Ronî ELÎ : Sîbera Mijgulan

    • 2014-05-18

     
    Li wir ..
    Di bin zimanê te de
    Hîn helbesta şeva bihurî
    Ji xewê şiyar nebûye
    Ka kenî wê zimanê te
    Bi lîlîna helbestê
    Govdeyê nemiran
    Di goristana şeydê de
    Rake sema
    Ka kengî wê awaza civata me
    Tîşka ronahiye
    Li ser koza xewnên me vegre
    De bese yarê
    Benda zimanê xwe bişkîne
    Da helbesta şevê
    Bi honkaya serê sibehan re
    Baskên geşbûna dildaran li dar xe
     
    Li vir ...
    Hîn xewnên avis
    Di pençên lawiran de dicivilin
    Birdûmankirina holkên gazindan
    Dergûş bê deng hîştin
    Û vîxanên min û te
    Bi dîwarekî bê binî pesartin
    De bese yarê
    Dahola xuşewîstiyê 
    Bê deng govendê digerîne
    Nalînên me
    Di şevê de 
    Bendewarê rojê bimîn in
    Û di rojê de 
    Kêferat û berberiya jiyanê
    Bi guviştina lêvan 
    Çaresaz bikin
     
    4-5-2014

    روني علي