بطولات نيسان ....
أممممم شو ين راحو كل هدول وتركوني لحالي هون قال يعني عم نغير جو ونعمل زيارات .. دى يلة راح اتصفح هالمجلة لبين ما يرجعوا ... هيفاء وهبى 8O ولي .... احسن شي أقرا برجي ( نيسو عم تحكي لحالها وهي في زيارة لبعض الأقارب اخدة اجازة يعني ) نيسو هلاء قاعدة وعم تفتش هون وهون على شي بينقرا بس يمكن فقدت الأمل وتركت المجلة :? ... نيسو حطت هالمخدة قالت لحالها راح ترتاح شوي على هالكنباية لبين ما يرجعوا اهل البيت .....
يا الهي ... شووووووو هاااااااااد ... وليييييي 8O 8O امييييييي .. اف جيا
نيسو عم ترتجف ووشا صاير اصفر وعم تتنفس بصعوبة ... لك في حية تحت الكنباية وكبيرة ولونها أسود ....
نيسو واقفة عم تتفرج ومو حسنانة تتحرك من مكانها .. ( لك نيسو شو بكي أصحي ولازم تتصرفي هلاء مو وقت صفنتك واستغرابك )
بس شو اعمل مافي حدى بالبيت وحياتي معرضة للخطر :cry: ( نيسو ضحكت وهي بهالحالة على حياتها الي تعرضت للخطر )
وطلعت شوي شوي من الغرفة وسكرت الباب والشباك ..وعم تفكر لحالها
بس انا الي سمعتو الي بيشوف حية بهالشكل والحجم لازم يصرخ ويولول ويلم الجيران حواليه وأنا ما عملت هيك ... :!: :?:
وي بخدى هاي أول مرة نيسو عم تشوف حية ( شخصي ) بس ارجع عالبيت راح قول لأهلي اني شفت حية :D ( لك نيسو مو وقت هالحكي بلكي الحية لسعتك ومتتي :? ( الله لا يقدر )
لازم اتصرف بس شلون ( نيسو فكرت تنادي حدى من الجيران ليجي يقتل الحية ) بس بعدين قالت لحالها بعد ما استوعبت الموضوع ألا وهو : وجود حية في الغرفة وبعد ما استعادت نفسها المضطرب من الصدمة ...
ليش انا ما أقتلها واتخلص منها .. لك والله هاي بطولة عظيمة اذا قتلتها انا بكرة كلهم راح يحكو عن بطولتي وراح يفتخروا فيني ( لك نيسو شو هالأفكار .. عم تفكري تعملي بطولات باخر هالعمر لك زمن البطولات ولى وما حدى فاضي بهالايام يبلي حالو بالبطولات ليه )
نيسو رجعت عم ترتجف من الخوف وطلعت عند الباب لتشوف شي حدى يساعدها .. ودخل ابن اختها الغرفة المحظورة وطلع وهو حامل هالحية السوداء الكبيرة ولما نيسو شافتو كانت راح يغمى عليها .. وأبن اختها يقول : خالة هالحية عمي اشترالي ياها حلوة مو هيك ؟ نيسو عم تتبحلق فيو .. 8O اى حبيبي حلوة كتير هي حية صناعية مو هيك ؟؟ ( وعملت حالها وكأنها بتعرف أنو صناعية وانها ما بتخاف وعم تبتسم بصعوبة ..
أبن اختها قال اى هي صناعية بس بتبين وكانها حقيقية وعندي كمان عقرب صناعي وعندي وحش كبير وبيخوف ..
- اى تضرب انت وهيك ألعاب ( نيسو تمتمت هالحكي لحالها ) وهي راحت وعم تضحك على حالها وكانو اصابتها خيبة امل لانها كانت حابة تعمل بطولة :D وما ظبطت معها ....
- خالة بتخافي من الأفاعي ؟؟؟
- لا حبيبي ما بخاف منهم ليش في حدى بيخاف من الأفاعي ..
قال بطولة قال ..
ههههههههه والله بظن صوتك ما طلع من الخوف مو من شي تاني
على كل الله يطعمك شي ضبع تسويه نصين متل أسعد ونفتخر فيكي
الله هالله نيسانوو عم تصارع الملل بالبطولات الفانصو.... :wink:
بس عنجد موقف لا تحسدين عليه....تعيشي وتآكلي غيرها....بس من ناحية معك حق...مو معقول الواحد يشوف حيّة ويروح أول شي يتأكد من أنها حقيقية ولاّ بلاستيكية بكون الضرب ضرب ويلّي هرب هرب.... برافو ....مبيّن أنت مالك قليلة ....بتحسبيها منيح....
