مرجلة .......؟؟؟
في احد الصباحات الشتوية كنت كما عادتي متاخرة عن دوام المعهد بنصف ساعة....
ركبت السرفيس وكان في المقعد الي وراي شاب وصبية (يبدو انهما حبيبان ) والمقعد يلي جنبون فاضي وقف السرفيس مشان يطلعوا بنتين كانوا عالموقف قام المعاون قال للشاب قوم اطلع من قدام مشان البنات يطلعوا جنب بعض ... .
قام الشاب انزعج وقالوا شو شايفني ابن شارع لحدا تخف البنت تعقد جنبي ولا ماعندي اخوات بنات ولا بحياتي موشايف بنات وموشايف حضرتك انو معي بنت لعمة ...والله البنت يلي كانت عالموقف كمان كانت اخت رجال طلعت قعدت جنب الشاب وقالتو ابداً عادي اقعد جنبك شو فيها . .
ان عجبني الموقف كتير ..يعني ليش دائماً بخوفوا البنت من الشاب المحترم بيضل محترم وين ا كان .....(صح )
المهم وصلت على قاعتي بعد اكتر من نص ساعة تأخير (بحكم العادة ) والله ماكان في ولا مقعد فاضي كلون قاعدين 3 تلاتة كان في اول مقعد بس قاعد فيه احد زملائنا الشباب ....
قمت قعدت جنبو (عادي )
كانت حصة عربي ولي على استاذ العربي شو معقد ..قالي : وقفي يا أنسة قومي من عند الشاب ( هون شو تذكرت الموقف يلي صار لصبح )
وبلا طول سيرة كريت الشريط من اولو( شو شايفنا جايين من الشارع ..شو مفكرنا بحياتنا مو شايفين شباب.....واذا ماعندكون ثقة فينا ليش دمجتونا مع الشباب ..) والله الشاب يلي جنبي كمان ماقصر (تمرجل .) الاستاذ سكت المسكين علق علقة الها اول ما ألها اخر ..
قعدت ..قال تفضلي يا انسة على التسميع (مذاكرة شفهية ) ولي انو مذاكرة ..صحيح نسيت مبارح اخر حصة فركتها عالبيت ..(حصة عربي ) اكيد حددلون مبارح المذاكرة ..وقفت وانا موحافظة .. ...واخدت صفر ..والشاب المسكين كمان اكلها . ....(صفر لانو مو حافظ )
وهيك بس حدا يخطرلوا يتمرجل (يحفظ المذاكرة وبعدين )
"إنّما الأعمال بالنيّات و لكل امرءٍ ما نوى"
تقاليد لا تقال باعتقادي إلا بثوراتٍ روحية
المهم انو جيلنا عم يتمرجل
بكرا الجيل ياللي بعدنا ما رح يعرف هالشي ابدا
وشوي شوي رح نخلص من هالحكي
اكيد را ح نخلص من هالحكي ....بس ياترى الافكار راح نخلص منها ....كمان
حلو كثير
بينتي من خلال هل المواقف المختلفة كيف الانشان بيفكر وكيف تختلف طرق التفكير عند الاخرين على الرغم من وجود العوامل داتها
شكرا peti,
برأيك أيمت بلشت البنت تخجل من الشب والعكس غير لما وصلنا للمرحلة الإعدادية وفصلونا عن بعض مع العلم قبلها بكم شهر كنا لسا بمقعد واحد وعم نلعب مع بعض بدون ما نفكر بس بالإعدادي بس فصلونا صار عنا إحساس يا ترى ليش ؟؟ معناتها لازم ما نعود نحكي مع شب ولازم ما نسلم فـ شلون أنك تقعدي بجنبو ...
تقاليد ولازم نلغيها لأن مواقفها محرجة جدا والغلط ما بلش من عنا ولا من العيلة على فكرة :|
iأنا كنت متفق معكم إنو الشي الي سواه عامل الشركي غلط بس هذا كان رأيي قبل شهرين لأنو قبل شهرين ركبنا الباص أنا وزميلتي في الدراسة مشان نرجع لقامشلو جاءت بنت وكانت ستتطر للجلوس بين رجلين على المقعد الفردي فطلب مني الكاتب بكل لباقة أن تجلس مكاني ففعلت ما طلبه مني كاتب الشركة
أنا قمت من هون وأخوها ركب الباص من هنيك طبعا بقصد أخو زميلتي ألي خبرتني زميلتي بعدين إنو مستحيل كان يقبل جلوسي بجنبها بأي صفة كانت
ومشان هيك ما بعرف أقول غير الله يعطيه العافي
طبعا أنا قلت لحتى قبل شهرين على سبيل المزاح لأنو فعلا تصرف الكاتب فيه تخلف وأيضا تفكير أخو زميلتي أكتر تخلف لأنو بحياتو الجامعيي أكيد قعد مع بنات كتيرين
بس شو بدنا نعمل العالم وصلو للقمر ونحن ليسا بنقول شب وبنت هذا يحق وذاك لا يصلح أنا مستحيل أغلط بس أنت أكيد راح تغلط
بتشكرك كتير peti موقف طريف وأخر مؤلم
شكرا لتقبلكون لموقفي .......
بصراحة كتير احيان بنكون بهيك موقف .. ومشان تفادي هيك شي بقعد بآخر كرسي .. وعالزاوية عند الشباك.. , :mrgreen: