ممكن رأيكم ........؟؟؟؟؟؟؟؟؟؟؟
الأربعاء, 18/06/2008 - 00:14
كان اول مرة التقينا فيه صدفه..لكنها كانت صدفه جميله
جذبني اسلوب كلامه..ثقته بنفسه..وروحه المرحه
شاب وسيم ظريف مثقف..تتمناه أي فتاة .
وكان الاعجاب متبادلا..وجدت فيه كل ما اردت وتمنيت وهو كذلك...
كان ذاك الشاب الذي طالما بحثت عنه وتمنيته زوج المستقبل
ولكن المفاجأة التي لم اتوقعها يا صديقتي لورا ان يكون اصغر مني عمرا
فهو يصغرني بأربع سنوات ..ساعديني لاتخذ القرار المناسب.
العمر..هل هو مشكلة حقا في اختيار شريك الحياة؟
سواء كان اكبر او اصغر عمرا..
واين تكمن المشكلة في ذلك؟
الأربعاء, 18/06/2008 - 08:16
#2
ما بعرف.. بس انا ما بظن انو العمر مشكلة..
اساساً شغلة العمر كلها بس مشان انو المرأة تحترم جوزها لانو اكبر منها ولانو رح يعرف بالحياة اكتر منها
اما اذا هي تكبرو انا برأي مافي اي مشكلة.. بعدين 4 سنوات عمر منطقي
وخلي يكون 50 سنة.. المهم في حب..
الأمل ينام كالدب بين ضلوعنا منتظراً الربيع لينهض.. (إنديرا غاندي)
الأربعاء, 18/06/2008 - 08:47
#3
لورا,
أنا ما بشوف هل الفرق الكبير ومافي...
مشكلة بي الاساس لى أنو في أول وألاخير
الحب أكبر من جميع الاشياء التي قد نمر فيها...
بس مشكلة صغيرا ...
عدم فهم المجتمع لى هاد الشي...
تحياتي
الأربعاء, 18/06/2008 - 12:06
#4
شكرا لك لورا لانك تتطالبن بارائنا
انا برايي لا توجد اي مشكلة في مسالة العمر
مادام يوجد حب بين الشاب والفتاة فلا توجد اي مشكلة
ولكن الحب وحده لا يكفي يجب ان يتعرف كلا الطرفين على بعضهم اكثر
يجب ان تتعرفين على اخلاقه وادبه وثقافته اكثر من ذلك لان الزواج ليس سهلا ابدا
واكرر جزيل الشكر
الأربعاء, 18/06/2008 - 12:31
#5
انا برايي انو فكرة زواج الشاب بفتاة تكبره سناً فكرة مرفوضة في مجتمعنا و غيرنا من مجتمعات
يعني صحيح انو الحب شعور رائع ولكن بالتالي استطيع ان اسيطر على مشاعري و احاسيسي و ان لم استطع ف انا ضعيف ارادة
بتذكر في امراة ختيارة قالتلي انو نحن الشباب لازم نتزوج من بنت اصغر منا بعمرها و هيك لازم يكون الزواج اما انو تتزوج من وحدة بعمرك ف هادا رايك الشخصي ما حدا يقدر يمنعك
واما انو تتزوج من وحدة اكبر منك بظن انو هي فكرة مرفوضة
تحياتي :wink:
الأربعاء, 18/06/2008 - 12:33
#6
عزيزتي لورا
المشكلة تكمن بمن يكبر من
اذا كان الشب يكبر الفتاة بفارق كبير فيعتبر ذلك مشكلة
اما اذا كانت الفتاة تكبر الشب بهذا الفارق البسيط فبوجهة نظري ليست بمشكلة
وانشاء الله بالتوفيق
الأربعاء, 18/06/2008 - 13:26
#8
انا الان بالشغل ..ما اقدر اعطي رائي ..بس المسى رح ارجع اختي لورا ...ورح اقول رائي
الأربعاء, 18/06/2008 - 13:49
#9
والله .... لا اعرف ماذا اقول لك لورا
لكن أقول لصديقتك يجب عليها ان تتمهل قليلا.....
