يوم الصدف والتيسير !!

11 ردود [اخر رد]
User offline. Last seen 13 سنة 38 اسبوع ago. Offline
مشترك منذ تاريخ: 29/11/2006

فايقة من صباحية الله على صوت أختي وأخوي كالعادة وكل واحد منون بيقول للتاني أي أخرتنا عن المدرسة ... أي راحو المهم قمت يافتاح ياعليم يا رزاق ياكريم اخواتي راحو عالمدارس وامي كمان عمدرستا وبابا يتأهب للطلعة كالعادة بركض بالمشط لباب البيت بابا استنى لمشطلك شعرك نسيت تمشطو .. المهم البابا كمان راح ... أول شغلة فكرت فيا انو أخوي الصغير الله يسامحو حذف بالغلط أغاني فيروز من الكومبيوتر .. كيف بدي بلش يومي هيك دق الهاتف وكانت ماما عم تقلي بنتي مبارح نسيت قلك إني جبتلك سي دي لفيروز
ايييييييييييهههههههه أول شغلة حلوة
سمعنا فيروز وشربنا القهوة واثناء ذلك رتبت البيت .. بعدين قلبنا عالراديو وانا عم استنى غنية نجوى كرم تعى خبيك ما بعرف ليش كانت خطرانة ببالي المهم وبشوف نجلا قباني عم تقول صباح الخير لبرج الدلو (يعني الي) ومعها غنية نجوى لااااااااا مستحيل
المهم بلشت جهز حالي للطلعة فرجعت للكومبيوتر شغلت الاغاني كمان واذ بيطلعلي شيدا sal diburin اوووووووووووووووووووووووه كتير بحب هالغنية
وي تذكرت كان لازم قوم بواجب اجتماعي والمشكلة هلا صار لازم روح عالدورات طلابي عم يستنوني وللاسف مو الكل عندون هواتف لاعتذر منون يلا بطنش الواجب اليوم ما حلوة اترك الطلاب رحت عالدورة وإذ وحدة من الطالبات جاي عم تقلي انو هن اليوم مافيون يحضرو لانو عندون حصة مهني قبل الدوام
اييييييييه والله ميسرة اليوم ومن حسن الحظ انو البيت اللي بدي زورو قريب كتير من مكان الدورات تمااااااااام وهاي خلصنا من الواجب بعدين يلا يا ام الجوج عالمدرسة طلعنا بهالسرفيس على انغام بعض الاغاني اللي ما فهمت منا ولا كلمة ... وصلت عالمدرسة الساعة 12 إلا خمسة
واذ المدير يبادرني آنسة جيندا جاية بكير اليوم ... أنا باستغراب باقي بس 5 دقايق لبداية الدوام فيصدمني انو الدوام من اول الشهر يعني اليوم بيبلش الساعة 12 ونص .. نظام صيفي !!
فكرت بيني وبين حالي وبعدين بيني وبين الآنسة اللي قاعدة جنبي يابنت هلا عندك الحصة التانية والتالتة فراغ اتركي الحصة الاولى وروحي عالتربية قال صارفين راتب الساعات لشهر كانون الاول ومنو بتحكي مع رفيقتك بيتي بتشوفيا هنيك اسمو راس الشهر اليوم .. بلشت بتنفيذ الخطة طبعا للاسف المدير مان علي وماخلاني روح بحجة انو عندو غيابات كتير من الاساتذة وخليكي معنا هالحصة يلا معلش بضل بما انوالدوام صاير صيفي يعني حصتين بيكفو روحة رجعة وصندويشة شاورما مع المشاكسة بيتي
دقيت للمنظومة رفيقتي على موبايل رفيقتا بما انا لسا ما انضربت على قلبا واشترت موبايل المهم اول مرة ما ردت .. تاني مرة فصلت
ويييييييييي لك شو في .. بعدين تذكرت انو ياغبية ياجينو مو مبارح قالتلك بيتو انا مو مداومة يلا امري لله بروح لحالي
رحت وصلت عند باب التربية شفت زميلة من الزميلات بشرتني انو المحاسب مو هون طنشت ودخلت وانا لي مآرب أخرى هههه واذ جديد وصل المحاسب اييييييييه منيحة كمان .. قبضنا وما راح قول شقد مشان العيون
المهم طلعت قلت لحالي لك الدوام راح يضل للخمسة وشوي وانا مو فطرانة معناها من الافضل انو روح آخد صندويشة شاورما من عند الحمرا بما انو معي وقت للساعة 3 ولساتا 2 رحت وبنص الطريق شفت بيتو جاية من بعيد وبايدا صندويشة شاورما من الحمرا والمهم بعد التبويس قلتلا مشي لآخد صندويشة الي كمان قالت لك صندويشتك معي بالشنتة ايييييييييييييه لك شو هالتيسير اليوم معقولة كل هدول صدف
المهم بدي ارجع عالمدرسة ولسا ماوصلت للسرفيس رن موبايلي وكانت امي قال شو بدا ياني روح للزراعة باعتين وراي مشان الوظيفة المهم قلتلا دوب لحق المدرسة وانا مهمومة لانو لازم كان روح ...... يا سيدي وما رحت طلعت بالسرفيس واذ ... الموظف طالع بذات السرفيس
لك مو معقولة ........... بيكفي تيسيرات وصدف ولا كمل لبقية اليوم ؟؟؟؟؟ ههههههههه

