الحليب...
الساعة هلا 10مساء.. اختي عم تلاعب بنت اختي الحلوة بالكراتين والليغو عم يضربوا بعض طبعا انا ما سلمت من الضربات........
والمروحة مشغلة ...هوا رايح ..هوا راجع..الجو شوب فطيسة..
تذكرت ايامي بالمدينة الجامعية كيف كنا نام ونفيق وندرس بهيك جو..ايام حلوة ...
وبصغر عقل بنت اختي وبرائتها كنا انا وصديقتي هيك..ما في شي كان يخطر ببالنا الا كنا نعمله.. زي الصغار..
يعني مرة لما رجعت صاحبتي من عند اهلها العايشين بالرقة جابت معها سطل حليب ..قلتلها شو بدنا نعمل بالحليب؟؟ انا ما بحبو كتيير؟فحكت :يالله بنعمل منه لبنة..حطينا الحليب بالطنجرة,وفنجان لبن عحسب ما بتذكر وسخناه عالغاز وبعدين غطيناه لتاني يوم ..
الصبحيات شفنا الطنجرة وشو لبن طلع طيب,,قلتالها: تعي نعمل منها لبنه؟
عجبتها الفكرة طيب وين بدنا نحطو ولازم يتعلق مشان ينزل منه المي؟
قلتلها مو مشكلة عندي الحل..
روحت جبت غطاء مخدتي ما عم بستعملوا وغسلتها وغليتها ونشفتها..حطينا اللبن فيها.طيب وين يا شاطرة بدنا نعلقوا؟؟؟
فكري يا شفين..فكري
اه شو رايك نعلقوا عمنشر الشباك؟
فحكت:شو 8O
قلتها:اعطيني اياه.وربطوا كويس..بس شو كان منظر الطلاب الي بقعدوا تحت شباكنا بضحك :mrgreen: ..كانت اللبن تنقط عليهم نقطة...نقطة واحنا نضحك..
وبنات الجناح بيسألوا:يعني ما لاقيتوا غير هدا المكاااااان :lol:
بس شو طلعت كتييير طيبة..وقدرنا نعمل من الحليب زبدة كمااان....
ذكريات حلوة...
:wink:
دايمن يذهب كل شي ولا يبقا غير
بعض الذكريات التى نعيش على نورها
شكراً شفين...
عزيزتيbakki ماكان وقتها عندنا امكانيات نعمل الجبنة بس لو كنا نعرف كيف بتنعمل صدقيني كنا سويناها :wink: ترى هاي شغلة كتير بسيطة من الي كنا نعملوه شو كنا اشقياء كتير وقتها ما كان همنا غير الدراسة والتفكير والتدبير بالمقالب :twisted:
وشكرا لك اخي Serbst عمرورك .......
فعلا الانسان يعيش عالذكرى..
و سيكون النا حتما ذكريات في الزمن القادم ايضا ......
هههههههههههههههههههههه اي شو ذكرك بها الذكريات
ليش ماساويتو جبنة ههههه