الفروق العمرية بين الزوجين
مسألة السن والزواج..
أردت طرح هذا الموضوع ليكون ساحة للنقاش بيننا
كثيراً ما نجد حالات زواج بين شاب وفتاة .بحيث الزوج يكبر على الزوجة بتسع أو عشر سنين ..
منذ زمن وحتى وقتنا الحاضر أيضاً قليل ما نجد شاب وفتاة يتزوجان من عمراً واحد :!:
فما هي نظرتك الصائبة من هذه الظاهرة :?: :?:
هل تؤيد على أن يكون الشاب أكبر من الفتاة بهذا القدر الكبير ثمانية أو تسعة سنوات..
أم أنك تؤيد التوافق في العمر بحيث يكون الشاب والفتاة من جيل واحد ذو تكوين عقلي واحد ..
أم ان مسألة العمر ليست ذو أهمية لك في أختيار الشريك.
أنا ضد الزواج بحيث اذا كان الزوج أكبر منها ب 20 سنة فما فوق
أما الباقي فالحب يكون كافيا
أو ربما المستقبل ... :wink:
أم أنك تؤيد التوافق في العمر بحيث يكون الشاب والفتاة من جيل واحد ذو تكوين عقلي واحد ..
احلى إنو الواحد يتزوج فتاة من جيلو ( افكار وثقافة متقاربة )
:wink:
أعتقد بأن الزواج يحتاج إلى النضوج فهناك من يكبر بعشر سنوات من زوجاتهم ولكنهم يصغرن بعشرين سنة عقلية وتقدرية وفكرية.. مؤسسة الزواج يجب أن تبنى على أسس سليمة حتى تكتمل عملية النتاج التوافقي بين الطرفين فالعمر الزمني ليس بمهم لدرجة المبالغة ولكن النضج هو الاهم في هذه الحالة ..ولكن في الطرف الآخر ما الذي يدفعن البنات الصغار بالزواج إلى من هم اكبر منهم سناً بفروق شاسعة أعتقد لمعرفتي المتواضعة .. المادة بيع وشراء بيشتري الرجل كبير السن شباب الفتات الصغيرة.. وهذا تحويل مدرسة الزواج إلى سوق فيه بائع وشاري ..وأنا بنظرتي المتواضعة ارى النضوج أولاً .. والخيار الثاني بعد النضوج ان يكبر الشاب الفتاة من سنتين إلى خمس هو الانسب لي وهذه وجهة نظري القابلة للخطأ :wink: ,
مسالة الزواج من فتاة تصغر ب 5 سنين او 6 او ما يقارب ذلك امر طبيعي
و مقبول ليس للفكر و الاجيال دخل بذلك يعني اكبر منك ب خمس سنين هوي من نفس جيلك رحو الاجيال تكون الفارق بينها بعشرة او عشرين سنة
هيك فيك تقول مو من جيل بعض
اما الفارق ب 5 او 6 لا يهم الاهم من ذلك هو التفاهم فيما بينهم و الحب و الاحترام
و بذلك الزواج لا بد منه ان يكون ناجحا و حياتهم ستكون هانئة لا شك :wink:
اي انو ليس للعمر دخل في الزواج
(بس كمان معك حق في اعمار متباعدة جدا مثل 7 او 8 سنوات و ما فوق) :wink:
بس كمان بعتقد انو الحب ما بيعرف لا عمر ولا شي
تحياتي :wink:
بصراحة لا أرى في الموضوع تلك المشكلة الكبيرة .. شيء جداً عادي إذا كان الزوج أكبر من زوجته .. ولا أرى في حالة ان تتزوج الفتاة بمن يكبرها مشكلة في حال وجود الحب وموافقتها عليه ..
الحب و الانسجام و توافق الافكار تبقى الأهم ...
نصيحة احدة الاساتذة لنا كانت :: يا شباب لا تاخدوا وحدة إلا تكون اصغر منكم من خمس سنين لحد الـ 15 مقبول .. سمعتوا يا بنات لانو المرأة بتهرم بسرعة عالولاد وشغل البيت وكمان إذا كانت بتشتغل فكمـــلت .. والرجال إذا مرتو هرمت دغري بتزيغ عينو ..
طبعاً فز شب ووقف على حيلو قال : لا استاذ مو صحيح هالحكي ..
وإحدى الصديقات قالت : مظبوط كلامك استاذ ..
الشب كان يحب إحدى الفتيات من نفس القاعة التي كنا موجودين فيها يعني تنيناتون من نفس العمر لذا نهض وقال لا ..
بينما الفتاة قالت مظبوط لان من تحبه يكبرها بـ 12 سنة ..
لذا فالموضوع نسبي ولا نستطيع ان نضع عمراً محدداً .. نقيد به الغير .. فالحب أعمى
بعدين آخر مشكلة عنا (( إذا وصلنالها )) بتكون العمر :mrgreen:
Fade بتعرف انو الستة اخو السبعة ..
فليش الستة من نفس الجيل , والسبعة والتماني صارو اعمار متباعدة :wink:
باعتقادي العمر مسألة نسبية ولكل وجهة نظره فالرسول تزوج خديجة وكان يكبرها
بخمس وعشرين سنة أي خديجة كانت أكبر من الرسول وكانوا متفاهمين ومحبين
وهناك حالات الرجل يكبر المراة ولا نرى توافق والعكس صحيح الأهم هي في مسألة الزواج
التفاهم والعمر يبقى على المحك
مشاء الله آراء جميلة أشكركم أخوتي الأحباء
بالفعل أنا أيضاً أوافقكم الرأي على أنو ما في مشكلة إذا كان الفارق بسيط (كم سنة)
أما الفارق الكبير أعتقد بأنه سوف يكون ذو نتيجة سيئة في المستقبل ,,أحياناً طبعاً !
فالأهم هو الحب والتفاهم بين الطرفين... :wink:
اعتقد انه اذا كان الفرق اكثر من سنتين رح يكون احسن لان الرجل يبقى شابا حتى عند الخمسين اما المراة فعند ال35 رح يبين عليها كبر السن مشان هيك يفضل ان تكون الزوجة اصغر من الزوج
طيب اذا البنت اكبر من الشب.................؟؟؟؟؟
مرحبا ....
باعتقادي الفارق العمري يجب ان لا يتجاوز اكثر من خمس سنوات ...
اما اذا البنت أكبر من الشاب ... أعتقد بأن ذلك ليس شيئا محببا على الرغم من
أن ذلك يحدث كل يوم ..... سؤال جميل عزيزتي هيف
وشكرا للموضوع أخ أكرم ... ودمت بسعادة
انا برايي لازم يكون في فارق عمري بين 4 و 7 سنين كمان عادي
بس غير هيك مثلا اذا كانو في عمر واحد رح يحسو انو البنت اكبر منو لانو البنت بتكبر قبل الشب وكلنا بنعرف هالشي
والبنت بتحب تكون دائما مدللة فكلما كان اكبر منها كلما حبها اكتر لانو الكبار بيحبو اكتر من الصغار وشكرا عالموضوع وتقبلو رايي
طبعا انا ضد انو الشاب يكون اكبر من الفتاة 10 سنوات او أكثر لإنو اكيد مارح يكون هناك توافق فكري بيناتون (بيقولو اكبر منك بيوم افهم منك بسنة . صح )
ولا احلى إنو الواحد يتزوج فتاة من جيلو ( افكار وثقافة متقاربة ) حتى لو كان اكبر منها أو هي اكبر منو سنة او سنتين او حتى ثلاث بيكون عادي بس اكتر من هيك حرام
بظن انو السبب اللي بيمنع الزواج من نفس العمر في مجتمعنا هو المادة
لإنو الشب لبين ما يكون نفسو بيكون عمرو صار 30 - 35 سنة او من وين راح يلاقي وحدة بهل العمر او بالأحرى مين هالبنت اللي راح تستناه كل هل المدة .!!!!!!!
آن للكورد ان يتوحدو