة
يسلمو كيفارا كتير حلوة و بتشبه الواقع صح؟؟
ههههههههههههههههههههه...اليوم كنت عم بحكيها لرفيقي........ههههههههههه ..........
لا تعليق حبيبي كيفارا :wink:
moon88 هو الواقع لكن بصورة طريفة .... اهلا بك صديقي :wink:
awaz-1 بعرف لمين كنت تحكيها .... :wink: نورت حبيبي
Serbst هذا طبع الملوك صديقي 8)
صح هادا هو الواقع بس اللي مو الواقع أنو أنا بنت مو شب..
حلوة كتير عزيزي كيفارا
شكرا الك .