حوار مع Roja

13 ردود [اخر رد]
مشترك منذ تاريخ: 06/01/2006

سلسلة الحوارات الكوليلكيّة !

عاشق كردستان says:
روجا.....مساء الخير
roja says:
مساء النور...
عاشق كردستان says:
كيف الحال..!
roja says:
تمام الحمد لله
انت كيفك؟

عاشق كردستان says:
تمام...بفضل الإله
roja says:
له الشكر والحمد دائما
عاشق كردستان says:
طبعا روجا...بظن عندك فكرة عن الحوارات الكوليلكية....والغاية منها تعميق معرفة الأعضاء ببعضهم.... بتشكرك لقبول هاللقاء....وطبعا ممكن يتواجد بين الأسئلة المطروحة...سؤال أو أكثر .... لربما يكون خاص...أو ما بتحبي تجاوبي عليه.....فيكي ترفضي الإجابة....ورح كون سعيد باستبدال السؤال.....
على بركة الله نبدأ .....الحوار الكوليلكي الرابع!

roja says:
بيسعدني هاد الشي اكيد وتحياتي الى اسرة كوليلك الرائعة
عاشق كردستان says:
روجا...لحتى ما قيدك بالسؤال........عرفينا على حالك.... بالشكل للي بتحبيه؟
roja says:
روجا...بنتمي الى كوليلك من القامشلي ....
عاشق كردستان says:
أهلا & سهلا فيكي وبكوليلك....وبقامشلو
roja says:
يا اهلا فيك ....
عاشق كردستان says:
روجا....شو رأيك بمدينتك؟
roja says:
اعجز عن وصفها
عشت فيها كل ايامي بساعاتها الحلوة والمرة
فيها اعز ناسي واحبابي....

عاشق كردستان says:
روجا....حب مدينتك هو سبب محبتك لناسها.....ولا حب ناسها هو سبب محبتك لمدينتك؟
roja says:
انا بظن انه الناس اللي بتحبهم هن اللي بيحببوك بالمكان........
فالاماكن الها ارواح بفضل هؤلاء الناس

عاشق كردستان says:
روجا....شو أحب أنواع الحب إليكِ؟
roja says:
والله هو بصراحة ...الحب حلو بكل انواعه
حب الاهل ...الاصدقاء ....الحبيب
يعني لكل حب لنا حاجة
بس براي الشخصي حب الصديق

عاشق كردستان says:
الصديق ولا الصداقة؟
roja says:
الاثنين يؤدون الى نفس الطريق...
عاشق كردستان says:
طيب خليني غير طرح السؤال : أيهما أجمل الصداقة مع نفس الجنس...ولا مع الجنس الآخر؟
roja says:
رح كون صريحةمعك......
عاشق كردستان says:
أهم شي (((الصراحة)))
roja says:
الصداقة مع الجنس الاخر احلى واصدق...
عاشق كردستان says:
حكيك هاد...نظري...أم من خلال تجربة؟
roja says:
لا اكيد تجربة خضتها بحياتي ..
عاشق كردستان says:
روجا....بتحبي تمشي تحت المطر؟
roja says:
ههههههههه بحب بس مو مع كل الناس
عاشق كردستان says:
هههههه
حلو كتير الواحد يمشي تحت المطر....وخاصة إذا كان مطر خفيف....مع شمس خفيفة
والجو عنا هلاء....هيك....شو رأيك أجل الحوار وروح امشي شوي
ههههههههه

roja says:
والله بتعرف شو عقوبتك ؟؟بلا ما احكي
عاشق كردستان says:
ماشي....
ههههه
روجا....شو قصدتي بقولك.... انك بتنتمي لكوليلك

roja says:
انا شفت حالي بكوليلك... عرفت نفسي من خلالها ...
كانت اول تجربة الي بعالم النت وما بتخيل نفسي بيوم من الايام اني رح اتركها واترك الناس الطيبين اللي فبها وتعرفت عليهم من خلالها

عاشق كردستان says:
كانت تجربة مريرة....ولا حلوة.....ولا مزيج حلو بطعم المرارة؟
roja says:
تجربة حلوة كتير ولا يخلو من بعض العقبات فيني سميها ....بدل المرارة
عاشق كردستان says:
طيب شو بتقوليلنا عن كوليلك...كخلاصة لتجربتك؟
roja says:
انا بيربطني فيها كل شي جميل ....وبظن هيك راي الاعضاء ككل
عاشق كردستان says:
روجا....إنتي بمزاج حزين ولا سعيد؟
roja says:
انا بشكل عام سعيدة وبضحك دائما
بس هذا لا يعني انه مافي مشاكل او هموم تستدعي الحزن بعض المرات

