Narîn Omer : Reng û dengê te

    • 2016-11-10

    Nizanim ew rengê te bû
    bi nîgaşa min re kenî
    Nizim ew dengê te bû
    di bîroka min de jenî
          Delalê min  hevalê min 
          bêje va ev dil sekinî
     
    Ew ne xewne xewneroje
    hemî demaran disoje
    Him bihişte carna doje
    baxê xewna min diçinî
          delalê min hevalê min
          bêje va ev dil sekinî
     
    Emir bûrî l,te digerim
    nizanim bi kûve herim
    li erd û ezman dinerim
    tu li jorî yan li bin
           delalê min hevalê min
           bêje va ev dil sekinî

    نارين عمر