ما رأيك بعمل الرجل في المنزل ?
ما رأيك بعمل الرجل في المنزل ?
_ _ _ _ _ _ _ _ _ _ _ _ _ _ _ _
تحية طيبة ...
من منا يعمل في منزله و يساعد أهله .. ?
و من من الرجال لا يرى عيبا في عمله داخل المنزل .. ?
في الحقيقة نجد الكثير من الرجال يرون أن العمل في المنزل هو
من اختصاص المرأة في وقت أصبحت فيه المرأة تشارك
الرجل في الوظيفة خارك المنزل ..
فلماذا لا يشاركها الرجل في البيت .. ?
وجدت في الواقع رجالا يتفلسفون ليل نهار عن حرية
المرأة و من ثم وجدتهم في بيوتهم يعاملون أهلهم كخادمات ..
أعرف شخصيات كوليلكية أدى بهم العمل في المنزل
إلى ابتعادهم من كوليلك نوعا ما ...
و من بينهم الأخ ( سوار ) الذي يشكو كثيرا من عمله قائلا :
(( الله وكيلك من شغل الوظيفة لشغل البيت من طبخ و نفخ و تعزيل .. )
و كذلك وضع الأب الروحي للقنافذ السيد ( جوجي ستري نرم )
الذي قال عنه الكواكبي في كتابه < طبائع الأشواك > :
( فالجوجي يجلي الصحون فيشوكها و ينشر الغسيل فيشوكها
و تضغط عليه النسوان في البيت فيشوكونه .. )
و المسكين لا يقدر عليهم فيخرج أشواكه في كوليلك
و ما خبر الأخ ( راميار ) عنكم ببعيد ...
و كيف أنه تلهى بالعناية بولده الصغير
و نشكر الأخ شيرزاد الذي يسلط الضوء على عمله في المنزل ...
و للأسف فهم لم يعترفوا لنا إذا كانوا يحبون المشاركة في
عمل البيت أم أنها فرضت عليهم فرضا ...
و أنتم أحبتي ما رأيكم بعمل الرجل في المنزل ... ? ?
و شكرا
_ _ _ _ _ _ _ _ _ _ _ _ _ _ _ _ _ _ _
أشعر أن تحت لسانك كلام كثير
لكنك أضمرته في نفسك
خبرني طه ما رح أفشي أسرار حدا إذا انت شفت شي عليهم
< خبرني بيني و بينك تحت هالرد >
و شكرا
_ _ _ _ _ _ _ _ _ _ _ _ _ _ _ _ _ _
أنا واحد ممن يساعد والدته في أعمال المنزل
ولا أرى في ذلك عيب أو شي يخجل
بل العكس أرى في ذلك فخر واعتزار
لأنني أساعد والدتي أو أخوتي
سنمر بظروف وسنعتمد على أنفسنا بكل شيء
نسيت شغلة
أيام التعزل انا اكون المعزل وأعزل كل شيء
يا أخي المسكين و العفدال أفيندارووو
نحن طلبنا تساعدوهم مو تعملوا شغل البيت كلو و النسوان قاعدين
ويلا فقيري أفيندارو
وي ببوكي أفينداروو
_ _ _ _ _ _ _ _ _ _ _ _
^_^ شكرا عالموضوع أخي عماد وكل الشكر للإخوة لروح التعاون والمساعدة لأهل البيت .
بس ما خبرتنا أخي عماد عنك وعن رأيك ....؟!!
رأيي يا أخت روشدار من له خلق بالمشاركة فلا عيب في ذلك
و كل منا أحيانا يضطر للمساعدة و المشاركة حسب الظروف و الوضع العام
للأسرة
و شكرا
_ _ _ _ _ _ _ _ _ _
بحييك أخي عماد على هالخلق
ما في أحلى من أن يبني الرجل والمرأة عشهما يداً بيد والقلب بالقلب .
دمت سعيداً متفهماً
أنا أرى على الشباب أن يحضروا أنفسهم للعمل في المنزل من الآن ويتمرنوا جيدا على مسؤوليات المنزل من طبخ وجلي ووو.. وأن يكونوا على استعداد تام لاستلام الراية بسلام ، فعلى ما يبدو أنه واقع لا جدل فيه ..هذا بناء على ما شاهدته وليس ما جرّبته
ومن ثم لا يحلموا كثيرا بحياة وردية وراحة مطلقة داخل أعشاشهم الزوجية بل ليتركوا مجالا للعناء والشقاء..
ومن ثم نصيحتي أيضا أن يتعاونوا مع أمهاتهم وأخواتهم قبل أن تأتي ساعة الزواج ومسؤولياته المنزلية المنتظرة ...لأن هناك سؤال سيطرح نفسه بحروف من اللعلقم على الدوام ...( وهاد هو عم يساعد مرتو ويدللها ويحمل عنها مسؤولياتها و ولا مرة فكر يساعدنا ...معلوووووم بيحبها ويعزها أكتر بمني...؟!! ..ومن هل الحكي
تحياتي عماد
شكرا شيرزاد
شو رأيك نفتح معهد لفتح دورات للرجال فقط
لتعليمهم فنون الطبخ و الجلي و التعزيل و التكنيس و .. و .. إلخ ..
و بهذا سنقدم خدمة للمجتمع و نحفظ الرجال و نساهم في
بناء علاقات أسرية من مستوى عالي ..
و دمتم بخير و دامت آذان الرجال دون فركة
_ _ _ _ _ _ _ _ _ _ _ _
عادي الرجال يشتغل بالبيت في حالات معينة متل ما عندو أخوات بنات أو متزوجين
أما إذا عندو أخوات بنات أو زوجة فمو مطلوب من الرجال غير متطلبات خارج البيت
متل يشتري خضرة ولحم وفروج و خبز سكر ورز بالأضافة إلى قنينة الغاز......الخ
بظن أنو المرا ما تقبل هالشي لأنو مو من شيم المرأة تترك الزوج أو الأخ يجلي او يطبخ
شكراً للأخ عماد لأنو موضوعك يعبر عن تقديرك و تفكيرك بتعب أمك و أخواتك بالبيت
أشكرك خناف
نحن قلنا بأن الظروف تغيرت و قد أصبح كل من الرجل و المرأة
يعملان خارج المنزل ..
فهل من المعقول أن يعودا معا من الوظيفة فيرتاح الرجل
بينما تبدأ المرأة بالعمل من طبخ و جلي و تكنيس .. ?
و دمتم بخير
_ _ _ _ _ _ _ : _ _ _ _
لا ضير من عمل الرجل في المنزل
لكن الضير يكون عندما يعمل لوحده دون مساعدة احد له
شخصيا احب المساعدة في بعض الاعمال المنزلية
والله يعيننا بعد الزواج
أخي دلشاد شايفك رح ترضخ للأوامر العسكرية بعد الزواج
الله يعينك يا رب
_ _ _ _ _ _ _ _ _ _ _ _
العمل في المنزل بصحيح العبارة :احيانا تتطلب بعض الاعمال مجهود كبير في البيت فلابد من المساعدة وبعض الرجال لهم اذواق في الطبخ فتجدهم في المطبخ والمساعدة جميلة بين الرجل والمراة وتجد المراة من اسعد النساء عندما تجد زوجها الى جانبها للمساعدة ولكن هذه المساعدة تاتي كحالات اسثنائية كحالات المرض او التعبير عن حب الرجل لزوجته لانها تكون سعيدة بذلك
من جهتي ربما اعبر عن حبي لزوجتي احيانا وليس تكرارا لان التكرار يصبح عادة هههههههههه
الله يسترنا بعدين شو راح يصير
عماد انت راح تخرب بيتنا ياخي من ورا موالاتك .............اشوف فيك يوم
سألنا عن غياب الأخ مموزين
قالوا بأنه يتبع دورة في الطبخ و النفخ و التشطيف و مستلزمات البيت
و هو مشغول كتير لأن دورته مكثفة فالعرس عالأبواب
نرجو له التوفيق
موضوع مهم جدا يستحق النقاش لدراسة بعض الافكار الرجعية التي يعتبرها البعض عيب
فشكراً لك اخي عماد
ان مساعدة الرجل للمراة في البيت تزيد من شهامته
بالنسبة لي الرجل المتعاون يقدر المراة
كماأنها تقلل من حدة الخلافات وتساعد علي تنمية وتقوية العلاقة الحميمة وانهما بذلك يساعدان في تنشئة أطفالهم كما يروا أباءهم وأمهاتهم على فكرة التعاون وروح الترابط وأن تصبح كل أسرة متكاملة.
يا جماعة قلدوا الأجانب بالشغلات المنيحة
شوفوا شلون هالزلمة عم يكوي قميص مرتو !!!!!
(بس يا خوفي يكون عم يحكي مع وحدة تانية......................)
مموزين
بريشانم
أشكرا تواجدكما هنا
و ها نحن نرى في موازنة بين موقف الرجل و المرأة
ما يراه الرجل خراب بيوت تراه المرأة شهامة
و ما تقول عنه المرأة أن مساعدة الرجل لها يعد تقديرا لها
يتخوف الرجل من زيادة العمل في البيت خشية تمردها عليه
دمتم بخير
_ _ _ _ _ _ _ _ _ _ _ _
منظر الرجل في المطبخ غير مقبول ... الا في حالات استثنائية كمرض الزوجة او عند الضرورة الملحة ... وهنالك بعض الاشغال التي تتطلب حمل شيء ثقيل مثلا اوتادية غرض للزوجة صعب عليها ( فعلا ) ان تفعل ذلك ... لكن بشكل عام منظر الرجل في المطبخ غير لائق بحقه (بوجود الزوجة او الاخوات ) ... وشكرا عماد ...
رأي أنك تثير المواضيع الرائعة
عماد
أنا مع رأي كجى قامشلو منظر الرجل في المطبخ غير مقبول وغير لائق الا في حالات معينة
شكرا يا عذابية ... بعتقد كلكم مش متزوج !!!؟؟؟
يا جماعة - بدنا من المتزوجين يعبروا عن مشاعرهم و مشاعر ازواجهم حين قيامهم بالعمل المنزلي او عدمه و موقفهم من ذلك باختصاااااااااااااااااااااار ... !
خبرة عشرين عاماً ......ونزداد شباباً....بند ضمن بنود السيرة الذاتية ..
السلام عليكم
بالنسبة الي أنا لساتني عزابي
كتير مرات بساعد أخواتي البنات وأمي
طبعا ليس بشكل منظم لدرجة توزيع العمل بيناتنا
لكن على قليل بحاول أخدم حالي بنفسي مثلا أجهز لحالي الأكل اذا جعت
أفرش لحالي لما بدي نام
ابدا مو غلط انوا الرجل يساعد بشغل البيت ضمن ضوابط
النبي عليه الصلاة والسلام قدوتنا في ذلك كان يساعد أهل بيته
وكان يحب الخياطة
تقبلو مروري
اولاا بتشكرك عماد على الموضوع
بصراحة اول شي انا لحالي عايش فجباري بدي اعمل كل شي غسيل وجلي وما اعرف شو بس كوي ما احبوا ههههه
تاني شي مو غلط واحد يساعد مرتوا اذا كانوا التنين يعملون موظفين او معلمين وبعدين في شغلات تقيلي المرا ما تغدر تعملا
والله لو اذا تجوزنا بس عرفت المرا اني اعرف اشتغل راح تبلش فيناااااا وفهمكن كفاي ههههههه
تقبل مروري اخ عماد
سلامات أخ عماد الموضوع رائع
أنا كنت بالصيفية الماضية كنت البنت الوحيدة بالبيت بعد زواج أخواتي وكانت لأول مرة بشوف حالي ربة منزل الموضوع زعجني كتير بس حاولت أطلب من أخواتي الشباب يساعدوني أحيانا يقبلوا و أحيانا لا بس بلأحيان يلي كانوا بقبلوا كنت بحس حالي أسعد بنت مع أخواتا الشباب ولم رفضوا كان بعزيني المرات يلي قبلوا فيها بس حياة ولا أروع لم بيوقف الرجل مع المرأةبكل شي بالحياة ويخلق متل جديد{ وراء كل امرأة عظيمة رجل}
أشكرك أخ عماد على طرح هالموضوع الهام و الجميل (حطيت إيدك عالجرح وفتقت المواجع)
أنا برأيي لازم الرجل يساعد المرأة بشغلات في البيت( مو بشغل البيت ) وخاصة لما تكون المرأة عم تشتغل متلا متلو وتساعدو بالمصروف فهو كمان لازم يساعدها بالبيت. وفي فرق بين شغل وشغلات فمثلا لما يجي من برا ما يكب جواربو عند سلة الغسل( يحطن جواتا) , ما يزت بيجامتو تحت العلاقة (ولكن على العلاقة), ما يترك المغسلة قايمة قيامتها لما يحلق دقنو (ينضفا شوي), ما يترك الشاي على الطاولة أو الأرض إذا انكب معو , ويساعد المرة شوي بطلبات الأولاد وكتير من هالشغلات الصغيرة الي ما تاخد منّا إلا دقايق إذا عملناها بس بتأثر كتير على نفسيتنا إذا شفناها.
