خيم العزاء
الأحد, 31/05/2009 - 10:47
خيم للعزاء
انتشرت في مجتمعنا عادات اصبحت مفروضة علينا سواء رضينا أم لا
منها عادة نصب خيمة للعزاء خاصة في المدن اما بسبب ضيق المكان
وخاصة الشقق السكنية او وجاهة وهذا ما لاحظناه في الاونة الاخيرة
وما دفعني للكتابة عن هذا من يومين توفي في شارعنا شخص كبير بالسن
بالطبع رحمة الله عليه
وبدأُ ينصبون خيمتين واحدة للرجال و أخرى للنساء
والمشكلة ليست هنا
بل انهم وضع خيمة النساء في منتصف الشارع الرئيسي
حيث قطع السير بالاتجاهين بوضع سيارة فان في كل
طرف من الشارع بالطبع كي لا تمر اي سيارة
ونحن على هذه الحالة منذو يومين لا تمر بنا أي سيارة
واصبحنا كمن ساكن الصحراء
لا أعتراض لنا على وضع الخيمة
لكن لماذا خيمتين وخاصة خيمة للنساء
ولماذا قطع الأرزاق حيث ان الشارع رئيسي
وجميع المحال تعمل على هذا الاساس
وكما قالو ( قطع الاعناق ولا قطع الارزاق )
ورحمة الله على المتوفي كائن من كان
الأحد, 31/05/2009 - 19:18
#2
أخي الكريم العنوان شدني وفكرت بدك تنقد مضمون خيمة العزاء
كل الجهود موجهة بهالفترة لتحسين وتغيير مضمون الخيمة متل مثلا تحديد مواعيد لاستقبال الناس ع القليلة لحتى نعطي أهل المتوفي فرصة يرتاحو لأن معلومك المصيبة كافية ووافية وبيضلو بشر ... من ناحية تانية مبلشين هلا بإلغاء عادات بتحمل أهل المتوفي ديون هني بغنى عنها
موضوع قطع السير هاد عائد للعيلة لكن إنو نلغي خيمة العزا فـ مارح تنلغي إلا إذا انلغى العزا من أساسو وبظن إ،و هالخيمة فيا قسط وفير جدا من المواساة والدعم النفسي لأهل المتوفي .. بغض النظر عن التعب وباقي السلبيات اللي بإمكاننا نتجاوزها...
Mon, 01/06/2009 - 09:51
#3
اول شي بتشكرك جودي على الموضوع والله يرحم جاركم...
المشكلة هي انُ هاد الشي هي من عاداتنا وتقليدنا وبالأخص نحن الكرد
يستقبل اهل المتوفى الناس من الصباح الى الليل اعتقد انُ في المدن الكبرى
هناك اوقات خاصة لأستقبال الناس وتكون هذا الاستقبال في صالة خاصة...
بس منيح حاطين بس خمتين هون عم يحطو اكتر من خمتين وما عم يسع الناس...
الثلاثاء, 02/06/2009 - 11:00
#5
هلين فيكي........... بيلسان,
بالصراحة ما كان بنيتي أنقد العزاء
أما موضوع تحسين العادات وتقليل المصاريف فهادا شي كتير منيح
وانا لما حكيت عن قطع السير فقلت ان هني قطعوا رزق العالم
مع علم بوجود شارع فرعي والخيمة كانت طول الوقت فاضية ما فيها حدا
لكن إنو نلغي خيمة العزا فـ مارح تنلغي
ومين قال لازم تلتغى :arrow:
عادات وتقاليد :arrow: