1- طب الجرة على تمها البنت تطلع لامها

2-قلنا ثور قالوا احلبوه

3-الباب يلي يجيك منو ريح سدو واستريح

4-علمناهم عالشحادة سبقونا عالبواب

5-يلي فيو شوكة يتنخزو

6-ليجي الصبي بنصلي عالنتبي

7-اجا يكحلا قام عماها

8-يلي ايده بالمي مو متل يلي ايده بالنار

9-المكتوب باين من عنوانه

هاي الامثال يلي تذكرتها وتفضلي هالامثال نقلتها :wink:

1- خذ الاصيلة ونام على الحصيرة

2- يللي بيجرب المجّرب بيكون عقلو مخّرب

3-طول عمرك يا تينة مجعلكة

4-الحية آلت للدودة تضربي على هالآمة الممدودة

5- يآخد الارد على مالو بيروح المال بيصفى الارد على حالو

6-طب الجرة على تما بتطلع البنت لامها

7- ما كل مرة تسلم الجرة

8- دق القرفة ولا صباح السلفة

9-كومة حجار ولا هالجار

10-متل السيل بيغدر بالنهار والليل

11-شو ماطبخت العمشى جوزا بتعشى

12- من قلة تدابيره خلطت حنطته مع شعيره

13-طلطميس مابيعرف الجمعة من الخميس

14- لما فرقوا العقول كل واحد عجبوا عقلوا ولما وزعوا الارزاق ماحدا عجبه رزقوا

15- يللي بيلاعب القط بدو يتحمل خرميشو

16-بعد ماكانت خادمة صارت في البيت حاكمة

17- مثل القردة وشاكلة براسها وردة

18-قرعة ومشطها نص ذراع

19- آل ليه غيرانة وحيرانة وعيونو جوا غطسانة

20-قال خطبوها تعززت تركوها تندمت

21ـ الفاضى يعمل قاضى

22ـ بصلة المحب خروف

23ـ العبد فى التفكير والرب فى التدبير

24ـ باب النجار مخلع

25ـ ان غاب القط العب يا فار

26ـ كول فول وارجاع للأصول

27ـ ما منه خير دخانه بيعمي

28ـ ضربتين عللا الراس بتوجع

29ـ البيت بيت ابونا والغرب يطردونا

30ـ صيت غنى ولا صيت فقر

وهي كمان

* قال الي بجي لعنا اهلا وسهلا والقلب اله هزاز والما بجي لعنا لا اهلا ولا سهلا ولا القلب اله معتاز *
* القرصـة بغضة ولو كـانت من أصابيع فضة , والعضـة محبـة ولو كـانت من أسنان كلبـة *
* الكويسـة كويسـة مـن فيقـت منامـا و البشعـة بشعـة من طلعـة حمامـا *
* مكتر صحابي يوم كرمي دبس.. وما قل صحابي يوم كرمي يبس *
* قالتلا يا ستي خديني معك ، قالتلا لو صح لستك الروحـان *
* أنا وابن عمي على الغريب وأنـا وأخوي على ابن عمي *
* اللي بزورنا بحل البركة و اللي مـا بزورنـا بخفف لبكة *
* العتب مو عليك العتب عاللي سلمك دقنو تنتف فيـا *
* الجاهل بيفعل بنفسه متل مـا بيفعل العدو بعدوه *
* ستي أجتى الرزيه بتاخد الخضرا وبتعيف الطريـه *
* ديك واقف عالبركه بضحك عالناس وهو ضحكـه *
* ال بدخل بين البصلة وقشرتا ما بنوبو الا ريحتا *
* من بيت شقاع لبيت رقاع لبيت وجاع الصعبه *
* قالوا لو للديك صيح قال كل شي بوقتوا حلوا *
* قالوا العاطل صير منيح قال بيصرلي إسمين *
* طول مـا جوزي معي بدير الفلك بأصبعي *
* اللي إلو راس عند الرواس مـا بنام الليـل *
* طـب الجرة على تمها بتطلع البنت لأمها *
* الرجال في البيت رحمة ولو جاب فحمة *
* عيشة الفهيم مع البهيم سقم وعمى *
* بس ما طولت دقن ابنك حلوق دقنـك *
* إحترنى يـا أقرع منين بدنا نمشطك *
* كـل مين بتجوز أمي بسميه عمي *
* اذا احتجت للكلب قللو يا حج كلب *
* إذا ردت تفضح سرك سلموا لمرة *
* عصفور بالأيد ولا عشرة عشجرة *
* البقع مالسطوح بتسلقاه الأرض *
* أنا متل الفريك مـا بحب الشريك*
* البيشتغل بأكلو يا سعادة أهلو *
* احلوق بالفاس ولا تعتاز للناس *
* خذوا البنات من صدور العمات *
* السعد لما بيجي بكسر الباب *
* كلامو متل الفستق الفاضي *
* لا تقول فول ليصير بالمكيول *
* من فاتو اللحم عليه بالمرق *
* أمشي مع السعيد بتسعد *
* كل ديك على مزبلتوا صياح *
* الي عندوا طبيعه ما بيبيعا *
* البغير عادتو بتقل سعادتو *
* ابن الحلال عن ذكره بيبان *
* لاتبيع جلد الدب لتصطاده *
* الآدر هجروه ولا فجره *
* الله يسعدو و يبعدو *

أخت زووز ما خلت شي , حتى الأمثال الشعبية من العراق والاردن ولبنان ومصر وبعض مما في بلغاريا كمان جابتهم , طيب أنا شو بدي اكتب ? ما ضلت أمثال ? شكرا روشدار

تحياتي روشدار الغالية ..

بالفعل أختنا العزيزة زوز ما خلت لنا شيء ..

يلا بدنا نألف كم مثل عندنا:

عمر الصغير ما يصير متل الكبير :lol:

اللي ينام مو متل السهران :lol: :lol:

اللي يشرب ببسي مو متل اللي يشرب مي :wink:

:lol: :lol: :lol: .. إبداع جديد في عالم الأمثال .. اضحكوووووو

سلمت يداكما روشدار وزوز ..

الجنة بلا ناس ( بدون ال التعرف ) بتنباس
الحجر ( مع ال التعريف ) الذي ما يعجبك سدو و استريح

• إذا كان صاحبك عسل لا تلحسه كله
• القرد في عين أمه غزال
• تيتي تيتي مثل ما رحتي جيتي
• على قد بساطك مد رجليك
• الولد إذا طلع لعمتو يا سعادة أمّو ؟؟؟
• ما يطقك الا اللي يحبك
• تعلم القانون جيدا حتى تعرف كيف تخالفه
• الله مابيرزق الشحادة سعادة.
• العتب مو عليك العتب عاللي سلمك دقنو تنتف فيا.
• إذا ردت تفضح سرك سلموا لمرا.
• عمرا سجرة ما وصلت لربا.
• الله ما بيبس السجرة إلا و بيعرف أش في تحتا.
• اللي بيخاف من العصافير ما يزرع درة.
• أعزب دهر ولا أرمل شهر
• ضربني وبكى وسبقني واشتكى
• عصفور في اليد خير من عشرة على الشجرة
• الذي لا يعرفك يجهلك
• العين لا تعلو على الحاجب
• احفظ قرشك الأبيض ليومك الأسود

أشكركم جميعاً

كنت بحاجة لمساعدتكم وبالفعل كنت خير من ألجأ لهم

بارك الله بكم .

ان كان حبيبك عسل لا تلحسو............... كلو ( اللام خفيفة )
الأمثال بزر الناس.. ما بتشبع و لا بتعبي الراس....

يا زلمة ما تركوا شي نقولو

بس على كل حال خدو ها المثل

قال الحمار نفخ نار ، قال سماع وسطح

شكراً

ثوب العيرة ما بيدفي وإن دفة ما بيدوم

أشكركم إخوتي

ثوب العيرة ما بيدفي وإن دفة ما بيدوم

أشكركم إخوتي

لك ما خليتولنا شي

وك عربيه جعف بنيريه طر كفن

هاي ما ذكرتوا :lol: