روني علي : Kaniya bê serî Ji sere kaniyê re

    • 2012-11-30

    Koçberên evînê
    Li welatekî tazî
    Heyameke dûman girtî
    Bi sirûdên goristanan
    Di nav laşên bê deng re
    Hawara topên azadîxwaz
    Û kavilên kolanan de
    Bi lez û gez

     
    Gavên azadiyê
    Ristin û hûnandin
     
    Siloganên di gewriyên ziwa de
    Bi dergûşa hembêzê re
    Holka dilekî xemkêş
    Dahola şadîmaneke pingirî
    Û keziyên buhareke wenda
    Di tûrê penaberiyê de
    Bûne nişteciyê
    Dîwarekî sar
    Mazûbanekî lal
    Û zemîneke bê ziman
     
    Gerdenê bûkeke bextewer
    Di gustîlka zavayê şoreşger de
    Bi talîzoka guleyên rikberan re
    Di mila hêviyên tengijî
    Baskên çivîkên perpitî 
    Lêvên zarokên bê nav 
    Û hinavên sînorekî dorbêçkirî de
    Şoreşeke avis
    Hejand … kiland … rijand
    Û kujarekî aştîxwaz ber avêt
     
    Dijminekî dost
    Dostekî dijmin
    Li ser pira dijminekî hovane
    Sîbera talana omîdan
    Di memikên serhildaneke piştxûz de
    Welatek xem sar kir
    Zeviyên mezobotamya 
    Di giyanê "Miş,elê" serwer de
    Sorgulên nû jiyanê 
    Derkirin û binav kirin
     
     
     
     

    روني علي


    ارسل تعليق

    محتويات هذا الحقل سرية ولن تظهر للآخرين.