دمعة المشتاق على خد محروم

يا نارٍ بجوفـي احرقنـي شررهـا

متى يا قلب تكف عن الهم واللوم

والعين متى أفـرح بوقفـة دررهـا

أشتاق لك يا دافي الصوت كل يوم

يزيد شوقي ونفسـي يزيـد قهرهـا

قالوا الهوى والعشق عادات وسلوم

يا كيف بنهى نفسـي وهـذا قدرهـا

ارحم حبيبي يا عسى الهنا لك دوم

ارحم عيوني مـن تزايـد سهرهـا

ارحم هوى قلبٍ بك اليوم مغـروم

لا تكسره يا نور عينـي ونظرهـا

قلبٍ ظلمته انت وبالحب مظلـوم

وروحٍ لك تعطي عشق أعذب نهرها

نذرت لك نفسٍ عن الحب بتصوم

عن حب غيرك ولا فطرها في قبرها

تدري حبيبي وش هي منيتي دوم؟

أنسى بحضنك حزن الدنيا وكدرهـــا