حياتنا قبل (الريسيفر) …
-أرضنا الخضراء :ناس عم تفلح و تزرع و شو ذنبنا نشوفن؟ما بعرف! و بيصورولك الزراعة كأنها شي صناعة ذرية تقولها!!!ولهلأ بتذكر اسم مقدم البرنامج:بشار مصري زاده-قدس الله سره
هههههههههههههههههههه
-الايدي الماهرة: و من اعداد و تقديم الشب نفسو(لعما واسطو شو قوية),كمان وين في واحد عم ينكش بوابير,واحد عم يركب حداوي,واحد عم يقص تنك...بيجيبوه بيعملوه عماد الاقتصاد الوطني!بحيث بتبين جمبو صناعة الصواريخ شغلة تافهة!و أحلى شي بيسألو بالآخر:"وين اليد الماهرة بالموضوع"هادا عأساس متل سؤال أزلي!
مع العمال:و وين رحنا ووين جينا نحن العمال و شو عم يسوو بفرع الحسكة و درعا بنادي العمال للدحل,و وين عم يتسيرنو العمال بادلب,و شو عم يساوو مشان الباص الواقف بمعمل العلك بحلب,و صفقة الطواقي البحرية لعمال المرفأ اللي بيكنسو الارض باللادقية
-
نحن الطلبة:كلو رقص و دبك و انشطة اجتماعية و محاضرات و سيارين و شك نصبات شجر....بس شو لاعن نفس الطالب,وين عم يتشرد الطالب ايام الدراسة و ما بعد التخرج؟؟؟هي شغلات ثانوية....وعلى مهرجانات خطابية!!انا بفضل يتسمى مع الدبيكة و رقيصة النشلة!
-
أطفال هواة: يااااي ماما فاتنة ليش سنانك سود؟؟!!دخان ولا حشيش؟؟!!و منين بيجيبو هالقرود ما بعرف!!و هاد شخوطلو شخطين بتلوين تبع ال5 ليرات صار السعدان رسام!و هادا سجل جمعتين و نص بنادي كارتيه بس ابوه جارو للمخرج جابوه ينط بخلقتنا!!وهادا علمو البابا الشطرنج و هوي جايب شطرنج البابا يفرجينا عليه,بس شو دور الولد ما بعرف!!هوي صنع الشطرنج ولا بيلعب فيه!!
-
مع الطلائع: برنامجي المفضل!بس موت و أعرف مين كان يشوفو من الاولاد!!!
"الرفيق الطليعي خلف الجاسم الرائد عمستوى القطر بالفيزياء"خزيت العين!و بدو يفرجينا عالتجربة اللي رح تغير وش الكرة الأرضية!...بطاريتين+سلك كهربا+مصباح صغير!.."انظروا انه يشعل!!يطفئ!!يشعل!!يطفئ!!"... اسم الرب عليه!!بدو طابة زرقا مو خرزة!!
ونسيت ما يطلبه الجمهور والمذيعة المخضرمة وكمان مجلة التلفزيون الي رح يبقى للأبد ................
شي أكيد ما رح ننسا محطات رياضية مع الراحل عدنان بوظو...ما زالت صرخاته تطن بأذني,محطات ٌ رياضية....و بعدها إيجا هات الي بيقول: و هدف,من نفس الزاويا,و نفس اللاعب,و نفس الحركة...سبحان الله ايها المشاهدين...بعدها بقول عفوا أنها الاعادة للهدف السابق...وجيه شويكي...
و شلون بدي أنسا خالتنا ماريا ديب,و الأغاني المقطوشة من النص...قال ما يطلبه الجمهور...
ولا الشرطة في خدمة الشعب:وين صرفت المصاريــــــــــــــــــــــ ..يا سيدي ...اللـــــــــــــــــــــــه يلعن الشيطان....على الملذلت الشخصية...
ولك أخ...بس تبقى ذكريات...مرور جميل...
كانت الحياة اشبه بسجن ...
بس احلى شي كان هي وجوه المذعين
( تقطع الرزق)
مشكور على الموضوع...
بس تقطع الرزق يا سربست...بشرفي كل ما كنت تشوف الأخبار,تقول بلكي المذيع آكل نص رغيف,و أنت آكل رغيف...و أخبار معتة...........و قديمة,و الحمد لله ما كان في شي اسمو خبر عاجل...آه,على أيام الأبيض و الأسود.. و لله كبرنا...هههههههههههههههه...خايف ليجي شي يوم الي بعدنا يعلقوا على حياتنا كمان... :!:
اقتح يا سمسم ابوابك نحن الاطفال
محطات رياضيةمع (وجيه شويكي)
الشرطة في خدمة الشعب
في رحاب الجزيرة :wink: