Kêleqûça xewnan

    • 2016-05-01

     
    Çirûska vegerê
    Di bin biştiyê pûş de 
    Xeman werbêj dike
    Ne agirek 
    Serada demê dişewitîne
    Ne jî lêmiştek
    Piştiyê kovanan diqelişîne
    Tenê ez û te
    Xewnerojên kuzirî 
    Li ber dîwarê lavlavan 
    Ji hev re
    Dûbare dikin
    Û kevirê seybê
    Bi niçniça dil re
    Ber bi kêleqûça xewnan
    Davêjin û holdikin
     
    Kî dikane ..
    Kevirê ser dilê me
    Bi karwanê bêdengiyê re 
    Bike heval
    Da piştiyê me
    Di nizêza şax û xaçikên wendabûnê
    De
    Weris li damarên hêviyan
    Har û ziriz neke
    Kî dikane ..
    Qeytanên pêlavên mendaln 
    Bibişkifîne û sist bike
    Da di nîvê qonaxa têkçûnê de
    Bêhna dayikan neçikîne
    Kî dikane ..
    Nameyên bêbextiyê biçirîne
    Da çavên yarê rondikan nelorîne
     
    Çirûsa zayîna pejalên girnejîngan
    Hîn di keşwera raman û sawiran de
    Baweşîna jiyanê
    Bi dilopa ramûsanên qurçifî re
    Di bejna demê de
    Stranên îro
    Di termê sibe de
    Tûjik û terxan dike
    Ma kengî..
    Wê bavekî bê nasname
    Barê xunava ahînan
    Ji hinavên dîlberekê
    Li geşta dilê dildarekî bêzar
    Di çarçewa ogirkirina bê sînor de
    Bike siwar 
    Û geştiyar ..?
    23\4\2016

    روني علي