ولا تستعجل في الحكم ان هذا الشاب هو فارس احلامها .....
فكرة ان الفتاة تكبر الشاب .... مرفوضة ومعارضة من قبل مجتمعنا .....
صحيح انه يوجد بينهما حب .... وهو مطلب من مطلبات قبل الزواج والارتباط .....
لكن للأسف الفكرة مرفوضة ..........
بصراحة اذا الوضع هيك متل ما عم تحكيه صعب بالنسبة للأثنين ...
والاثنين بيحبو بعض فأنا بشوف انو مافي فرق ... من المعلوم ان الرسول صلى الله عليه
وسلم تزوج خديجة رضي الله عنها وكانت اكبر منه كثير .... فما المانع ....
اتمنى لهما التوفيق ......
الأربعاء, 18/06/2008 - 15:08
#10
bave-seyda جميل ما قلت ان الحب لا يعرف العمر ولا المال. مشكورر
هنري الصغير المرأة تحترم زوجها مو لانو اكبر منها لانو زوجها وتاج راسها هههههه
اكيد الاحترام لازم يكون متبادل ولانه اساس العلاقه الزوجيه. شكرررا لك
serbst دائما نجد انفسنا مقيدين بقيود المجتمع . شكررررررا
اولشير تماما كما ذكرت الحب له مقومات عدة يجب ان يرتكز عليها . شكررررررررا
fade_endrawse كجى قامشلو عدنا للمجتمع :roll:
bave-aryan به روه ر شكرا لمروركم الجميل
جانوو لك ايمتى بترجع من الشغل ههههههههههه
بانتظار رأيك شكرااااااااااااااا
لقد اغنيتم الموضوع بأرائكم القيمه شكرا لكم
الأربعاء, 18/06/2008 - 16:21
#11
عزيزتي لورا
انا برفض الفكرة تماما
بس بدي قلكون شغلة
انا ستي كانت اكبر من جدي بـ 7 سنين
وكانو كتير متفقين
بس ماتزوجو عن حب :wink:
يعني جدي ماتزوج ستي لانو كان بيبحبها
مع انو هي كانت اكبر منو بـ7 سنين :D
مو ضوعك
حلو
انا برائي الحياة مو بس حب
اذا كانت بتحبو وكمان مقتنعة فيو مافي مشكلة
علما انو انا برفض هيك شي
الأربعاء, 18/06/2008 - 16:33
#12
ومرت عمي كمان كانت اكبر من عمي ب 8 سنوات
وهلا الله يرحمها والله يطول عمر عمي
الأربعاء, 18/06/2008 - 17:23
#13
Quote:
fade_endrawse كجى قامشلو عدنا للمجتمع
طيب غضينا النظر كون مجتمعنا لا يريد ذلك انا برايي الشخصي انو هيك جوازة
بتكون غلط واذا تمت و اذا كانو التنين مبسوطين و عايشين سعيدين رح تكون غلط
مادام اساس الجوازة مش صحيحة
الأربعاء, 18/06/2008 - 17:42
#14
الزواج اساسها التوافق بين الطرفين وليس فارق العمر
حتى لو كان اكبر منه سناً ففارق العمر مجردة من تحديد نوع الزواج
مازل هي راضية عن جميع صفاته وتتضمن معه الحياة السعيدة
فلااجد اي مانع للزواج
الأربعاء, 18/06/2008 - 19:25
#15
الواحد ما بيقدر يحكم الا لما يعرف الظروف بكل جوانبها.طيب صاحبتك شايفتو فارس احلاهما .طيب هو كمان شايفها اميرة احلامه؟؟؟؟..المعلوم ان الشاب بحب تكون زوجته اصغر منه لكي يدللها.مابنقدر نقارن ايام زمان بزماننا لان الشباب بهداك الايام غير الشباب هلا من حيث التفكير ....انا برائي اذا مريت بهيك تجربة وحتى لو كان فارس احلامي اصغر مني بشهر واحد انا نفسي مارح ارضى .لان المشكلة مو بالمجتمع بل اذا قارنا بين عقل الشاب وعقل الفتاة علميا فالفتاة تكبر عقليا من الشاب بسنة......
وهذا رائي الشخصي طبعا :oops:
الأربعاء, 18/06/2008 - 19:35
#16
لورا wrote:
fade_endrawse كجى قامشلو عدنا للمجتمع :roll:
والله لو الواحد بيلف ويدور الما رح يرجع لشي اسمو المجتمع
انا كنت اقصد اهلها وأهلو ... يعني رح يوافقو ولا ...
انا متل ماقلت .... اذا مافي مانع من الاهل .... فعادي
بعدين الفرق مو كبير .... 4 سنين .... في ناس كتار تزوجو والزوجة اكبر من الزوج ... ب 20 سنة
بس بصراحة الفكرة عندي مرفوضة على الخالص ....
تقبلي مروري .......... سلام
الأربعاء, 18/06/2008 - 20:03
#17
وهااااااااااااااااااااااااااااااااااااا رجعت من الشغل,,,,,
بصراحة ..انا ضد فكرت انو الفتاة تكون اكبر من الشب....
بعدين الحب مو دائما يوصلنا الى بر الامان ..العقل هو اساس كل شيء ...
الفتاة تهرم قبل الرجل بسرعة ,,,,الان فتاة اصغر من الشب بكم سنة ومع ذلك بنشوف بعد عشرين او ثلاثين سنة المراة هرمت والشب لسه لديه القوة ..
حتى علاقة الجماع بينهما ..رح يجي يوم الرجل لديه القوة ..والمراة ما عاد لديه القوة
بالحالة هاي رح يدور الشب انو يشبع رغباته بزواج اخر....وهذا
الحب شيء جميل ورائع ..بس كان لازم على صديقتك فكرت بهذا الشيء ..
بعدين حتى المجتمع ما يتقبل هاد الشيء ....
على فكرة الشيء الغلط احيانا نعمله من اجل انسان ما..رح يظل هاد الشيء الغلط ملازما لكي طوال حياتك ..ورح تحسي دوما بانك غلطتي...
هاد رائي ...خليهم يتعذبو كم يوم ..احسن ما يتعذبو بعدين ..
اترككي برعاية الله وحفظه لورا
الجمعة, 04/07/2008 - 16:25
#18
بظن انو هدا مو الي انت بدور عليه لانو عندو مشكلة انو انت اكبر منو ب اربع سنين
انا برأي هاي الفكر بتكون مرفوضة عندي حتى لو كنا بعمر واحد
بعدين القرار بيرجع اليك
السبت, 05/07/2008 - 11:55
#19
بشكر جميع اللي شاركوا بالموضوع....
المشكلة مو مشكلتي يا جماعة هي مشكلة صديقة الي...
وفي سياق الحديث كتبت وكأنها تخاطبني وتقول ..يا صديقتي لورا...
على كل حال مو مشكلة...
صديقتي اختارت وقررت...وهلا هي متزوجه من الشخص نفسه وسعيدة والحمد لله
ونتظر مولودا .. بتمنالها السعادة والتوفيق باختيارها...
انا ذكرت الموضوع للاستفادة وتبادل الاراء...
شكرا لكم جميعا...ورود كوليلك العطرة :)
الأحد, 06/07/2008 - 20:42
#21
الف مبروك ..لصديقتك ...
بس ماشي يا انسة لورا ..عم تلعبي فينا ما هيك ؟؟؟؟
بس حلوة ههههههههههه.
نشالله ما يندموا على قرارهما...ويظلوا دائما في سعادة وفرح.
شكراً عل الموضوع الحلو الكتير
أولاً الحب لا يعرف العمر ولا يعرف المال ولا يعرف سوى الحب لدرجة أنه يسيطر على العقل.
بل العكس مافي أي مشكلة وبأيد هل الفكرة#