بس عنجد زعلت عليك وعلى موقفة قدّام أبن أختك.... :wink:
شكراً جزيلاً ....عندّك روح الفكاهة وبصورة جميلة كمان....الله يهنيك ...
سباس .......نيسّانووو................؟؟!!........ :wink:
ههههههههههههههههههههههه نيسو حلوة كتير......
يارب تعيشي وتاكلي غيرها كتيررررررر :lol: :lol: :lol: :lol: :lol: :lol:
مو مشان شي ... بس مشان تفرحينا :mrgreen: :mrgreen: :mrgreen:
على كل الله يطعمك شي ضبع تسويه نصين متل أسعد ونفتخر فيكي
حاحو حاحو...... :lol: :lol: :lol: :lol:
- خالة بتخافي من الأفاعي ؟؟؟
أعوذ بالله..... :mrgreen:
الأفاعي بتخاف من خالتك حبيبي :oops: :oops:
الله يسامحك حية قدام عينك وعم تفكري تعملي بطولات
متل ماقلتي زمن البطولات ولى و اصحاب البطولات ماضل منهم شي
بس متل ماقالو الزملاء عن جد تعيشي وتاكلي غيرها
بس بتعرفي بخاف شي يوم تشوفي شي حية حقيقية
وما بقى تهتمي من هاد المقلب الي اكلتيه ...
الله يطعمك شي بطولة بعيد عن الحيايا و العقارب
شكرا نيسان فرحتينا و ضحكتينا كتير
افين ديرك
:mrgreen: :mrgreen: :mrgreen:
ضحكتيني من صمصومة قلبي ما كان احسنلك انك تلتهي بالمجلة 8)
كويس انك ما شفتي العقرب او الوحش الكبير...وقتها شو كان صار فيكي..
ال نيسو تخاف من حية فصعونة شو هالحكي :!: :mrgreen:
موقف لا تحسدين عليه نيسان
بس البطولة تحتاج منا المغامرة :wink:
دمتم بخير...
ولي اي لو انا كنت وقعت بارضي بلا بطولات بلا مغامرات
بجد موقف لا تحسدين عليه
بطل بطل .... :D
didar19,
هلا ديدار ...
وي معقول انا كنت بطلة من غير ما حس :roll:
اذا هيك كلما تشوفي حية ناديلي وانا راح اعملها اللازم :mrgreen:
وان شالله ما تشوفي الا كل شي حلو بحياتك مو متل حكايتي :?
شكرا عزيزتي لمرورك ...
shergo bejo,
صباحك سعيد شيركو ...
ضبع 8O 8O ولي على قلبي راح تجيبو أخرتي يعني ...
أسعد رجع وهو عايش بعد ما عمل بطولتو ولكن كل قطعة منو بمكان :mrgreen:
قولتك راح ارجع عايشة .... :?
حلو تشبيهك كتير عزيزي شيركو ... أسعدني مرورك
rojava,
هلا بالعزيز أبو الروج ...
قولتك حسبتها منيح ما ؟ يعني بينشد الظهر فيني :!:
وبنفع لبطولات اعظم بالمستقبل :wink:
اى موقفي قدام ابن أختي كان موقف كتير بريء حسيت حالي طفلة
قال يعني ما كنت بخاف ...
شكرا لمروك الجميل روج آفا ...
عاشق كردستان,
يسعد صباحك عاشق ...
شايفتك فرحان كتير من الي صار معي :evil:
على كل الا ما توقع شي يوم بهيك موقف وراح نكشفك
والا ما أسرق هديك الحية من ابن اختي :wink: وبكرة بتشوف
مرورك كالعادة يسعد الجميع عزيزي .. شكرا لك
افين ديرك,
هلا بالغاالية أفين ..
اى صحيح زمن البطولات ولى ... بس مافي حدى أحسن من حدى
بضل بطولتي افضل من بطولات الأحذية بهالأيام 8O
بس شو بكم كلياتكم عن تدعو علي لكل غيرها :cry:
بس صدقوني حتى لو أشوف حية حقيقية ما بقى اخاف
صارت عندنا خبرة ولو :mrgreen:
مرورك كأسمك جميل وأنيق شكرا لك عزيزتي ..
shaveen_shvan,
هلا بالغالية ...
ان شالله أيامك كلها ضحك وفرح
حبيتي انا ما بقى بتفرق معي لا وحش ولا عقربة :wink:
صرت بطلة حقيقية ...
شكرا لمرورك الممتع كالعادة
Serbst,
هلا اخي سربست ...
