وتستمر حكاية سبر ستار الشوارع واصبح معها نجومها الى مصادر أزعاج مثل فن هذه

الايام...

من عادتي ان اسهر الى ساعة متأخرة من الليل على امل ان انام في الصباح لكن كيف

بدي نام ونجوم الشوارع موجودين اول ما تشرق الشمس حتى يبلش الحفلة وبيكون اول

النجوم هم عمال النظافة بكل انحاء العالم بيلمو الزبالة في الليل مشان ما يزعجوا الناس

الا هون في تربسبي بيلمو الزبالة في الصباح بكل مكان بيلمو الزبالة في سيارة مغلقة

الاهون بيلمو الزبالة في (تركتور)ومو بس هيك كأنُ صوت التركتور ما بيكفي العمال

حاطين زمور اول ما تسمعوا بتنط من محلك وانت مفكرها صفارة انزار اوشي غارة جوية

مشان هيك في كل انحاء العالم اسمهم (عمال النظافة ) الاهون اسمهم عمال الزبالة . بيروح

اول نجم وبعدو بيجي دور النجوم الاخرين بياع الخضرى والغاز والخبز...الخ

البياعين ما بقى عم يعزبوا حالون وينادوا طول النهارلانه كل واحدحاطت بافلة كبيرة وعم

يحط هل الاغاني الهابطة وبتحس حالك في الكرجات مو بس هيك في نص الغنية بيتوقف

صوت المطرب وبسمع صوت البائع وهو ينادي على البضاعة يلي معو ما بيختلف

صوت البائع كتير عن صوت المطرب مشان هيك ما بنحس بكتير فرق . بعد ما فقصت

النومة بنشغل الكمبيوتر نتصفح النت شوي بعد عدت محاولات بنكتشف انُ النت خربان

وهاد الشي بيعكر مزاجك اكتر بتطفي الكمبيوتر وتقول لحالك خليني شوف الاخبار من

التلفزيون اول ما تكبس زر التشغل بكتشف انُ الكهرباء انقطعت مع ذلك تبتسم شوي

واحياناً تضحك بتستغل الفرصة مشان تشرب فنجان من القهوة حتى تصحة من الصدمات

يلي ما فارقتك من اول اليوم واخيراً اجت الكهرباء بتأخد نفس عميق وبتقول لحالك خليني

بلش يومي من هون وبتشغل التلفزيون مشان تشوف شوية اخبار يعني مشان نعرف شو

صاير بالدنيا ومع الاخبار يلي عم تشوفها بتروح البسمة شوي شوي يعني مافي غير

اخبار القتل في العالم بس اكتر شي بيزعجك هو المذيع عم بيقول الاخبار وهو يبتسم

وكأنُ عم يقدم شي برنامج اغاني. يعني وبكل اختصار بيكرهوك الحياة .بعد المأسي يلي

شفتها بتقول خليني شوف شي مسلسل واكيد رح تقفز من فوق جميع قنوات الاغاني

الهابطة لأنُ كل الاغاني سمعتها اليوم مع نجوم الشوارع بدور بكل القنوات على شي

مسلسل ما رح تلقي غير المسلسلات المعادة خمسين مرة بتمنة وقتها انُ اليوم يكون

رمضان حتى تشوف مسلسل جديد بتقول احسن شي شوف مسلسل تركي احسن من

المسلسلات المعادة وهون بتبلش المعانة الكبرى ويلي هي ما بتعرف انُ انت بتشوف

مسلسل او اعلانات يعني خمس دقائق مسلسل وعشرة دقائق اعلانات. مع كل هاد الشي

بيبقى في بعض الابتسامة ويقضي اليوم على هل الموال في اخر النهاربتتفرج على الشمس

وهي تغرب وتاخد نفس عميق وبتقول مساء الخير ياتربسبي وتعيش على امل انُ يكون

(بكرة احلى)

بقلم serbst