16-7-2011
في انتظار النتائج
----------------------
الساعة 1 بعد نص ليل
اغضر اوصف شعوري              هاللحظة
يعني محبطة  كليا وما عندي امل ابدا انو   يطلعلي انكليزي
وحاسة بأنو نفسي  مكتئبة و الدنية سجن وما في امل ابدا عندي مع انو الكل متفائلين بنتيجتي الكل الكل  الا انا لانو ما مر علي ابدا حدا درس الشي اللي بيحلم فيه آآآآآآآآآآآآآآآآخ من هالمصيبة
عنجد عنجد انا بحس انو بكرة يوم القيامة (doomsday(ا   هاد اصعب يوم بحياتي وبكرة رح تكون الساعات متل متل جهنم عندي
يعني شعور لا يوصف
غدا سأكون          او لا اكون   الى الغد سأعرف ههههههههههههه
صرت عم احكي الفصحى  
مشوشة كليا انا  
---------------
يااااااااااااااااااااااا رب لا تضيع تعبي  انا بترجاك
الساعة  1 ونص وما اغضر انام يا ربي
---------------------
الساعة 3 وربع ولسا ما نمت
يا الله استرنا من بكرا

------------------------
اليوم                17-7-2011
النتائج رح تكون الساعة       6
وهلا الساعة 12 ونص
يعني لسا 6 ساعات وبعدها
رح يدوب التلج ويبان المرج ع قولة امي

انا هلا     رح اتوقع شعوري لما اشوف نتيجتي
اذا كانت كويسة
رح تتجدد حياتي ورح اعيش مرفوعة الراس للابد
ورح شوف حالي بزيادة
يعني الله يستر العالم مني ههههههه
واذا ما   كانت كويسة رح اكلها
و رح      صير (عزيز قوم ذل)
والذكي يفهم
يعني مشاعيري رح تنكسر ومستحيل تتصلح بسهولة -_-خخخ

-----------------------------
الساعة 1 ونص
وكل ساعة تروح عندي متل       سنة

((((أتت غيوم الشتاء
الى صيفي
اتت     غيوم الشتاء محملة بالدموع
لاجلي
اتت غيوم الشتاء
اشعر بأنها ستبكي

اتت
والسؤال يدور في عقلي
استبكي فرحا لتحقيق احلامي
ام حزنا لتحطم احلامي))))

هههه هاد ابداع بالصدفة

آآآآه آه
------------------------------
الساعة 3 وربع
صار عندي شوية شوية امل
وما بعرف شلون
يعني بعد ما كنت ضايعة
هلا صار عندي كم هدف
يعني هلا معقول انا يطلعلي ادب انكليزي بحلب
وهيك بدون ما يصير معي مرض نفسي؟؟؟؟
جواب هالسؤال رح اعرفه قريبا جدا واكيد قبل ما اجن
------------------------------------
الساعة 5 وعشر دقائق
قمة العذاب
ان تتعذب ولا ترى نتيجة تليق بذاك العذاب

وقمة الصدمة
بعد ساعة آآه
---------------------

27-6-2012
المهم ههههه بعد طول هالعذاب
انا هلا طالبة ادب انكليزي بحلب

--------
ادعولي بماجستير ودكتوراه
وبعثة لبريطانيا
^__^