سمو متشرداً في القطار

5 ردود [اخر رد]
User offline. Last seen 14 سنة 10 اسبوع ago. Offline
مشترك منذ تاريخ: 17/10/2005

طبعاً مثل ما بنعرف سمو كمان بدو ينزل عالعيد , وومشتاق للأهل والحبايب , خاصة ( دنيا عيد ووعرفاتة ) ..
سمو بيطلعلو رحلة ببلاش , لأنو صار عندو 9 بطاقات ...
سمو نزل على المكاتب وفي رأسه صور العيد وصباحه وتكبيراته تتردد ....
دخل المكتب , فوجئ بأنهم يقولون مافي قطع , جن جنون سمو , شلون , هلا صار قطع قدامي للعالم .. ووكان بدو يعمل خناقة طويلي عريضة جوا المكتب :evil: ...
المهم صار يتنقل بين هالمكاتب أملاً بكرسي يوصله لربوع الجزيرة :( ... ولكن عبس فكل الشركات ( هلال , وشلال , وجق جق , والنيل , .....إلخ ) كلو كومبليت ...
علم سمو بأنه يمكن أن يقطع ولكن بشرط أن يكون له واسطة بشي مكتب لهلشركات :twisted: ...
ما كذب خبر , سوى واسطة , الواسطة الأولى : طلع في خربطة بالكرسي إلي حجزولو ياه..طار الكرسي :cry: ..
الواسطة الثانية ...دخل سمو المكتب واثقاً من نفسه :twisted: , ولكن بعد ساعة من الوقوف , وخاصة أن كل الواقفين قطعو ماعداه ..استنتج أن واسطات الآخرين أقوى من واسطته , وبأن ( واسطته تحتاج لواسطة ) ... كمان طار الكرسي ... :cry:
انقطعت السبل بسمو :? , لم يرى في وجهه سوى شركة ( الجك جك تورز ) مؤسسة خ ح س , ولكن للأسف كمان , الـ خ ح س كومبليت :(
قرر سمو الركوب بشكل مخالف :twisted: وخليه ياكلها مخالفة أحسن ما يعيد بالشام , وركب قبل الرحيل بساعة عالقطار وهو يتنقل من فاركون لآخر ليجد مكان للجلوس , وأصحاب المقاعد الحقيقيون , يطالبونه بالكراسي :evil: وسمو متنقل , ولكن قبل أن يمشي القطار بدقيقة , شاءت الظروف أن يسوي سمو واسطة مشان يقطعلو كرت وهالمرة :D زبطت مع سمو وأخيراً قطع سمو , لا أو مو هيك كمان , كمان مع تخفيض طلابي :lol: ..
وصار حكمة سمو ( الواسطة الثالثة ثابتة ) ...
وأخيراً بعد 15 ساعة في القطار 8O وصل سمو لربوع الجزيرة بسلام بعد ما صار معو أفلام بالقطار ...
كل واسطة وانتم بخير عفواً كل عيد وأنتم واسطة عفواً كل عيد وانتم بخير 8)

User offline. Last seen 4 سنة 23 اسبوع ago. Offline
مشترك منذ تاريخ: 01/10/2007

اهلا بعودتك والحمد لله على السلامة
ان تصل متاخرا افضل من ان لاتصل :D :D
وكل عام وانت بخير

User offline. Last seen 14 سنة 7 اسبوع ago. Offline
مشترك منذ تاريخ: 17/08/2008

و ي الحمد الله على السلامي

وتعيش و تاكل خيرها

User offline. Last seen 10 سنة 31 اسبوع ago. Offline
مشترك منذ تاريخ: 18/02/2008

:lol: :lol: :lol:
حلو كتير
بس ياسمو ما بتعرف انو لازم تحجز او تقطع قبل بأسبوع أو اسبوعين ايام الأعياد شلون راحت عليك يعني ما كان بدها واسطة . بس منيح صار معك هيك منشان تكتبلنا وترجع :D

كل رجوع وانت بخير :D
عيد سعيد

صورة  Ramyar's
User offline. Last seen 11 سنة 39 اسبوع ago. Offline
مشترك منذ تاريخ: 26/11/2005

كل عيد وعرفات وسمو والجميع بخير وسلامت

لاتزعل سمو لأنو انا كمان طولت اكتر من 15 ساعة ع الطريق مع انو مابدها غير 7 ساعات......المهم نوصل بخير وسلامة وبي قده وبله

اختي Pella, يمكن لأنو سمو لساتو غر عفوا مستجد مشان هيك ماقطع قبل باسبوع.....أكيد هله بيكون أخد درس .........حمدلله عالسلامة سمو افندي

ان لم تكن لك بصمة في الحياة فأنت زائد عليها

مشترك منذ تاريخ: 27/09/2007

وي ولاد سمو .. هر ترين جيادي نخشتر عفوا كل عام وانت مبهدل .. حمد الله عالسلامة وكل عام وأنت بخير

_ _ _ _ _ _ _ _ _ _ _ _ _ _ _ _ _ _ _ _ _ _ _ _

علمتنا الحياة أن ندفع ثمن كل ابتسامة سيلا من الدموع