أن اللغة هي وسيلة التواصل مع الاخرين  للتعبير
عن المشاعر العواطف الحاجات  التاريخ التراث .....
و اللغة العربية متل باقي كل هاللغات لها نفس المزايا بالأضافة إلى أنها لغة القرأن الكريم ولغة أهل الجنة ( متل ما بيقولوا )
بس المشكلة موهون
نحن في سوريا بشكل عام ومنطقة الجزيرة بشكل خاص عنا ضعف كبير ونقص بالغات الأجنبية متل الفرنسية والأنكليزية 
خاصة هدول اللغات صاروا لغة العصر والتكنلوجيا ومافيك تشتغل بوظيفة أذا ما عندك كمبيوترو أنكليزي مع أنوا هدول مو لغات أهل الجنة
وبسبب عدم توفر الكوادر المنيحة بهاي اللغات بمنطقة الجزيرة أذا دخلت بين طلابنا رح تكتشف أشقد عندن ضعف كبير كتير بهل اللغات وبسبب توفر الكوادر الكتير منيحة باللغة العربية من جهة تانية

أمثال الأستاذ( عبد الحفيظ شاكوش )و (شيصل) الفطاحل باللغة العربية والمتخصصين بجلب العلامات الشبه تامة باللغة العربية وكون أنو اللغة العربية مابدا بس المجموع بأمكانك تدخل الفرع أدب العربي بس على علامة الأختصاص
صار في عنا عدد هائل من طلاب الجامعات بالأداب عم بيدرسوا الأدب العربي مو لسواد عيون اللغة العربية بس هيك طلعلون بعدين حاطيين ببالون الدورات مشان الرزق
وهاي الحلقة المفرغة رح تستمر فترة طويلة لبين ما يصير وعي للأبتعاد عن اللغة العربية والأنكباب على اللغة الأنكليزية والفرنسية
بالمناسبة أي طالب بيكون عندوا شهادة بكلوريا مع لغة فرنسية بيتوظف دغري بالساعات وبأحسن وأقرب مدرسة
وبالنهاية بدي قول لطلاب المقدمين على البكلوريا أذا حاطيين ببالون الأدب العربي رح قلون انوا مستقبلا عم بيضعف مقارنة مع باقي اللغات ولازم يعيدوا النظر بطموحاتن كتير كتير ويلتفتوا للفرنسي والأنكليزي ( لغات العصر )
وسباس كتير
................