رغم اني لا اتابع المسلسل لكني صرت اعرف كل احداثه
من كلام الجيران والاهل والزملاء في العمل وكذلك النت
كما اني صرت اعرف شخصيات المسلسل من الصور التي تنتشر
في كل مكان وخاصة النت
برأيي ان اسباب متابعة المسلسل هي الاسباب التي ذكرتها
الاول والثاني والرابع مجتمعتا كما انه يوجد سبب اخر مهم جدا
وخاصة في اوساط الشباب الا وهو تلك الحسناء الجميلة لميس
ههههههههه
شكرا لك اخ نضال

وكذلك انا لا اتابعها لكنني صرت اعرف قصتها وكل شخصياتها .... عم تابع مسلسل نور اكتر وما بفوت علي حلقة منو :mrgreen: ....
كل الاسباب التي ذكرتها قد تكون واردة ... لكن هنالك مسلسات سورية ضخمة من حيث القصة والاخراج والسيناريو ويتناول ما ذكرته لنا .... والقصة في هذا المسلسل ليس بالجديد علينا لكن الجديد هي الوجوه ليس ألا .... وكذلك لأنه مسلسل تركي ومدبلج للهجة السورية وكذلك معروض على شاشة mbc >>. وهذا يكفي لينال هذا المسلسل هذا القدر من الجمهور والمشاهدة .... فلهم طريقة جميلة للأعلان فحتى أتفه الاعمال تنال على هذه الشاشة جمهورا كبيرا وقدرا ... وكما ذكرت اغلب الحلقات فارغة ومملة ولا داعي بان يطولوها بهذا الشكل 30 حلقة بتكفي وبتوفي متل المسلسات السورية الي ما بينمل منها حتى لو تابعتها اكثر من مرة ......

عن جد انا مستغربة شوي لها الشوشرة الي صارت مشان هالمسلسل ...
شي بيترجم غنيتها .... وشي بيشر صور شخصياتها :roll:

شكرا للموضوع اخ نضال ...... هذا كان رأيي بكل صراحة .... :wink:

أشكرك أستاذ نضال على هذه المشاركة الغنية :

بالنسبة لي فأنا لم أتابع أية حلقة من حلقات المسلسل ، و أصلا ً أنا تعرفت
على المسلسل من النت و حديث بنات أختي ..

و لكن لدي استفسار أود طرحه :

هل نحن نتابع سنوات الضياع ... أم نعيش سنوات ضياع ؟!!!

!!

!!

والله مابعرف بس طفل عمره يعني لسع الصف الأول عم يتابع فما سبب هذا الطفل في مشاهدته هذا المسلسل وكثيرين من أولاد جيرانا كلهم منهم من الصف الأول للصف الرابع عم يتابعوا المسلسل فما السبب لهؤلاء والاسباب المذكورة كلها ورادة وشكرا

الأخت لورا : شكرا جزيلا على تعقيبك الصريح على الموضوع.
أنا واثق من أن فتيات الأكراد هنّ أجمل بكثير من لميس وغيرها. :oops:

الأخت نيسان: أنا مسرور جدا على تعليقك الصريح والشفاف.
منتظر منك تعليقك على مسلسل نور :wink: :lol:

الأستاذ القدير دلو جان: لك مني أجمل تحية وتقدير
سؤالك ذكي جدا ويختصر في مضمونه ما أردّت الوصول إليه.
بالفعل نحن نعيش سنوات ضياع ضمن سلسلة لامتناهية من الغموض.......

الأخ جوان نيت: لك مني جزيل الشكر على ردك هذا 8)

اول شكراً على الموضوع الجميل

والله انا شايف انو صار لاذمنة قسم خاص لي مسلسل

سنوات الضياع :mrgreen: :mrgreen:

بصراحة انا ما كنت عم تابع المسلسل وكنت عم اسمع

القصة كلها كل يوم من يلي كانو عم يشوفها

قبل شي اسبوعين شفت حلقة منو بي الصدفة

حبيت القصة كتير ومن وقتا وانا عم اتبع المسلسل كل

يوم وبكل صراحة ( انا نتمت انو ما شفت المسلسل من الاول)

وانا من راي انو المسلسل عم يدور حول نفسو كتير وكان

بي الامكان ان نختصر هاي القصة اكثر بس بي شكل عام

القصة جميلة كتير . ولي اني ما شفت مسلسل سنوات الضياع

من الاول فا صرت اتابع مسلسل نور كل يوم

تحياتي

اود المشاركة لو سمحتو ا
كما قال الاخ دلوجان هل نحن نتابع سنوات الضياع ... أم نعيش سنوات ضياع ؟!!!
ساتكلم بصراحة تابعت المسلسل قبل حوالي عشرة ايام تابعت حلقاته بشكل مستمر ولكني لم ارى فيه الا العذاب فعدت لم اتابعه ابدا
وانا لدي مكتبة القرطاسية في حينا فقررت ان ابيع صور هؤلاء الاشخاص
ولكن قبل ان اجلب هذه الصور
اتاني كم زبون
اولهم كان طفل صغير لا يتجاوز خمسة سنين يريد صور لميس ونور
وفي احدى ايام كنت جالسا في المكتبة اتتني امراة عمرها حوالي اربعين سنة وما فوق وهي ايضا تريد صور هؤلاء الاشخاص
ومرة اتاني شاب فطلب نفس الطلب
وكثيرين من الاطفال يطلبونني صور الابطال (مهند ونور -يحيى ولميس )
بصراحة انزعجت كثيرا من هذا الوضع فقررت من ذلك الوقت بانني لا اجلب حتى صورة واحدة ولو يعطونني بدون ثمن لا اجلبها لا والله
بالفعل نحن نعيش سنوات الضياع
واي ضياع ضياعً مدمر

اسف على الاطالة
وشكرا لاخ نضال وللجميع ايضا :cry:

شكرا الك نضال على هالطرح الجميل .مسلسل سنوات الضياع مسلسل تركي اولا ...يعني مو مكسيكي او امريكي معروفة الشخصيات .....بعدين انا بتصوري انو اي شخص بالمجتمع العربي او الكوردي بيتخيل حالو واحد من هاي الشخصيات ..يمكن الاسباب كتيرة ومتشعبة متل ما ذكرت بالظبط انا برايي كل الاسباب اللي قلتها يعني انت اصبت في الصميم .................بس بالنهاية مسلسل جميل وحلو مع العلم اني لا اتابعه لانني اعرف النهاية نهاية يحيى المحزنة لما بيموت على ايد تيم ..........وشكرا .........

على فكرة مسلسل نور كمان مسلسل حلو بس.........ممل وطويل .........عدد حلقاتو .........160 حلقة .عم قلكن .لمحة عن المسلسل مشان ما تضيعو وقتكن ........بتسير مفاجات كتير .مثلا نهال حبيبة مهند مو ميتة متل ما بنعرف بتظهر بحياتو ومعها ابن مهند .ونور بيسير عندها بنتين .......يعني رح يطول المسلسل كتير كتير زبيكبرو الولاد وكل واحد بيسير عندو ولاد وابن مهند بيحب بنت رقية ......على فكرة المسلسل اخد وقت للتصوير حوالي سنتين ونص ..وعلى فكرة كمان .زوج نور بالواقع رفع عليها دعوى بالمحكمة على اساس علاقة حب بتربط بين نور ومهند مشان هيك عم يقاضيها بس مهند بيرفض التهم الموجهة الو ..............ما تاخذوني بليز تغالظت عليكم شوي ...........

الأخ سربست: شكرا جزيلا على ردك الصريح.
لا تندم كثيرا على عدم مشاهدتك لحلقات مسلسل سنوات الضياع من البداية، ولكنك ستندم كثيرا لأنك أصبحت تتابع مسلسل نور.
حسب ما قالت الزميلة العزيزة شفين: أن مسلسل نور طويل وممل، وأن عدد حلقاته 160 حلقة فتحمّل يا رعاك الله.

الأخ اولشير: جميل منك هذا الرد ، ولك مني جزيل الشكر.
أرجو أن تحاول بيع صور ممثلي (سنوات الضياع و نور ) من جديد لكي تستفيد.
فإن لم تبعهم سيشترون من مكاتب أخرى.
أعرف تماما بأنك تحتفظ بصورة لميس تحت المخدة؟؟؟ :lol: :wink:

الأخت شفين: لك مني كل الشكر والعرفان على مرورك الكريم.
لم أكن أعرف بأن يحيى سيموت في النهاية، هذا خبر مؤلم . :( :(
كما قلت لكم بأن المسلسل ينقصه الكثير من حيث الإخراج والسيناريو.

جميل ما زكرته صديقي
ف انا شخصيا وقعت في متابعة المسلسل منذ حوالي اسبوع فقط تقريبا
من كتر ما كنت اروح لعند مين التلفزيون محطوط عالام بي سي بانتظار المسلسل
اي انو تابعتو غصب عني من العالم و لا انكر انو اعجبتني قصة المسلسل
و ايضا استطيع القول بان الملل سيصيبني من المسلسل بعد ما عرفت ان الحلقات تصل الى 150 حلقة و كما ذكر بعض الاخوة انو تمر الحلقة و عالفاضي و مافيها شي كلو مطمطة وقت لاغير و كان بالامكان تلخيص المسلسل في 30 حلقة مثلا

و بالتالي يضربو هنة وهالاطالة و 150 حلقة تبعيتون :lol:

تحياتي 8)

مرحبا
عندي نقطتين:
اولا بخصوص تعليقات متل (الموضوع حلو) و (الضعف في اسيناريو و الاخراج)
هاد برأيي حكي غير مدروس لأنو لو جينا للموضوع فمن الاساسي انو الموضوع الاساسي هو الحب و هيك بظن انو ما في داعي لتذكرنا بانو الموضوع حلو هالشي واضح
اما السيناريو و الاخراج فبرأيي انو ممتازين فلو ما كان السيناريو ممتاز و الاخراج نفس الشي لكان المسلسل تافه كتير كونو من المتفق ان الموضوع مكرر (الحب) و هو نفسو لأغلب المسلسلات و الدرامات في العالم فبيضل الشي اللي بيميزوا و بيميز غيرو هو النواحي الفنية و اتقنية كالسيناريو و الاخراج.
ثانيا مع كل هالدراسات و النقد للمسلسل ما شفت حدا حكا عن (المواضيع )اللي بيتعامل معها المسلسل غير الحب, متل الكبرياء و الوضع الاجتماعي و دوره في التأثير على شخصية الفرد و قراراته ولا حدا ذكر التأثر الكبير اللي تأثر فيه كاتب القصة باميلي برونتي في روايتها (مرتفعات وذرنج)
"وينكون يا طلاب الانكليزي" لأن 70% الاول من امسلسل مقتبس بشكل شبه مباشر من الرواية من ناحية الحبكة.

صراحة لم أكن أريد أن أعلق إلا أنني غيرت رأيي
و أرجو أن تتقبلو رأيي بصدر رحب
بالنسبة للمسلسلين لم أتابعهما . لكن عرفت بعض المعلومات عن موضوع المسلسلين من النت و من أحاديث الناس ، ولي بعض النقاط :
1 - المسلسلات و أمور أخرى كثيرة تبقى ترفيهية ، و لا نكون صادقين مع أنفسنا إذا ما قلنا أننا نستقي منها العبر و المواعظ !! و عندما تأخذ هذه الامور الترفيهية الوقت و الإهتمام الأكثر من اللازم تنقلب الى ضرر ، ووقت الانسان أثمن من أن يقبره في الترفيهيات !!

2- الحياة محدودة ، وكما يقولون غمض عين فتح عين بتلاقي ولادك كبروا وصار عندك أحفاد ، و أعتقد أنني لن أبالغ إذا قلت أن معظمنا يتحسر بشكل مستمر على الوقت و نستذكر الحكم بألستنا فقط !: الوقت كالسيف إن لم تقطعه قطعك !! ، فهل الوقت يقطعنا أم نحن من نقطعه ؟ ليسأل كل منا نفسه هذا السؤال قبل أن يخلد للنوم !

3- كثيرا ما نقول أننا نريد ان نلحق بركب الحضارة ، فأقول لكم أن الوقت في الحضارة المدنية الحديثة هي عامل مهم جداً جداً ،ففي الحياة الكثير من الأمور الأهم و أضع بين ايديكم توقيع الأخت Rokzana : لتكن حياتنا مذهلة خارقة للعادة، لنسطو على الحياة و نمتص نخاعها مادام ذلك ممكناً ، فذات يوم لن نكون شيئا ً .

4- أعيد سؤال العزيز dilo can عليكم مرة ثانية .

و السلام.

