آسف لأني تأخرت عليكم
بس مو مشكلة مشان تتشوقو اكتر :wink:

المكان : بيت ابو رودي . الزمان : 2007
أم رودي : لك يلا يامو ، رودي حسن شيرين آلا ، لك وينكون ؟! لك برد الاكل ! الاكل جاهز وابوكون جايي من الشغل تعبان وبدو ينام !!
رودي : يا ماما شو انا هلا فاضي للكل ! الله يسامحك ! انا هلا عالنت و very busy مشان هيك please خلوني اكمل شغلي والاكل بعدين باكلو
حسن وشيرين وآلا : شو ماما ؟! الام : لك وطوا صوت هالتلفزيون صرعتونا و الله ! الاكل جاهز خلونا ناكل قبل ما يبرد
حسن وشيرين و آلا : هو هو علينا يا ماما ، ما عم تخلينا نكمل الفيلم ، الفيلم حلو كتير وبدنا نكملوا ، انتو كلوا ونحنا كالعادة بعدين بناكل .

أم رودي : لا حول ولا قوة إالا بالله ، لك شو صاير بالدنيا يا ابو رودي ، لك حتى ولادنا ما عم ياكلو معنا ! الدش و الكمبيوتر و البطيخ المبسمر صار رفيقون وابوون لك وصار امون كمان !!
ابو رودي : لك شو بدنا نساوي يا ام رودي ، هيك الوضع صاير بهالايام مو بس بيتنا ، موه هداك اليوم قلتيلي إنو جارتنا ام احمد كمان متلنا فرد مرة ؟! الله يعين الناس على هيك زمن

( اليوم التالي ، الاب يتحدث مع ابنه رودي )
ابو رودي : أي رودي كيفك ابني انت و اخواتك ، كيف الصيفية معك ؟ رودي : الحمد لله تمام بابا
ابو رودي : أي ابو الرود بكرة في شغلة صغيرة بدي ياك تساعدني فيها :wink:
رودي : لا تقول العصريات ؟! ابو رودي : امبلا و الله :roll:
رودي : لا بابا ما بقدر في عندي بروغرامز و شغل عالنت ، يعني شغلي انا التاني كمان لفوق راسي 8) 8)

( الاب و الام يتحدثون عن مشاكلهم وهمومهم )
ابو رودي : آخ آخ . ام رودي : خير انشالله شغلت بالي شو فيي ، شو صاير :?: :!:
ابو رودي : شو صاير ! قولي شو مو صاير ! لك ما عاد شفنا ولادنا متل الناس ، كل اليوم بالشغل وهالكم ساعة اللي بجي فيها عالبيت ما عم شوفون كمان فيها ، التلفزيون و الفضائيات و الانترنت خطفوون منا ، وبصراحة نحنا كمان السبب ، أهملناهون وما عملنا اللي علينا
أكيد يا ابو رودي ، تتذكر شو كنا نحكي بفترة الخطبة ؟ تتذكر مشاريعنا اللي كنا بنحكيها ؟ كنا نقول انو بدنا نفتح عيلة ونربي الولاد ورح يطلعوا احسن ولاد ، بتتذكر كمان اتفقنا انو كل اسبوع على الاقل تجتمع العيلة ببعضا واذا في مشاكل منحلا واذا حدا بدو مساعدة بنساعدو بس كل هادا نسيناه وما سوينا منو شي :!:
ابو رودي : معك حق ، بس شو بدو يقول الواحد ...............
واستمر وضع عائلة ابو رودي كما كان ............... :?: :!: