روني علي : Xetîra şoreşeke bê nav Ji miş,el temo re

    • 2012-11-30

    Çivîkên şareza
    Li ser 
    Landika dergûşekî
    Hêlûna civateke şerpeze
    Bi govdeyê " Bo IZÊZÎ"

     

    Û xemla "Xetîra min"
    Hûnand … 
    Rist ..
    Û xembar kir
     

    Peyama xewnên razayî
    Bi guleyên nerm û germ
    Hestên dîlbereke dilşikestî
    Mendalekî li sere çateriyan
    Şoreşgerekî bê name
    Di binê bîreke miçiqî de
    Tengijand
    Û bi xwîna "Xetîra min"
    Mişt û lal kir
     
    Berbûyên asoya dest bihene
    Di kolanên Qamişlo de
    Bûka çavkildayî
    Bi dabesta "Xetîra min"
    Li ser taca padîşahê wêranê
    Bi siloganên
    " Xetîra azadiyê"
    Ji lavlavên belengazan re
    Xelat kirin
     
    Şemalên buhareke vemitî
    Fîxanên bilbilekî bêzar
     Ahînên jineke bê ber 
    Di sînga "Xetîra min" de
    Tîrêja envînekê bilind kir
    Sirûda nêrgiz û narînan
    Di devê dildaran de keland
    Qîrîna miletekî vejand
    "Xetîra min" namire … namire
     
     

    روني علي


    ارسل تعليق

    محتويات هذا الحقل سرية ولن تظهر للآخرين.