المدينة

2 ردود [اخر رد]
User offline. Last seen 11 سنة 15 اسبوع ago. Offline
مشترك منذ تاريخ: 10/04/2007

جاي يشوف الحال كيفه بعد ما هزه حنينه
وقبل ما يسألني سألته كيف حالك يالحبيب
قال أنا كني غريب مضيع دروب المدينة
قلت أنا كني مدينة تنتظر رجعه غريب
قال اجل وش فيك تكره سيرة الحب وسنينه
قلت وشلون ما أكره سيرته دامك تغيب
أنت لامن غبت حتى مرايتك صارت حزينة
كيف ما تبغاني احزن وأنت لي حظ ونصيب
الهدايا والرسايل و المكاتيب الثمينة
والليالي و القمر و الريح والكون الرحيب
كل ما تبعد تجيب الشعر ليا من يدينه
وتقعد جروحي تودي في الطواريق وتجيب
يا بعد كل القصيد ونزوه حداه و أنينه
لا ذكرتك لا حبيت وطاح ورد وفاح طيب
وان نسيتك ما نساني صوتك المبحوح لينه
ياخذ لجرحي بثاره من خطاياك و يطيب
وبعد هذا جاي ترمي ذنبك بوجه المدينة
مادريت ان المدينة كلها شمعة غريب

User offline. Last seen 10 سنة 35 اسبوع ago. Offline
مشترك منذ تاريخ: 22/08/2006

شكرا هالة شعرك روعة
:o

User offline. Last seen 11 سنة 15 اسبوع ago. Offline
مشترك منذ تاريخ: 10/04/2007

سباس norjan, أنت الروعة