بيني وبينك مافي احلى من المغامرات
هاد اذا كنا نملك من الجرئة ما تكفينا ..
شكرا لك عزيزي على مغامرتك وي قصدي مرورك الجميل :wink:
JANEE,
الله يطعمك شي بطولة فريدة من نوعها :wink:
مشان تبطلي تخافي وتنضمي لقريقي .. ونصير نعمل بطولات مع بعض
عزيزتي جانى شكرا لك ولمرورك الحلو ..
Roja
,
وي هلا بالغاالية روجا ...
الظاهر عجبتك البطولة انت معزومة على بطولة لسة احلى شو رأيك :mrgreen:
اسعدني مرورك اللطيف ...
شكرا للجميع ..
ممكن أعرف أنت ليش هيك دمك خفيف نيسانو :wink:
خليتيني أضحك من صماصيم قلبي (نادراً ما أضحك ) 8)
نيسان عيوني لا بقى تزوري بيت أختك ... أحسن ما تشوفي عقرب حقيقي و تفكريه صناعي و تقومي تحمليه ( لاسمح الله ) :mrgreen:
بانتظار المزيد من بطولاتك الفاشلة :lol: :lol: :lol:
انا اول شي فكرت انو العقربة ماتت بارضها لانها اكيد اترعبت من شوفتك :D :wink: بس طلعت صناعية يلا عقبال الحقيقية ان شاء الله ويطلع اسمك بالجرايد (بطلة من هذا الزمان )تقتل حية بدون ان تمسها
شكرا نيسان بالفعل تستحقين لقب البطلة بدون قتل الحية لان هذا الموضوع الجميل اجمل من بطولة بحد ذاتها
Nidal,
يا هلا بالعزيز نضال ...
الله يجعل كل ايامك ضحك وسرور
بس متل ما بتعرف نضال صارت عندي خبرة وما بقى اخاف حتى لو شفت واحد حقيقي :mrgreen: راح احملو والعب معو كمان 8O ولي ...
اسعدني مرورك عزيزي .. وان شالله قريبا ترى بطولات حقيقية من نيسو
شكرا لمرورك الجميل ..
lewend21,
هلا بك عزيزي لوند ...
ليش لترتعب مني الحية 8O 8O وي :(
لا انا خلصت دوري بالبطولات والدور عليكم
والله يطعمك شي بطولة عظيمة مو بس نشوفك بالجرائد
وعلى الفضائيات كمان 8)
مرورك اسعدني شكرا لك عزيزي ..
اي بس مو متل ما صار بمشهور حمدان بالمرايا
كان كل صبح يفيق ويقول انا حلمت انو انا صرت اشهر واحد واسمي مطروش بالجرايد طرش
وفعلا تحقق حلمو وصار مشهور كتير وسيرة بكل الجرايد
بس على الشكل التالي ( مشهور حمدان من ضحايا البلدية )
اي المسكين وقع بمجرور صرف صحي كانت غطاها مفتوحة
شكرا نيسان
´´´´´´´´´´´´´´´´´´´´´´´´´´´´´´´´´´´´´
```````````````\\\///// ´´´´´´´´´´´´´
``````````````/`_``_`\ ´´´´´´´´´´´´´´
`````````````(|`(.)`(.)`|) ´´´´´´´´´´
_________.OOOo_ (`)_ _oOOO.______________
|```````´´´´´´``````````````````````´´´´|
|´´مع احترامي الك بس قصة مملة للغاية.........´´´´´|
|´´´´´´´´´´´´´´´´´´´´´´´´´´´´´´´´´´´´´´´|
|´وهالردود كلها مو من قلبهااااااا اظن انو سايرت قصتك...ا
...................................................................´´´´´´|
|´´´´´´´´´´´´´´´´´´´´´´´´´´´´´´´´´´´````|
|´´´´´´´´انا استمتعت بالردود اكتر من قصتك
............................ ................................زز´´´´´´´´|
|´´´´´´´´´´´´´´´´´´´´´´´´´´´´´´´´´´´´´´´|
|´´´´´´´´´´bas nadna xya kern!!........´´´´´´´´´|
|´´´´´´´´´´´´´´´´´´´´´´´´´´´´´´´´´´´´´´´|
|________oooO___________________________|
``````` `(```)````````Oooo```````````´´´´
``````````\`(`````````(```) ```
ههههههههههههههههه
شو ليش ضل مجال لتفكري لو أنا مكانك لوقعت بمحلي
ورحت فيها ..... :mrgreen:
بس طلعتي بطلة بدون ما تحسي على حالك نيسو...
:wink: