نيسان صايمة ..........
الأربعاء, 24/09/2008 - 11:38
الساعة هلا (2 ) بعد الظهر والكهرباء مقطوعة ونيسان عندها موعد الساعة ( 4 ) مع رفيقتها على المسنجر وقالت لحالها الساعة ( 3 ) اكيد راح تجي الكهربا وراح تابع المسلسل السوري وبعدها راح افتح المسنجر , ونيسو هلا راحت مشان تغسل الفواكه وكالعادة صارت تغني لحالها وبتغسل وصارت تاكل شي تفاح وشي عنب , هييييييييييييك لحتى خلصت من غسلهم وراحت بعدها وجابت كاسة مي كبيرة وباردة وشربتها 8O 8O نيسو هلا بتحس حالها نشيطة كتير ( شو القصة :roll: ) قالت لحالها راح نظف الشبابيك لبين ما تجي الكهربا , وأم نيسو ما هانت عليها وهي عم تشوف بنتها عم تشتغل , قالتلها امها يا بنتي لا تنظفي شي انتي صايمة و هلا بتتعبي , بعدين ايدك لسة ما شفي منيح , نيسو تجمدن بأرضها ... آه ... ولي ( نيسو تذكرت انها قبل شوي كانت عم تاكل ولا على بالها )
أمييييييييي قبل شوي كنت عم باكل وبشرب ونسيت حالي :cry: , لا والنكتة نيسو أكلت لحتى شبعت :D وأمها لنيسو قالت عادي يا بنتي هاد أجاك من عند الله وصيامك مقبول ولا يهمك :) .. وقبل ما يكملو كلامهم أجت الجارة العزيزة لعندهم مشان تنقل الاخبار الي جمعتها من الحارة وتحكي عن هاد وهاد ( أخبار تازة ) وأم نيسان خبرت الجارة عن افطار نيسو ونسوتها والجارة العزيزة بلشت وعظ وفتوات من عندها , شي صيامك باطل ولازم تفطري وما يصير تتابعي المسلسلات واتقعدي على الكومبيوتر ..و.... و ........... و ...... و ..... نيسو مستغربة وعم تتبحلق فيها ... لكن يا جارتنا كل تعبنا راح عالفاضي ... جارتنا قليلي يصير امشط شعري :lol: كمان قليلي عن اسماء المسلسلات المسموح النا نتابعها لأني سمعتلك أنو متابعة باب الحارة مو حرام وما بيبطل الصيام .... نيسو بتضحك بعبا وحرارتها وصلت ل ( 150 ) درجة وكالعادة ما قدرت ما تحكي وقالت لجارتها .. دخلك والحكي عن الناس بالسوء ونقل الاخبار هون وهنيك ما يبطل الصيام ... :evil: نيسو دافعت عن صيامها بكل قوة وبكم كلمة مرتبين مع انها بتعرف انو ما منا فايدة بس هي ما تحملت :wink:
معقول صيامي بطل :roll: شو ؟؟؟؟؟؟؟؟
الأربعاء, 24/09/2008 - 14:31
#2
Quote:
شو رأيك نعين جارتكون مشرفة وكالة كوليلك الاخبارية اذا في اخبار تازه
الأربعاء, 24/09/2008 - 14:38
#3
اي والله يا صيام نيسو لا امبلا
صيام نيسو شي جخة :mrgreen:
على كل حال انتي بتعرفي اذا فاطرة ولا لاء
لانو حسب النية يعني اكيد كنتي ناسية حالك نيسو بقى لا تتسمعي على وكالة الانباء رويترز يلي هية جارتك المخبولة مع احترامي طبعا لعقلياتها لان هيك تفكيرها
ابقى تاني مرة ديري بالك :lol:
تحياتي نيسو :wink:
الأربعاء, 24/09/2008 - 15:23
#5
لا حبيبتي لا تردي عوكالة رويتر الي عندك .....
صيامك صحيح مية بالمية لانك اكلتي وانتي ناسية..
خديها من الشيخة شافين واتكلي عالله :wink:
الأربعاء, 24/09/2008 - 16:28
#6
Do you really Nisano Saimp?
Ioit something nice to be fasting in the month of April the Niso be Saimp This is not surprising Valansp Nisano Muslim and secure is not it?
الأربعاء, 24/09/2008 - 18:27
#7
أي الف صحة نيسان وعقبالي انا كمان ، انسى وأشرب بس مي لان عم اعطش والله.
نيسان والله عندنا جارة متل جارتكن فرد شكل :wink: . اخاف يقربوا لبعض وما نعرف 8O
انشلى صيامك مقبول
الأربعاء, 24/09/2008 - 19:38
#8
والله يا انسة نيسو بالنسبة للاكل والشرب بيضل بينك وبين ربك
بس عم تحكي على جارتك وانت عملتي اكتر منها
بقلك كيف
هي اجت وجابت اخبار الحارة لعندكون يعني انتي وامك
بس انتي فضحتيها بالكرة الارضية بين 4000شخص
شو كلامي مزبوط يعني الحسنات الي عم تجمعيها بتاخدها جارتك منك عالبال المستريح
الحمد لله عالسلامة ومرة تانية انتبهي لصيامك ولا تصيري متل الي ما بيعجبك تصرفاتون
صياما مقبولا
الأربعاء, 24/09/2008 - 22:28
#9
بيني وبينك نسيتي ولا تناسيتي :mrgreen:
والله من اول يوم برمضان وانا بدعي ربي انسى شي يوم واطرقلي شي غدا مرتب
يابو ما بدي غدا .....بس اكل قد نص للي اكلتيه :lol:
.......
c u
الأربعاء, 24/09/2008 - 23:43
#10
والله أنا بعرف يا عزيزتي السيكارة وفنجان القهوة ما بفطرو .... بس التفاّح بفطّر ...لك نسيانة أنوّ التفاح نزّل آدم من الجنة إلى الأرض .... فأنت شربتي من نفس الكاس .... :wink:
صيامك مش مقبول بنووووووب.... 8)
حلوة القصة نيسان (N).... :wink:
الخميس, 25/09/2008 - 12:05
#11
Bilind,
أهلا بلند .....