بصراحة أنا بخجل أتابع هيك مسلسل

مرحبا
بدي نوه بس لكم نقطة

بتذكر لما كنا صغار ونحط على شي فيلم وتطلع لقطة مثلا شب حاطط ايدو على ايد بنت كنا مباشرة بنقلب المحطة بس هلا بشوف بهي المسلسلات وخصوصا نور -نصيحة اخت نيسان اذا مصرة تتابعي تابعي التاني احسن منو- بنشوف انو لمسات الايدي صارت عادية والقبل شغالة واكتر من هيك ... ولهلا الجو يعتبر طبيعي يعني ماحدا بيقلب المحطة وبيعتبروها ضمن الحدود والسؤال هل سقف الأخلاق صار أعلى من الأول؟
قبل كم يوم زرت بعض الاقارب وشلت طفلون الصغير الي عمرو 4 فباسني الطفل وقال هاي نفس البوسة تبع مهند !!!!!!!! :idea:
تعليقا على كلام الاخت شفين : أبدا هاي المسلسلات مالها علاقة بجونا وبعيدة كل البعد عنو لانو شخصيات بتحكي بمليارات الدولارات واخلاقهون 180 درجة بتختلف عنا مستحيل يكون قريب علينا هالجو .
بالنسبة لأسئلتك أخي نضال بظن انو في سببين كير مهمين الاول البطالة الي عنا لانو الناس فاضية فشو بدها تعمل ؟ تقرا كتاب مثلا؟ صعب ..أسهل شي المسلسل وتضييع الوقت ...
تاني شي وهوي الكبت وخصوصا الكبت الي بيصير عالبنات فبتصير البنت بتتابع المسلسل وبتتخيل حالها محل اي بنت بالمسلسل وانو في الها حبيب مستعد يجيبلها لبن العصفور وبيعملا البحر طحينة ..........
العفو دلوجان بس انا بشوف انو نحن عم نشهد سنوات ضايعة

سنوات الضياع !!!!

كان جديرا ان يسموه حلقات الضياع او ان صح التعبير ضياع المشاهدين كم اأسف للحديث عن هكذا موضوع لكن ..
عندما تدق الساعة الرابعة اني ارى ما هو اشبه بمنع التجول أقسم بالله مشاهدة توم وجيري او كابتن ماجد له فائدة تضاهي حلقات الضياع بألف مرة

اهذا مافهمتموه من الحضارة لماذا دائماً هم يأكلون اللب ونحن نلتهي بالقشور !!!!

ولا هذا الشاذ مهند الذي اغرمت به نصف فتياتنا الذي يمثل دور المهرج
هذا الحشو والضحك على الذقون الذي يمارسونه عليكم هو امتهان واضح لعقولكم ..
والله لو تحط كاميرا بأي بيت كردي وترى معاناته وهمومه واحداثه بدو يطلع معك فلم مكسيكسي مو تركي يعني شي ألف حلقة

لا اريد الاطالة والحديث اكثر لانو بعتقد ضيعنا وقتنا كتير وأأسف للتجريح لكن هذا هو الواقع .

شكراً الك اخي العزيز على هذا التعقيب
انا برأيي انو مسلسل عادي كأي مسلسل
بس ما بعرف شو سبب تعلق الناس الشديد والبلا طعمه
يعني المشكله والسبب فينا مو بالمسلسل

Fade : أشكرك جزيل الشكر أخي الكريم على تعقيبك هذا .......

Arkaido : أحترم وجهة نظرك على بنية المسلسل ... أما فيما يتعلق بموضوع الكبرياء و الوضع الإجتماعي في المسلسل فهذا و الله معك حق
فلم يخطر على بالي التعليق على هاذين الناحيتين المهمتين في المسلسل ....... لك مني وافر الشكر أخي الكريم

REBER : أعجبني تعليقك الصريح هذا ...... مع جزيل الشكر أخي الكريم

Shergo Bejo : أشكرك أخي الكريم على مرورك هذا ........

Hevind : أشكرك أخي الكريم لأنك قرأت الأفكار بتمعّن و شرحت وجهة نظرك بصراحة مطلقة ......

Shindar : تعليقك هذا جميل بل أكثر من ذلك و يعبر عما في داخلي تماما حيال هذه المسلسلات ...... لك مني وافر الشكر و التقدير

نونا : مع حق فيما ذكرتيه ( المشكلة و السبب فينا مو بالمسلسل )
عبارتك هذه تفي بالغرض حيال سبب مشاهدتنا لتلك المسلسلات
لك مني جزيل الشكر أختي الكريمة

صاير هالفيلم غزو ثقافي تركي
لانو العالم صايرين ما عم يتابعو شي غير هالافلام

نعيب المسلسلات والعيب فينا ,,,,,

بغض النضر عن المسلسلات المذكورة واثارها السلبية على جيل الشباب ....

اريد ان اسأل الاخوة ...

