في مكتبة المدينة الجامعية
الخميس, 15/10/2009 - 22:56
لم أشعر بالضيق يوما مثلما شعرت يوم دخلت إلى مكتبة المدينة الجامعية بدمشق , فأول ما دخلت كان علي أن أجد كرسيا أدرس عليه لأن عمليات الحجز على الكراسي القليله تمت قبل شهر من الدراسة , ولم تنفعني كل محاولاتي الدبلوماسية وابتساماتي الخبيثة في وجه من كنت أطلب منهم مقعدا دون جدوى . .. إلى أن هممت أن أتعلم فنا ومهنة أصيلة في حياتنا وهي مهنة السرقة , فلولا هذه المهنة كنت سأبقى واقفا طوال يومي ...وقد حالفني الحظ أن أجلس حول طاولة كغيرها من الطاولات مليئة بالعبارات الغرامية والكلمات السوقية وعناوين التعارف حتى خيل لي أن الطاولة موقع دردشة وليست مقعدا للدراسة ... ورغم ذلك حاولت أن أدرس قليلا ووضعت ناظري على محاضراتي التي كانت تئن بين يدي من كثرة الضجة التي كنت أسمعها من حولي فرفعت رأسي في دهشة , ونظرت حولي , وخيل لي أول الأمر أني أخطأت الدخول إلى المكتبه وأنني دخلت في المقصف سهوا بسبب كثرة الأطعمة والأشربة الموجودة أمام زبائن المطعم عفوا طلاب الجامعة ... فعجبت لما أرى ...! ! فأخذت نفسي وذهبت إلى أحد الموجودين في المحل وسألته : مرحبا , عفوا شو هالمحل ..??? فضحك صاحبي في سخرية مني ومن سؤالي قائلا : شو جابك لهون هادا مكتبة طلاب الجامعة ...??!!
Mon, 19/10/2009 - 19:48
#2
الأخت pella : شكرا لنصيحتك بس وين أدرس ? قبل سنتين قامت ادارة الجامعة بجلب كراسي جديدة موزعة بشكل رباعي على الطاولات ولكن أخواننا الطلاب أخذوا الكراسي إلى الغرف وبقيت المكتبه فارغة كي ننجبر على التعود على السرقة من بعضنا ..
Mon, 19/10/2009 - 20:06
#3
صديقي عماد انا بنصحك بالدراسة بالبيت ولو بمكان صغير المهم يكون هادئ حدا بيروح عالمكتبة ليدرس؟ ليضيع وقت انا معك مكان مناسب وللأسف بس للدراسة والله انك مخطأ وكل التمنيات الك بالنجاح يارب والتخرج
شكرا00000000000
الثلاثاء, 20/10/2009 - 23:46
#6
يالطيف ...مابيخلو شي على حالو ...الله يعنا على هيك حضارة
بنصحك تدرس بلحديقة لانو بيفتح النفس :wink:
بلتوفيق اخ عماد
الأربعاء, 21/10/2009 - 00:01
#7
والله هاد هو الوضع مع الاسف
بس الحمد لله انا ما بروح للمكتبة بنوب :mrgreen: لا مكتبة الوحدة ولا غيرها :lol:
غرفتي احسن وحتى لو في ضجة فيها :mrgreen: احسن ما اشوف يلي بتشوفوه لاني سمعت كتير شغلات يلي بتصير بالمكتبة :|
شكرا اخ عماد وبالتوفيق ان شاء الله
الأحد, 25/10/2009 - 20:33
#8
Derya1988 wrote:
وييييي طلعنا مخطئين كمان اذا دخلنا المكتبه بس شي مئة مره بالسنة !!!! . سامحينا هالمره صديقتي دريا خلص توبه ما عاد أطلع منها بنوب ..
صديقي عماد انا بنصحك بالدراسة بالبيت ولو بمكان صغير المهم يكون هادئ حدا بيروح عالمكتبة ليدرس؟ ليضيع وقت انا معك مكان مناسب وللأسف بس للدراسة والله انك مخطأ وكل التمنيات الك بالنجاح يارب والتخرج
شكرا00000000000
Mon, 16/11/2009 - 22:14
#9
jooan wrote:
اي والله أخ جوان ادعيلنا .. أشكرك عالمرور المتواضع بس المرة الجاية كتر الدعاء ها
الله يكون معك ويساعدك
الخميس, 19/11/2009 - 18:21
#10
روشدار , بافي هفال , سازه , ,, أشكر مروركم الكريم , ويبقى وضع المكتبة كما هي عليه منذ زمن و ستبقى ..
الجمعة, 08/01/2010 - 13:57
#11
وفي 2010 أصبح التدخين في المكتبة شيئا عاديا , والتحلق حول طاولة للتحاور والضحك والدردشة شيئا مميزا , وأصبحت الأرضية مكبا للزبالة من أوراق وأكياس البطاطس والبسكويت وكاسات الشاي والقهوة البلاستيكية وبقايا الصندويشات وأرضية مبللة بمياه صفراء لا أدري ما هي !!? بحيث تصل الأوساخ للركبة حين نمشي في المكتبة وقد يكون هذا السبب في رؤية البعض يلبسون إلى ما فوق الركبة رغم الجو البارد !! سترك يا رب
الجمعة, 08/01/2010 - 14:36
#12
ههههه
رايح تقدم فحص ولا تعمل جولة صحافه نقديه ...؟!!
بدنا كتير حتى نوصل لصوره يلي راسمها بخيالك أخي ...
بالمناسبه طمنا عن فحصك واكتب ملاحظاتك عن جو الفحص .
الجمعة, 08/01/2010 - 19:37
#13
والله يمكن عماد نسيان ايمتى امتحاناتو وكم مادة بقالو ...
من كتر ماعم يشوف شوفات لانو المسكين مابيقعد متعلم يمشي لما بيدرس وبيطلع من البيت مشان الدراسة من الصبح بكير بس المشكلة ماعم يشوف مكان مناسب يمشي فيه وبكل مكان في ملاحظة وبيفوت للموقع وبيكتب ملاحظاتو وهيك للمسا لبين مابينام
بيكون كتب بقدر الكتاب الي حاملو
والكاتب مابينخاف عليه ...
على كل حال انا راح انقل لكم معدلات المواد تبعوا :mrgreen: :mrgreen: :wink:
Mon, 18/01/2010 - 14:21
#15
روشدار wrote:
أهلا أختي روشدار , أنا رايح مشان أضرب عصفورين بحجر واحد , دائما نعيب زماننا والعيب فينا فلو عمل كل منا على الحفاظ على النظافة واحترم المكان الموجود فيه لما حصل ما يحصل , أما عن الامتحانات فلوحة الاعلانات هي التي ستحدد مستقبلنا فالمهم الآن أن أغطي سماء الورقة بالحبر الأزرق و هذا ما أفعله , بس ما أكتبه صح أم خطأ فالله أعلم و دكتور المادة وظروفه المنزلية ??
ههههه
رايح تقدم فحص ولا تعمل جولة صحافه نقديه ...؟!!
بدنا كتير حتى نوصل لصوره يلي راسمها بخيالك أخي ...
بالمناسبه طمنا عن فحصك واكتب ملاحظاتك عن جو الفحص .
فعلا متل ما قلت هاد كان ولازال حال المكتبة ما بتفرق كتير عن المقصف
بتذكر من كم سنة عملولها صيانة كمان بس البركة بالطلاب رجعوها متل أول
بنصحك أخ عماد اذا حاببت تدرس عنجد فأبتعد عنها ودور على غير مطرح :roll:
بتشكرك عالوصف الواقعي
.
.