...................................................................jinda

User offline. Last seen 14 سنة 28 اسبوع ago. Offline
مشترك منذ تاريخ: 10/04/2007

انسة جيندا حابب ذكرك انك مديونة بعزيمة احسبي حسابك لا تصرفي الراتب كلو ... :evil:

8)

User offline. Last seen 8 سنة 14 اسبوع ago. Offline
مشترك منذ تاريخ: 17/05/2007

موضوع جميل جدا وبهنئك على السرد الرائع
بس عندي طلب صغير اذا مافي ازعاج
انسة حابب شوفك بس خمس دقايق
بتعرفي ليش
بس لتسحبيلي نص كرت يانصيب لانو اكيد ما راح تخسر الكرت :wink:

مشترك منذ تاريخ: 06/01/2006

JINDA MIHEMED,

اي وين مخبية هالمواهب 8) ..... سرد مُميَّز عزيزتي

Quote:

قبضنا وما راح قول شقد مشان العيون

8O 8O 8O 8O

Quote:

ودخلت وانا لي مآرب أخرى

ايوا مآرب قلتيلي لكان.... 8)

.....................................................
سباس JINDA
وإن شاء الله كل أيامك تيسير وصدف كااااااملة

User offline. Last seen 4 سنة 47 اسبوع ago. Offline
مشترك منذ تاريخ: 08/10/2007

((ههههههههههههه))
ياي شو طريفة
تسلمي حبيبتي جيندا
انشالله كل ايامك صدف حلوة
الى اللقاء

User offline. Last seen 14 سنة 24 اسبوع ago. Offline
مشترك منذ تاريخ: 28/03/2006

جوججججججججججججج

انا ما بفهم00
هلا هلا بدي شاورما من الحمرا
بس هي عدا العزيمة ها
ولا قلك بنخليها ليجي كيفارا يمكن تكون مدعومة اكتر00 :wink:

على فكرة حفلة صحارى ما كانت حلوة بدونك00؟
جميل جدا جدا

صورة  Alano's
User offline. Last seen 4 سنة 34 اسبوع ago. Offline
مشترك منذ تاريخ: 24/11/2006

كل هالصدف بيوم واحد ولله نيالك .. 8O

على كل مارح احسدك :?
يلا اجت العزيمة على حساب بيتي
بس العزيمة الجاية رح نكون عشرة وكلو على حسابك يعني الراتب الشهر الجاية لاتحلمي تتصرفي فيه :twisted:

خلاص روجا ماتخافي مو نسيانين العزيمة :wink:

والله يجعل كل ايامك فرح وسعادة جينوووو

الى اللقاء 8)

 https://www.facebook.com/alan.hosen1

مشترك منذ تاريخ: 06/01/2006

أنا ما كنت حابب إنزع عليكي فرحتك بس بما إنو الشباب نزعوها

وطالما صارت وصارت :mrgreen:

لا تنسي إنو في الي عندك شي كم كاتوياية ((جمع كاتو)) 8)

User offline. Last seen 12 سنة 6 اسبوع ago. Offline
مشترك منذ تاريخ: 01/06/2008

فعلا يوم تيسيرلك كل شي كنت تمنيتي شي امنية يمكن تحققتلك بهداك اليوم :wink:

والله شهتوني عوجبة شاورما :(

User offline. Last seen 13 سنة 38 اسبوع ago. Offline
مشترك منذ تاريخ: 29/11/2006

كيفارا هنا ميت هلا لاو
ياسيدي حضر وبيحضر واجبك
بس بظن اتفقنا أنو بس تشرفنا أكبر بيضة عنا بالبيت بقليلك ياها ولو أو إذا بدك بنساويسها مع شوية بندورة وبصل وبتطلع أحلى طبخة جزمز .. شو بدك أحلى من هيك عزيمة

لوندوووووووو
قال كرت قال ..
ياسيدي إذا ما دفعت فوق حقو خسارة منيح
قال بيربح .. قال
بس ليش نص كرت مثلا !!!

عاشق
منيح أنو عرفت إني موهوبة ..
ياسيدي معك معك بتكتشف مواهب جديدة ....
ومشان هالاشاعات والعزايم والكاتو .. التي ليس لها هدف سوى زعزعة النظام ..
بدي قلك تكرم عينك ... أحلى كاتو لاحلى عاشق ولوو
بس بشرط الكل تجتمعو ما بدي كل يوم أعزم واحد فيكون

نيسو قربان ميت هلا ...
يا ستي وأيامك صدق أحلى تسلميلي

ميت هلا أحلى روجا والله
بس أنا بفهم منيح قال شاورما قال تذكري أنو عزمناك وانت ما رضيتي ... أيواااااااااااا
ومشان العزيمة والله فكرة نخليا ليجي كيفارا بل بنبليه فيا

آلانوووو
هلا خوارزى
شو عشرة ما عشرة ...
من وين راح تلم كل هدول
يلا أمرنا لله بعزمك على شي قرن بوظة من الدكان اللي جنبنا اسمو صيفت الدنيا ولا سو رأيك ؟؟

أحلى شفينو أهلين ...
يا ستي تمنيت وما مشي الحال :cry:
بس يا ستي اليوم صار أحلى بعدما شاركتوني انتو فيه

..............................................................jinda

User offline. Last seen 8 سنة 14 اسبوع ago. Offline
مشترك منذ تاريخ: 17/05/2007

Quote:

بس ليش نص كرت مثلا !!!

لسببين
الاول اني قنوع يعني ماني طماع كتير
والتاني انو بيصير الي 3فرص للربح يعني انتي بتسحبي الكرت يعني دخل حظ شخص والتاني انو انا صاحب الكرت صارو حظين ونص الكرت التاني رح ياخدو شخص اخر معناتو صارت هون 3 حظوظ بكرت واحد :wink:

User offline. Last seen 13 سنة 38 اسبوع ago. Offline
مشترك منذ تاريخ: 29/11/2006

معادلة صارت هيك .. هههههههههه
ذكرتني بدعايات السيتي كافيه تلاتة بواحد
:mrgreen: :mrgreen:
ميت هلا لود نورت .. :wink: :wink:

...........................................................jinda