زانا، هولير، بروان ( والله عيب )
الخميس, 01/10/2009 - 09:29
طبعاً الكل يعرف انو امبارح كان افتتاح الشركة الجديدة بروان
وهي شركة تحوي على باصات الحسكة وعلى حد علمي هن 6 باصات
على كل حال انا كنت بالكراج الصبح وعم اشوف باص بروان الجديد واقف قدام مكتب جيان
يعني مو مكان موقف باصات زانا وهولير الاعتيادي جنب مكتب جوان
المهم شفت زلمة لابس طقم اسود وعم يحكي مع الكتاب تبع زانا وهولير:
عم يقول نحن كمان شركة نظامية ولازم نوقف عالدور متلنا متلكن المهم حسب ما فهمت انو زانا وهولير ما عطوه مجال مشان يحط الباصات تبعو تبع
بروان بالدور.. فمشي اكتر من باص ولسا بروان واقف بمكانو
وبعد شوي ما شفت غير فاتوا 8 شباب معهن عصايات عالكراج.. 8O 8O
العمى قلت شو هاد بقا تخيلوا الموقف
مين ماكانوا يشوفوا لابس قميص زانا او هولير كانوا يضربوه كبير صغير مافي
الكل ينضرب
ياريت كان تشوفوا المنظر والله لو بالأفلام مو هيك لا والله
الكل يتضارب وبالعصايات والله شي رهيب
لحتى ادخلوا شرطيين وصار يضربوا الشباب اللي اجوا من برا
ضرب موت والله يا شباب
واحد من الشباب اكل ضربة بالعصاية من الشرطي انا قلت يمكن مات
وبعدين فوتوا الكل عالمخفر وبعدين سحبوهن عالقسم
وسمعت كمان انو جماعة الحسكة كمان علقانين مع بعض
بصراحة شي معيب.. شي معيب كتير
انا صورت مقطع فيديو بس حذفتو فوراً..
انا اسف عالاطالة
الأمل ينام كالدب بين ضلوعنا منتظراً الربيع لينهض.. (إنديرا غاندي)
الجمعة, 02/10/2009 - 13:18
#3
اي الله يسامحهم والله كان لازم ما يتضاربو بالعصايات
كان لازم كل واحد يشيل كلاشينكوف و ما فوق يعني فيك تقول كانو يقدرو يضربو بعض بالبرنو( برنو) متل مدافع
وانت كمان الله يسامحك يا هنري ضروري كان تمسح المقطع
ياسيدي الله يسامحهم على عملتهم
--- :D هر بجي زعراني قامشلو و حسجة ام سر بلندن بوا :D ---
الجمعة, 02/10/2009 - 18:44
#4
والله ياغالي انا مو من شي مسحت المقطع
بس حلوة هيك نفضح حالنا للعالم ونسير عبرة للغير
الأمل ينام كالدب بين ضلوعنا منتظراً الربيع لينهض.. (إنديرا غاندي)
الجمعة, 02/10/2009 - 23:22
#5
شو هدول مفكرين حالون في مسلسل باب الحارة :lol:
الضرب مو وسيلة تفاهم بين البشر...
حاحو .. حاحو .. حاحو ..
والله شي بيرفع الراس ...كملت معنا ..شو خليتوا للولاد الصغار.. 8O
ينطبق عليهم الآية التالية :
( بَأْسُهُمْ بَيْنَهُمْ شَدِيدٌ )
صدقاً لو شركات تانية , ما عملت هيك وما صار إلى صار ..
عوجا.. :(