وأنا مع الأخت كجى قامشلو إنو منظر الرجل مو مقبول بالمطبخ بس في كتير أشياء بسيطة يقدر يعملا الرجل بعيد عن المسّاحة والليفة وما تأثر على رجولتو ولاتاخد منو الوقت ولا الجهد وبنفس الوقت تسعد الزوجة.
كل الاحترام والتقدير لكل رجل مقدّر ومتعاون وعلى رأسهم الأخ أفيندارو
تحياتي عماد الغالي على طرح هذا الموضوع الذي يمس كل واحد منّا..
صدقني يا عماد أني ابتعدت قليلا عن كليلك بسبب العمل خارج البيت وليس داخل البيت
المهم.. أجمل رد قرأته هو لـ (كجى قامشلو) البنت الكردية الأصيلة التي نطقت بكلام ذهبي جميل..
ولكني أضيف عليه حالة استثنائية أخرى غير التي ذكرت.. أنه في غياب الزوجة عن البيت أو حين تكون نائمة فلا ضير أن يدخل الزوج المطبخ خفية وتحت جنح الظلام .. كما صار معي قبل عدة أيام.. حين أخذت العائلة لإحدى المشاوير.. ورجعت للبيت.. وكنتُ وحيدًا.. فدخلت المطبخ مرفوع الرأس.. وبدأت بتنفيذ العملية التي خططت لها في الطريق أثناء رجوعي للبيت.. حيث (تمخمخ) عندي أن أطبخ شيئًا أفاجئ العائلة به.. فكانت فكرة (المقلوبة).. فشمرتُ عن ساعدي.. وبدأت بتقطيع الخضار بعد أن وضعت الدجاج على النار.. وهكذا .. إلى أن اكتملت المقلوبة على كيف كيفكم.. ثم بدأت بتجهيز صحن (تبولة) كبير .. بزيت الزيتون ودبس الرمان.. وغلفت الصحون والطناجر بإحكام.. ونظفت ما حولي من قشور الخضار والأواني وغيرها.. حتى صار المطبخ لامعًا.. كأن شيئًا لم يكن..
أخذت العملية مني حوالي ساعتين تقريبًا.. ثم ذهبت لإحضار العائلة.. وكانت مفاجئة جميلة لهم.. خاصة بعد مشاويرهم المتعبة.. فقد بلغ بهم الجوع حدّه.. فهجموا على المائدة فاقدي الوعي.. والتهموا ما عليها.. ولم تفلت منهم حبة رز ولا شيء من التبولة.. طبعًا لم يكن ذلك بسبب الجوع فحسب.. وإنما لسرّ اللمسات التي أودعها (الشيف) في الطبخة..
والسلام عليكم..
الرجل الحقيقي هو من يعطي المرأة حقوقها .. و يكون لها عونا ... و يعطيها حق أنوثتها
اولا اشكرك على هذا الموضوع الجميل
بصراحة انا اؤيد مساعدة الزوج لزوجتو طبعا بشكل بسيط
يعني مثلا اذا الزوجة عم تطبخ وطبخة تقيلة ومارح تلحق على السلطة
فشي عادي لو زوجها قام عمل السلطة (طبعا يعملها وهو مبسوط ومتفهم)
يعني في اوقات مساعدة الرجال لمرتو بيخليهم يقربو لبعض اكتر
بظن المشكلة مشكلة وعي اجتماعي يعني مفهموم شغل البيت من يوم يومو على البنت او الزوجة او الام
طبعا التفكير الصحيح هو انو شغل الرجال بالبيت مابيعيبو ولا بينقص من رجولتو
بس لللاسف الغلط بالتفكير مو بالفعل
تحياتي
ديلما
اسمحولي قبل كل شي اسلط الضوء عل تناقض موجود بمجتمعنا ككل .
فالحماية مثلا بتكيل بمكيالين .. بتعطي لصهرها وسام الشهامة لو كان مطيع لزوجتوأ و كان بيساعدها بالطبخ والنفخ .
بينما لو قام ابنها بمتل هاد الدور مع كنتها المصون اكيد و بدون شك ممكن تنعت ابنها و توصم جبينو بكلمة خربوووووووووو.
و بما انو خير الامور الوسط فانا بقوم بكل الوجبات بشكل سري للغاية ... حتى عن المدام يعني بالمختصر ما بترك لحدا فرصة يشكرني او يوبخني .
بتذكر اني اكثر اوقات المساعدة الي قمت غبها تجاه الزوجة اني حضرت ولاداتها التلاتة و كنت بقوم بدور الممرضة اللي ماسكة منادل لتنشيف العرق المتصبب ناهيكم عن التشجيع رغم انننا عايشين بمدينة بتمنع دخول الازواج لغرفة الولادات .
لكن الانكى و الامر بالوضع اني زوج انسانة موظفة ..انسانة رسمتلي خطوط حمراء ....
عندها دخولي للمطبخ هو التابو الاول .. بحجة اني بوسخ اكتر مما بنضف ... لهيك قمنا و بكل ديمقراطية بتقاسم سلطة التدبير المنزلي ...
هي عليها الطبخ و انا علي النفخ .. هي عليها الغسيل و النشر و انا علي لم الغسيل و الكوي ....بيتبقى من صلاحياتي الخاصة تعزيل الصوبيا و تركيبها و غسيل السجاد و الشوبينغ .......... بس امانة امانة .. ما بدي لا حماتي و لا اوالدتي تدرى بهيك تصريحات بدليها لاول و اااااااااااخر مرة .
تقبلو مروري
سردم
أدليت بصريحاتك هذه لأول مرة وفعلاً آخر مرة
هل تظن بدك تنفد منها على الأقل
من عقاب الوالدة
أما الحمايه مُنى قلبها أن ترى صهرها بهذا التفاني
ولو انتي عم تساعد بنتا
وعلى قولتك سردم
يا رضا الله و رضا الحماية ...... قولو امييييييييينننننننننننننننننننننن
يا رضا الله و رضا الحماية ...... قولو امييييييييينننننننننننننننننننننن
شايف اخي عماد انك عم تفتح لحالك طريق المطبخ.. .ههههه
انا شايف عمل الرجل في البيت.. احياناً بيكون.. مزعج.. لو تعلم الطبخ..
بتصير كارثة
انا بصراحة بعد الزواج.. ما اشتغلت شي بالبيت.. إلا .. قليل جداً.. لأن المدام.. بتشوف انو الشغلة معيبة ..وطبع الانسان ميال للراحة هههه
بس شوي شوي .. عم .. نبلش.. نغير .. الفكر.. التقليدي....رغم انها ..جامعية... يعني.. عم حط الصفرة.. وبشيلها... والحبل على الجرار
تحياتي لجميع الاخوة في الموقع وبحب انضم الكم كوني واحد جديد
بالنسبة للموضوع فعلا منظر الرجل غير لائق بالمطبخ بس طبعا هاد ما بيعني انو ما بيساعد مرتوا بالبيت
وطبعا للاسف في بعض الرجال مفكرين المراة بس مشان الشغل يعني المراة بالنسبة الهم كواية وغسالة وطباخة ....الخ
وبرجع بقول منظر الرجل غير لائق وهوا بالمطبخ مشان ما يقولوا عنوا welle ev zilam ser pirke
u gilk silva min jebo hevala u ez bi hevy me ko win hevalte bidn min
الحبل على الجرار ...
*** @ *** @ *** @ *** @ *** @ ***
الجهادي المتفائل