هل حاول احد منكم ان يضع برنامجا لاخوته لتمضية اوقات الفراغ بشيئ مفيد ؟

هل اقدم احد منكم على تنمية هوايه يحبها اخوه او اخته تفيده وتكسبه مهارة جديدة ؟؟

هل حاورت عائلتك بسيئات هذه المسلسلات ؟؟

اللقاح من المرض خير من علاجه ....

اذا كنا محصنين فكريا لن تؤثر فينا هذه المؤثرات

شكرا حبيبي نظال

TUBA : جميل مرورك هذا ....... مع جزيل الشكر

كيفارا : أسألتك هذه موضوعية جداً و بغاية الحساسية ........
و قد أعجبني كثيراً مقولتك هذه ( إذا كنا محصنين فكرياً لن تؤثر فينا هذه المؤثرات ) ......... تقبل شكري و احترامي

شكرا لك على هذا الموضوع
لا أريد الدخول في تفاصيل وأسباب تعلق الناس بشكل كبير بهذه المسلسلات التركية
والمتابعة المستمرةلما يدور من أحداث فيها
ولكن سأقول لكم خبرين مؤكدين وصحيحين
الأول : أن قناة mbc قد قبضت لقاء عرض هذين المسلسلين 13 مليون دولار على عكس العادة بأن تشتري أي فضائية مسلسل ما لعرضه
الثاني : كنت قبل مدة قصيرة في زيارةلبعض الأقارب في تركيا وأكدوا لي بأن هذا النوع من المسلسلات يعتبر من الدرجة الثانية في البلاد
وسأقدم لكم أدلة واضحة عن الخبر الأول في مقال مفصل عن هذه الظاهرة الجديدة
شكرا على موضوعك مرة ثانية

هذه المسلسلات التركية كانت موجهة للغرب كرسالة سياسية .. أي نحن نتبنى سلوكياتكم..فقام الغرب بتوجيهها إلى الشرق ...والواقع التركي معاكس لذلك ..مجمتع رغم التعتيم الاعلامي إلا انه مجمتع مسلم .. متدين.. لا يقبل هذه الترهات عنه.. ولكن كما قلت قلة صغيرة أرادت الالتحاق بقشور بالمجمتع الغربي ببإرسال رسالة من خلال هذه المسلسلات.. أما الواقع الشرقي ..وتقبله لمثل هذه الصرعات .. فيعبر عن مدى إلتصاقه بجهاز التلفاز ..وهذا يعبر عن مدى خموله وكسله وفراغه.. لو كان عملياً لكان من الصعب أختراقه إعلامياً.. وشكراً

يقول العلامة أبن خلدون رحمه الله(بما معناه) بأن الأمة الضعيفة تتبع الأمة القوية في كل شيء , ونحن الآن في ضعف فالأمة الإسلامية من أدناها إلى أدناها أصبحت دويلات و قوميات متناحرة متفرقة مما أدى وبكل سهولة لأختراقها ثقافياً وإعلامياً فأصبحنا نقلد الغرب بكل شيء(ما عدا العلم !!) حتى في الروايات و المسلسلات بل ونتبنى تلك الأفكار الزائفة فإن المجتمع التركي رغم كل المؤامرات التي عصفت به من أبان صقوط الخلافة اللإسلامية وإلى يومنا هذه ما زال مسلماً وهذا إن دل على شيء فإنما يدل على أصالة الإسلام
وما هذه المسلسلات إلا سلاح بيد الغرب أو من يساهمون بنشر هذه الفكر الهدام بين الشعوب جميعها فيوجهونه حيث شائوا و لأي جهة يريدون
وأعجتني كلمة قالها الأخ dilo can في المنتدة . (هل نحن نتابع سنوات الضياع ... أم نعيش سنوات ضياع ؟!!! ) والسلام عليكم

مع احترامي للبنات التي قالو لن نتابع المسلسل مثل لورا والخ انا اقول انهم تابعو المسلسل ويقولون لن نتابع النقطه الاخيره انو انا اقول ان كل البنات يغارون من الممثله الرائعه الجميله والي منوره شاشه تلفزيون غرفتي كل يوم الانسه لميس ابو شعر لماذا كل ها الغيره انا اسأل سؤال هل البنت التي تغار منها مو حلوه ولا شو قصتكم لانه انا مره كنت بمقصف العماره بحلب وايجت رفيقت رفيقتي وقالت انه لميس مو حلوه م\وما بعرف ايش وانا وياها تزاعلنا مشان لميش ليش كل ها الحقد على لميس لييييييييييييييييييييييييييييييييييييييييييييييييييييييييييييييييييييييييييش