عاشق كردستان says:
شي أكيد
روجا....إيمتى أكثر مرة فيها بكيتي بصدق؟
وشو كان السبب؟

roja says:
بتعرف مشكلتي اني ببكي كتير وبسرعة كمان بس بنسى بسرعة اكتر....؟!
انا بطبعي انسانة صادقة وصريحة مع حالي ومع الطرف الاخر ايا كان (صديق ..صديقة ...اخت .........)
لما بحس باي خيانة او اي شي من هذا القبيل فاكيد رح اتضايق وابكي وقتها
وبتذكر اكتر مرة بكيت فيها ؟
لما ودعت شخص غالي كتير ؟

عاشق كردستان says:
هو رحل عنك...ولا انتي رحلتي عنه
roja says:
مو موضوع رحيل بس سفر
عاشق كردستان says:
تحية طيبة له.....وهنيئا لكما سويةً
roja says:
شكرا الك
عاشق كردستان says:
شايفك قلبتي خلقتك...ورح تقلبيها مناحة بعد شوي ....وتشغلي الدموع خلينا نغير السيرة
roja says:
ههههههههههه
ذكرتني باوقات صعبة

عاشق كردستان says:
روجا.....إنتي كأنثى...بتحسي حالك بتتمتعي بحقوقك ولا لاء؟

roja says:
يختلف الراي حول موضوع الحقوق.......
بس انا حسب البيئة وطبيعة العيش فيها ...واهلي بظن اخدة كل حقوقي .......
ما بعرف إذا كانت حرية التعبير والرأي والطلعة والفوتة كل هاد من حقوق المرأة فبظن اني حققتها....

عاشق كردستان says:
يقولون((هن بيقولو طبعا مو شرط كون مؤمن بحكيهم انا)).....بأن المرأة لم تحصل على كل حقوقها بعد....فبرأيك إنتي هل السبب هو الرجل للي بيطغى على حقوق المرأة....أم أن المرأة نفسها سبب في ضياع حقوقها ((المزعومة))
roja says:
عزيزي نحنا بوقت تغيرت فيها كل المفاهيم حول كل المواضيع
يعني عم نشوف المراة بمجالات العمل مع انه قبل يمكن ما تشوف هاد الشي مرغوب فيه...هاد واحد من مظاهر تحقيق المراة لحقوقها في التعليم
لا انكر لسى في بعض الطبقات اللي لساتهم بمفاهيم قديمة حول كتير من المواضيع
بس هلا بعصر العلم والانفتاح لا بشوف نحن كجنس اللطيف محققين جزء لا بأس به من حقوقنا

عاشق كردستان says:
جنس اللطيف ولا الـ(يالطيف)
ههههههه

roja says:
هههههههههههههه
كنت بعرف رح تعلق على هالكلمة ؟؟

عاشق كردستان says:
هههههه
يعني برأيك بالوقت الراهن....المرأة بشكل عام حصلت على حقوقها؟

roja says:
ابسط مثال ؟
عاشق كردستان says:
تفضلي
roja says:
هاي عم حاكيك مع العلم أنه نص العائلة قاعدين ؟؟برأيك هاد مو حق حصلت عليه؟؟
عاشق كردستان says:
بس معظمكم حصل على هالحق....من زمان
وتحديدا...الفتاة المتعلمة

roja says:
لا مو من زمان كتير وبعرف كتير ناس عم يحلموا بحق الحرية ؟
حتى المتعلمة إلا أن هناك من تعاني عدم الحرية ؟

عاشق كردستان says:
شو الحرية للي بتقصديها؟
roja says:
الحرية بكل أشكالها
حرية الرأي ..حرية العيش .....حرية التفكير ..وكتير منها

عاشق كردستان says:
التفكير... شلون يعني حرية التفكير؟
ما التفكير بيتم بين الإنسان وذاته...شلون رح تتقيد هالحرية أساسا؟

roja says:
طيب شو فائدة هالحرية إذا ما دافعت عنها وعملت فيها؟
عاشق كردستان says:
طيب اللوم على مين هون؟...عالمرأة ولا عالرجل؟
roja says:
المرأة والرجل مين هن ؟هم المجتمع
انا وانت واهلي واهلك اصدقائك واصدقائي....

