كان يوم رائع :

9 ردود [اخر رد]
صورة  جانوو's
User offline. Last seen 7 سنة 7 اسبوع ago. Offline
مشترك منذ تاريخ: 11/08/2007

السلام عليكم ورحمة الله وبركاته ...

كان يوم رائع ...حلو ...

كالعادة يوم الاربعاء الماضي تعشيت بكير ونمت متأخر ..

ويوم الخميس رحت عالشغل من دون فطور ...والظهر اكلت فواكه ..

عالاساس ابو النور زميلي بالسكن بينصرف بكير الساعة 2 ظهراً رح يعمل الغداء ...

فعلا انصرفت ورحت للبيت واخذت خبز من زهرة لبنان ..وصلت عالبيت عصافير بطني عم تزقزق ...

صاير حرب بين الامعاء ...

قبل ما افوت عالبيت انف ابو كلبشة عم يشم روائح من كم كيلو متر .

رائحة مقالي ..امممممم ...نفسي بالمقالي اليوم .

طلعت هيك ابو النور عالابتوب ..

الخيار مفروم ...بس من دون لبن ..والثوم مدقوق بجنب الخيار كمان .

رحت عالمطبخ ...نظيف ...لايوجد اثار لاي معركة ...لاي طبخة .

البراد مافي شيء ...

ابو النور شافني هيك ...حمل التلفون الو وينك ابو الريز ..تأخرت والله جوعتنا ...يالله بسرعة ,,

قلت بنفسي لكن ابو الريز جاي زيارة لعندنا وجايب معه الأكل ..

المهم عملت السلطة الخيار باللبن ..وكان في شوية طبخة من الأمس

جبت انقنق فيها ريثما يأتي ابو الريز ..اسكت هالامعاء .

افتح ياسمسم ابو الريز وصل .....وبدأت الزغاريد ..

ابو الريز وين الأكل ....اووووووووو ...ضرب على الجبين ..

والكلمة المعتادة نسيت ...

انا وقفت ...اجتني السكتة النص قلبية ..

وكانوا انا بأربعينية الشتاء وسكبوا علي سطل ماء بارد ..

قمت ولسا كان في شوية اكل من الطبخة بالصحن ..

مسكت الصحن قلت ماحدا يقرب ...تستاهلوا ..

وما شفت غير ابو النور قام وراح فتح الفرن وجاب صينية ...

يالله صينية بطاطا مع الفروج وبالفرن ...

يعني اكلة طيبة ..وبعدها مافي جلي  ابو النور كان عامل الواجب .

احلى زميل ابو النور ...

وبعدها وصلنا ابو الريز لمحطة الباصات عندو شغل بدبي ..

وعالطريق مطر ....يا الله عالمطر من زمان ما شفنا مطر هون ..

وزخات المطر يدغدغ سطح السياراة ...

مددت يدي من النافذة اخطف بعض الحبات قبل ان تصل الى الارض

 

وصلنا ابو الريز  ومن ثم رحنا اخذنا صديق اخر وعندنا موعد  مع صديق اخر باحد المقاهي ...

رحنا بما انو الدنيا مطر... المقهى زحمة ...

رحنا لمقهى اخر عالبحر ...زحمة كمان من الداخل ,,,

قعدنا بالخارج ...عالهواء الطلق ...وزخات مطر خفيفة تداعب خدودنا ..

تلامس خصلات شعرنا ...

حتى اذا اشتد نفتح المظلة على الطاولة ...

في غمار حديثنا قلت شباب يلزمني مبلغ من المال براس الشهر ضروري .

اخاف يتأخر الراتب ...

احدهما قال انت بس أأمر ...

اثنان منهم الاول قال انت بس تقرر تتزوج اديش بدك مليون بساعدك ..

والثاني قلي كمان مني  مليون ....

قلت يا شباب  طولوا بالكم ..

شو بدي اتزوج بنت السلطان ...لحتى احتاج لمليونين

بس هون فكرت شوي الصداقة حلوة ...وخاصة عندما تكون صادقة .

اغلب الاصدقاء ينكشف القناع عنهم عندما تحتاج اليهم ,,

هولاء الشباب مستعدون يعملوا اي شيء من اجل اصدقائهم ,,

كان يوم حلو ...

مطر بروعته ....

واصدقاء يثبتون دائما على اخلاصهم ,,,

طبعا طبخة طيبة ..بدون جلي

بعتذر منكم لاني اطلت الحديث ....