اى كل الي اكلتهم تفاحة وشوية عنب وكاسة مي :mrgreen:
يعني يوم للتفاحة ويوم للعنب ويوم للمي . :? صارول 3 ايام
الله يقويني مشان اعوضها .. وانت يا بلند الله ينسيك وتشربلك كاسة مي وتنسى
:D بس عن جد راح تحس بشعور رائع ......اما بالنسبة للجارة راح خبرها بالعرض تبعك وبردلك الخبر بعدين :wink: شكرا للمرور الحلو بلند ....
.Leopard[/b
],
اهلين بوجودك عزيزي .. دمت بالف خير
b]Fade_Endrawse,
اهلا بك فادي ...
طبعا كل واحد يعرف بحالو ونيتو ... شو راح نكذب على حالنا
والشي الغريب اني ما تذكرت صيامي حتى بعد ما اكلت وشبعت بس طبعا
كنت بحس بشي غريب ... نشاط مو طبيعي هبط علي فجاة ... وكمان كنت
بحس بشي من غير ما اعرف شو هو .... لحتى امي خبرتني
شكرا لمرورك فادي ..... والله يعيننا نحن الجميع من هيك جارات :mrgreen:
Nermine,
اهلين عزيزتي نرمين .....
ايه شعور رائع انك تكون مدعوم ... الله يدعم الكل يارب
نورتي الصفحة شكرا لك ......
shaveen_shvan,
اهلين فيك يا شيخة شفين ...
والعلم عند الله اذا مقبول ولا لا ...... المهم نيتنا تكون صحيحة
اشكر مرورك الجميل عزيزتي ....
إبراهيم,
اهلا بك أخ ابراهيم ...
بعد كم سنة راح نصوم بشهر نيسان ان شالله ونيسو راح تكون مبسوطة كتير
بالصيام في شهر نيسان .. اذا الله طعمها ... شكرا لمرورك اخ ابراهيم
دمت بالف خير
أناهيد,
فر شكل :roll:
لك احيانا منحتاج لمتل هيك جارات لان مرات بتصير شغلات وبتنتهي ونكون نحن اخر من يعلم واذا في عنا هيك جارة فاكيد راح نكون اول ما نعلم بعدها طبعا :mrgreen:
اى راح ادعيلك تنسي مشان تشربي مي بارد :wink:
شكرا لمرورك الجميل ...
lewend21,
لا نيسو المسكينة ما بتعرف تحكي عن العالم :( ولا عندها خبرة بهيك شغلات
سمعنا لوند .. :evil: شو تروح حسناتي الها يعني كل هالنضال والتضحيات بتجي
جارتي وتاخدها مني اى لا ما حزرت ......... بعدين انا ما حكيت عنها شي غير اني
قلت انها بتحكي عن العالم ..... واذا هلا طلبت مني عنوانها ما راح اعطيك :mrgreen:
الله يعلم هلا خبر نسوتي لصيامي وين صاير يمكن راح تسمعوها عالفضائيات طبعا
مرفقة بالتوابل والنكهات الطيبة الي اضافتها الجارة العزيزة ...
وان شالله صيامنا كلنا مقبول باذن الله ....... شكرا لوند للمرور الجميل
عاشق كردستان,
شو يا عاشق عم تحسدني :twisted:
اى يا سيدي كلما نسيت حالي راح نزل موضوع مشان ما اتركلك مجال انك تنسى
:mrgreen: .... نورت الصفحة عاشق وحمد الله على سلامتك ... طولت الغيبة
rojava,
انت كمان من حزب جارتنا شو باينتكون متفقين علي :(
لك لتكون عم تصوم مع السيجارة والقهوة :roll:
شكرا للمرور اللطيف روزافا .... دمت بخير
واتمنى للجميع صياما مقبولا وافطار شهيا ......
الخميس, 25/09/2008 - 13:52
#12
صيام خمس نجوم انسة نيسان ,,,, :)
كان عزمتينا كمان على هل النسوة :evil:
الجمعة, 26/09/2008 - 13:12
#13
كيفارا,
هلا كيفارا
المرة الجاي بعزمكم ان شالله لا تزعل
نورت الصفحة استاذ كيفارا دمت بخير
شو رأيك نعين جارتكون مشرفة وكالة كوليلك الاخبارية اذا في اخبار تازه :mrgreen:
بعدين لازم تصومي عن كل تفاحة يوم كامل بشوال :lol: اي شو قليل التفاحة وانت جوعان وصايم
نيالك أكلتي وجبة كاملة وأنا كل يوم بدعي أنو انسى واشرب مي ....بس ما عم
بنسى :|