عاشق كردستان says:
يعني بتعممي اللوم على المجتمع ككل؟
roja says:
كل مشاكلنا من المجتمع؟
تذكرت موضوع يا ناس تركوني بحالي؟

عاشق كردستان says:
من ساعة عم حاول أخد منك إجابة شافية....وإنتي عم تروحي وتجي هه هه ه هه هه....الحقوق التي تدعون بأنها مسلوبة يا معشر حواء ... هل الرجل هو السبب في سلبها...أم ضعفكم...((إن كان هناك حقوق مسلوبة طبعا))
roja says:
لا
لا
لا

عاشق كردستان says:
اللاءات الثلاث؟
بس على شو؟

roja says:
مشان تعرف الجواب الشافي؟
عاشق كردستان says:
لا حقوق مسلوبة...لا الرجل هو السبب....لا ضعفكم هو السبب؟؟
roja says:
تماما؟
عاشق كردستان says:
كان فيكي تكتفي بلاء وحدة ... وتقولي بأنه مافي حقوق مسلوبة....وهاللاء...كانت بتلغي حكما ما يليها
ولا الحبر عندك كتير وبدك تخلصي منه

roja says:
يا اخي كل واحد يعيش متل مابدو وخلصنا
هههههه

عاشق كردستان says:
هههههههه لاء انا ناقشت معك هالنقطة...لأن بحسك شايلة حقوق المرأة على كتافك وماشية فيهم
roja says:
يا سيدي نتمنى الحرية والسعادة للجميع للرجال والنساء معا...
عاشق كردستان says:
كتر خيرك والله.....
خلينا نغير السيرة

roja says:
طيب
عاشق كردستان says:
جاوبي عن الأسئلة التالية : بكلمة واحدة...من ضمن السؤال
روجا .... إنتي بنت قوية ولا ضعيفة؟

roja says:
قوية
عاشق كردستان says:
روجا .... إنتي جبانة ولا شجاعة؟
roja says:
شجاعة وجريئة زيادة بعض الاحيان
عاشق كردستان says:
روجا .... إنتي متفائلة ولا مكتئبة؟
roja says:
متفائلة
عاشق كردستان says:
خلص النمط المحدد ..
roja says:
الحمد لله
كنت على اعصابي وصوت الموسيقى بتخوف؟

عاشق كردستان says:
هههههههههه
انا خفت لا يفرطو أعصابك....لهيك اختصرت الأسئلة

roja says:
كتر خيرك والله
عاشق كردستان says:
روجا....شو نقطة ضعفك
roja says:
الخيانة بكل وجوهها
عاشق كردستان says:
روجا...بصراحة تامة.... هل كان الحوار بالمستوى للي توقعتيه...أم دون...أم فوق؟
roja says:
متل ما توقعت تماما؟
عاشق كردستان says:
روجا....وجهي كلمة للكوليلكات جميعا..!
roja says:
بس كوليلكات
عاشق كردستان says:
روجا... وجهي كلمة لأعضاء بتختاريهم من كوليلك...!
roja says:
بحب حيي الكل من اعضاء ومشرفين وادرايين ........
واتمنى نبقى هيك دائما ومتعودين ..اسرة واحدة

عاشق كردستان says:
لاء....أعضاء محددين....قصدت تسمي عضو وتوجهيله تحية
توجهيله..مو تحية...كلمة تختاريها

roja says:
مافي حدى معين
عاشق كردستان says:
تمام.....!
في شي بتحبي تضيفيه.......!

roja says:
بحب اشكرك كتير
عاشق كردستان says:
وأنا بتشكرك...أكتر بشوية
أسعدني الحوار
شكرا لقبولك اللقاء مرة تانية
وبتمنالك....كل السعادة والتوفيق بحياتك....!

roja says:
وانا انبسطت اكتر ولا شكر على واجب
اتمناها لك ايضا

عاشق كردستان says:
إلى اللقاء ((على قولة كيفارا....))
roja says:
الى اللقاء

User offline. Last seen 4 سنة 23 اسبوع ago. Offline
مشترك منذ تاريخ: 01/10/2007

حوار ممتع وظريف ........
بشكر الاخ عاشق كردستان على الحوار اللطيف والمرح
وبشكر الاخت روجا على صراحتها وبتمنى انو نبقى دائما اسرة وحدة بكوليلك
وشكرا الكم مرة تانية

User offline. Last seen 12 سنة 6 اسبوع ago. Offline
مشترك منذ تاريخ: 01/06/2008

اي شو هيدا الحوار.....
اي هيك روجا ما خليتي الزلمة يتنفس :mrgreen:
وانا معك بكل كلمة قلتيها عن الحرية...مع بعض التحفظاااااااات 8)
ويي عاشقو بدك تترك ضيفتك وتمشي تحت المطر ..
مو عارف مع مين علقان :mrgreen:
فعلا حوار لطيف ..و شفاف

User offline. Last seen 14 سنة 34 اسبوع ago. Offline
مشترك منذ تاريخ: 22/08/2006

شكرا أخ عاشق وأخت روجا
على الحوار الممتع
ومرة تاني بتشكرك يا مذيع كوليلك

User offline. Last seen 14 سنة 44 اسبوع ago. Offline
مشترك منذ تاريخ: 08/08/2008

الله يعطيكم العافية أخي عاشق و أختي روجا
قد تكون الافكار بسيطة و لكن عادة يكتسب الحوار جماله
من مهارة الطرفين المحادِثين , لكما جزيل الشكر
( و الله لازم بعد ما تخلص كل المقابلات شي حدا يعمل معك مقابلة هيك ) :lol:

