في واحد حمصي سألو شو رأيك بالزواج المبكر قال: يعني أي ساعة؟

..في ثلاثة حماصنة سرقو بنك عجزو عن عد المصاري فقالوا إيه بكرة نعرف من الجرايد

في واحد حمصي راح يخطب وحده فقالولو أهلها والله البنت عم تدرس فجاوب الحمصي : طيب برجع بعد نص ساعة

قال في حمصي صغير سأل امه: ماما بس يكبرو رفقاتي مع مين بدي العب

حمصي عم يلطِّش صبية
آلتلو : حل عني
أللا : ليش الأسئلة صعبة!!؟؟

واحد حمصي شاف وحدة حلوة بالباص وعجبتو، لما نزل أخد رقم الباص

حمصي و مرتو تبنوا ولد من الهند
و بلشوا يتعلموا هندي
مشان وقت يكبر يفهموا عليه

حمصي آل لخطيبتو
بس زمرلك انزلي
فقالتلو : يااااااااي , اشتريت سيارة؟؟؟؟
قلها : لاء بس اشتريت زمور

حمصي أللو الدكتور
كل يوم امشي 10 كيلو
بعد شهر اتصل بالدكتور و أللو
أنا صرت بحلب

واحد حمصي كان ماشي بالشارع شاف واحد قاله دخلك وين الرصيف الثاني ،
فقالو هنيك مقابليك
فقالو الحمصي غريب سألت هنيك قالولي هون

في واحد حمصي اشترى سيارة حديثة 'بي إم دبليو' لما فتح الراديو سمع هنا لندن فقال : يا لطيف ما اسرعا ..

ليش الحمصي الصغير أذكى من الحمصي الكبير ؟؟ .. لأنو ما صرلو زمان حمصي

في حمصي معه موز قاعد بالباص بيقشر الموزة وبيغطها بالسكر و
بيرميها من الشباك ، كرر العملية أربع خمس مرات سألوه الناس ليش هيك عم تعمل ؟؟ ببساطة جاوب أنا ما بحب الموز بسكر

في أربعه حماصنة كانوا عم يلعبو على الأوتستراد ، فاتفقو بإنو إللي
بيندعس أربع مرات بيطلع برات اللعبة