خليني احكي من يوم الولادة بيولد الطفل بسورية وهو مو عرفان شو لح يصير معو وبيكون عم يضحك ومبسوط. بيكبر شوي بيفوت على هالمدرسة وبيكون متل الاطة المغمضة مو شايف شي. طبعا المدرسة ابتدائية ما بيلحا يعود كم سنة وبوشو على المدرسة الاعدادية هونيك بقا بيبلش ينفتح على العالم السوري الحقيقي وبيبلش يتعلم المسبات يلي على اصولا المعتئة وهاد غير اضطهاد الاساتذة للطلاب يلي ما بتاخود عندون دروس خصوصي المهم ازا كان محظوظ ونجح بالسنوات التلاتة بينتئل على المدرسة الثانوية هون بقا بيكون العصر الذهبي للصياعة بسورية هاد طبعا غير الوقفة على ابواب مدارس البنات الصبح والضهر والمشاكل يلي بتصير لانو فلان حكا مع البنت الفلانية يلي حاطت عينو عليها الشب الفلاني ويلي بدو يستعرض عضلاتو ادام البنات انو هو يلي مافي اقوى منو المهم ازا كان محظوظ جدا جدا جدا بينجح بالبكلوريا من اول سنة وهون بيصير عندو طريقين والتنين اضرب من بعضون يا اما بيروح على الجيش وهو بيريعان شبابو وبيضيع من عمرو سنتين وسنة لإعادة تأهيل النفسية صارو تلاتة او انو يفوت على الجامعة وهاد كمان مافي منو فايدة لانو الجامعات عنا صايرة للمسخرة وتطبيق البنات وبس لك صايرين الشباب والبنات يلي من برات الجامعة وعم يجو على الجامعة اكتر من يلي بألبها في عندك خيار تالت انك اتسافر متل ما عملت حضرتي هون بقا يامعلم شو بتأول لحالك انو فرجت ولح صير قطف مصاري من على الشجر والعب فيون. عيارك 3 شهور وبتنصدم بالواقع وبتصير بتعرف انو المصاري بالغربة ما بتجي بالساهل وانو الجيش اشرفلك هاد وخاصة اذا كنت حاببلك شي بنت ابل ما اتسافر وفي بيناتكون زكريات حلوة واصة حب ضلت شي 3 سنين أبل ما اتروح و واعدها بالزواج هاد كلو ولسا ما حكيت عن القانون تبع ال250000 ليرة يلي لازم الواحد يدفعون بدل الجيش وبعد 5 سنين حصرا شو الغاية من هالقانون لهلأ ماكنت افهم هدول يعني 5000 دولار شو المصاري عم تنزل مع المطر؟ بقا شو يساوي الشب السوري بحالو كيف ممكن يعيش حياة طبيعية متل كل بائي دول العالم ؟؟؟؟؟؟مافي جواب.saed qattan