User offline. Last seen 14 سنة 27 اسبوع ago. Offline
مشترك منذ تاريخ: 21/04/2008

حوار جميل بس الحوارات عم تعملها وجها لوجه وللا عالنت :wink: :mrgreen:

User offline. Last seen 11 سنة 48 اسبوع ago. Offline
مشترك منذ تاريخ: 28/04/2006

weran wrote:

( و الله لازم بعد ما تخلص كل المقابلات شي حدا يعمل معك مقابلة هيك ) :lol:

المقابلة صارت أصلاً لأنو إذا انتبهتوا روجا صارت هي المذيعة وعاشق نسي حالو وصار يجاوب وشوي تاني كانت رح تقلو وصلنا لمرحلة (جاوب عن الأسئلة بكلمة وحدة) :evil:

بس بجد حوار مميز وأكثر ما عجبني هو إعتراف من فتاة بأنها حصلت على حقوقها ولو بعض منها

شكراً روجا , شكراً عاشق

صورة  Fade_Endrawse's
User offline. Last seen 11 سنة 6 اسبوع ago. Offline
مشترك منذ تاريخ: 12/04/2007

حوار جميل

تحياتي :wink:

User offline. Last seen 14 سنة 24 اسبوع ago. Offline
مشترك منذ تاريخ: 28/03/2006

مموزين ..اهلا ويا ريت نبقى دائما اسرة كريمة
حبيبتي شفين ...شفتي كان رح يترك ضيفته ويمشي تحت المطر بس حليت الموضوع بسرعة :mrgreen:

نورجان اهلا وتحياتي لك ...

ويران عزيزتي اهلا وانا معك عن جد بدو مقابلة بس على مستوى
تحياتي لك ...

جكر اهلا بك ... :)

استاذ شيركو... اعترف باعلى صوتي
وجودك هو التميز بعينه ... :)
عزيزي فادي شكرا الك ...بس وين هالغيبة :?:

User offline. Last seen 4 سنة 47 اسبوع ago. Offline
مشترك منذ تاريخ: 08/10/2007

يسعد اوقاتكم

ولو أن ردي جاء متأخرا ..لكنني أود أن أقول بأن الحوار في غاية الجمال

والقوة وعزيزتي روجا ما بتقصر ابدا بهالنوع من النقاشات

وعزيزي عاشق .. ما يهنالو عيش اذا ما دخل حالو بالمتاهات ودهاليز النسوان :mrgreen:

أود ان اعبر عن كلمل اعجابي بكما روجا وعاشق كوردستان

دمتم سعداء

User offline. Last seen 14 سنة 24 اسبوع ago. Offline
مشترك منذ تاريخ: 28/03/2006

نيسان حبيبتي مرورك في غاية الجمال مثلك :)

والنجم اللامع عاشق الا ويجي يوم يدفع ثمن هالنجومية ولا شو رايك ... :wink:

لك مني يا عاشق اطيب الاماني وارقها ... :)

User offline. Last seen 13 سنة 36 اسبوع ago. Offline
مشترك منذ تاريخ: 22/02/2009

الله يعينا :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink: :wink:

مشترك منذ تاريخ: 06/01/2006

Roja,

Quote:

والنجم اللامع عاشق الا ويجي يوم يدفع ثمن هالنجومية ولا شو رايك ...

لك مني يا عاشق اطيب الاماني وارقها ...

مِنَ المُؤكَّد ..... أنَّ لكل ما قد يفعل الإنسان ((ثمن))

لَكِ مني....أماني أشدُّ طيباً :wink:

مشترك منذ تاريخ: 06/01/2006

memuzin, الشكر لدوام تواجدك عزيزي ...وبنتمنى دوام تواجدك بهالأسرة أكيد :P

shaveen_shvan, اي لى .. كان بدنا نطلع مشوار ونرجع بس.... ما خلتنا :?

norjan, شكراً لتواجدك عزيزي ...

weran, الله يعافيكي أختي ... اي قريباً إن شاء الله 8) ولكِ جزيل الشكر

ceger1, لا عالنت حبيبي .... وأنت الأجمل :)

shergo bejo, العزيز الغائب ... شكراً لك "اشتقنالك"

Fade_Endrawse, أطيب تحية لك عزيزي ... ولفتاتك المرحة كما أنت :wink:

نيسووو, "اشتقنالك" ... بنتمنى تواجدك الطيب معنا "قريباً"

znar-2010, ونعم المعين ... شكراً لك عزيزي