متل ما قال بعض الاخوة لازم نخصص بالمنتدى قسم لمهند ونور ويحيى ولميس :mrgreen:

وانا ما بدي قول اني ما تابعت المسلسلين :|

بالاول ما كنت بتابعو وبعدين من كتر ما صارت هالضجة الكبيرة 8O صرت تابعو ولحت هلا عم تابعو للاسف

ومابروح على حالي حلقة بس لما كنت عم قدم امتحاناتي ما شفتو لانو ما كان في تلفزيون مو مشان الدراسة يعني :mrgreen: عم بمزح ها :mrgreen:

مع انو كان في بنات كتير بيروحو عالمقصف مقصف المدينة مشان ما يروح عليهون حلقة 8O 8O

بس اكتر شي زاعجني وزاعجني كتيييير انو ولاد صغار عم يتابعو هيك مسلسلات تافهة للاسف الشديد

مو حلوة تزعل حالك

والله ابصملك بالعشرة انها حلوة وحلوة كتير :mrgreen:

مرحبا مرة اخرى ........

والآن صار دوري مشان أنتقد هالمسلسلات بعد ما شفت ثلاثة أرباع الحلاقات منها :mrgreen:

وأنا أؤيد كل معارضي هذه المسلسلات الي عملت ضجة كبيرة ... وكأنها حملة لنشر الفساد بين الناس

أخ هيفند .... أنا بطلت تابع نور من زمان :wink: وذلك لاني حسيت عم يلعبو بأعصابنا

بس بتعرفو يا جماعة ... انو هالمسلسلين عملوا تشجيع كبير كتير للسياحة بتركية ... يمكن الهدف كان هالشي

كمان عرفتلكون شغلة تانية .... وهو أنو الناس صارت تسمي أطفالها بأسمائهم ... :evil: غريبة هالشغلة

بعدين أنا من أنصار باب الحارة ... 8)

شكرا أخ نضال .......... بحييك ..

سنوات الضياع

( اسم على مسمى )

أنا تابعت بعض الحلقات ، شفت أنو المسلسل غير ناجح

لأنو بيحكي قصة غير واقعية .

مسلسل تركي مساوين المسلسل كمجتمع متطور

أو حضاري ، وينقسم لقسمين كالعادة فقير وغني

القسمين كويسين طبعاً بالمسلسل ، يعني الأتراك

مساوين المسلسل متل ما بيحلمو تكون تركيا هيك

بس المجتمع التركي من أكثر المجتمعات تخلفاً

بعدين شو هالشوارب ...؟؟ 8O :roll:

شفت مسلسلات رومنسية كتير ما شفت البطل

الخرافي الكويس الإنساني الحنون الشهم مع

شوارب متل المخدة . :roll:

على كل حال هي رح نتخلص من سيرتو الحمد لله

وبشكرك أخ نضال على الموضوع ، وبقلك يعطيك العافية. :wink:

ما دام كلكم بتقولوا إنو المسلسل بايخ لشو عدد المشاهدات اكتر من 2000 مشاهدة
ولشو كل هالردود ولشو اكبر عدد من المواضيع بيحكي عن هالمسلسلين التافهين موجودة بكوليلك .

معناتو اعلبيتكم بيتابعوا هالمصخرة :mrgreen:

سلام

الله يضيعهم جميعا

بشكر جميع الزملاء و الزميلات على ردودهم و تعليقاتهم على هذا الموضوع
كما أنني أتقبل جميع الآراء بصدر رحب .....

رمضان كريم عالجميع

جواب اكتر من رائع و انا معاك :wink:

الاستاذ نضال...سنوات الضياع ملكت الساحة الاعلامية لفترة معينة

وطبعا هلا ما في شي اسمو سنوات الضياع .بس الفكرة انو جيلنا بشكل عام

رافض الحياة الي بيعيشا ,و بدو مخرج ........

وهو باعتقادو انو المسلسل هو المخرج وعقدة النقص هون بتبين

الهروب من الواقع الى اللاشيء ؟؟الي بتجسد في المسلسل

وطبعا هاي لحالة كارثة أمة ؟؟باعتقادي

وطبعا كل ما ذكرته نقاط اساسية واردة في قاموس المجتمع

الي بدو يعيش بأنغلاق تام من جميع النواحي