بس انتبهوا واحرصوا  دائما على صداقاتكم وفكروا الف مرة قبل ان تجرحوا اي صديق مخلص ...

اترككم برعاية الله وحفظه ...

واسف مرة اخرى ..

ـــــــــــــــ

بسم الله الرحمن الرحيم "و من يتق الله يجعل له مخرجاً ويرزقه من حيث لا يحتسب" صدق الله العظيم.

صورة  suzdil's
User offline. Last seen 8 سنة 34 اسبوع ago. Offline
مشترك منذ تاريخ: 10/11/2006

أدعي لربك جانوو أنوا كان في لسا شوية من أكلة مبارحة بالبراد

وإلا كنت رح تروح فيها( لا سمح الله ) 

يلا عادي أبو الجان هاي حال طلاب الجامعة

بس وين الأندومي غذاء الروح والجسد والجيبة الفاضية 

تعيش وتاكل غيرا جان 

نحن لا نكتب أهداءاً إلا للغرباء
أما الذين نحبهم فهم جزء من الكتاب وليسوا بحاجة إلى تواقيعاً في الصفحات

 

صورة  Nabil Yousif's
User offline. Last seen 2 سنة 27 اسبوع ago. Offline
مشترك منذ تاريخ: 10/08/2010

تحية طيبة أخي جانوو
فيها أشياء كتييييييير حلوة مثل
الصداقة
المطر
البحر
الطبخة
المقهى
وقعدة الأصدقاء
( قمت وكان لسا في شوية أكل من الطبخة بالصحن
مسكت الصحن وقلت ما حدا يقرب تستاهلوا )
فيها شوية قساوة بس قسوة المحب ممكن
كثر الله من أمثالكم وكثر من أحبابك

NY

صورة  jean's
User offline. Last seen 10 سنة 31 اسبوع ago. Offline
مشترك منذ تاريخ: 06/09/2010

مشكور على هذا الموضوع

صورة  sojye strinerm's
User offline. Last seen 3 سنة 19 اسبوع ago. Offline
مشترك منذ تاريخ: 12/01/2010

 بتذكر و أنا أكبر من هيك قبل ماخلص دراسة أبو شعبان

كان عندي عزيمة و قت الظهر .. قلتلو لكم واحد صاحبي تعالوا أتغدوا عندي

قالو معليش .. أيش راح تساويلنا قلتلهم خليها مفاجأة

و بالفعل كانت مفاجأة

كان كيلو الخيار و قتها صار ب 40 ليرة و ما حسنت أساوي زلطة فكرت فلافل

بس الجماعة معزومين مايصير

رحت أشتري شوية رز أبو أنس كويس و ما عليه قشرة

بالطريق كان في مطر خفيف .. و شلت المظلة و بدأت اسمع النقر تك تك تك تك 

بالبداية كان خفيف شوي شوي 

بعدين صار متل المطر تك تك تك تك تك تك سريع .. الله و كيلك فكرت الشمسية تصير كلا مي

كويس كان معي شمسية

بس شو يا شباب ... و الله يوم غير شي

رجعت علبيت و جبت كيلوين بطاطا و نسيت الرز

كنت ناوي ساويلون ماما غنوج ( أصلها بابا بس ما بتنبلع معي بابا مع غنوج ايش جاب لجاب )

المهم آسف يا شباب على طولة السيرة

و هيك حضرتلون شوية مامونية مع باقة كزبرة رهيبة

بس ما خلصت المفاجأة .... هنين فاجأوني و تلفنولي و قالولي .. 

في مطر كتير ما بدنا نجي أبو الزوز

طار عقلي ... بس بعدين لما شفت المطر فكرت

مطر و بطاطا و مامونية .. رز و تك تك تك تك تك

و قعدت أكلت البطاطا لوحدي .....

يوم رائع

.................................. سلاما" سلاما"

stiryê min diyarîne jibo ê jiwan hezdikim

صورة  hiam's
User offline. Last seen 5 سنة 39 اسبوع ago. Offline
مشترك منذ تاريخ: 18/08/2007

فعلا أجمل ما في الحياة الصداقة وأحزن كثيرا من لم يكن لديه أصدقاء

الاصدقاء بلسم الروح وتحلو الحياة معهم ونراهم في اصعب الاوقات

تحية لك ولاصدقائك ربي يجعلها دائما للأبد ................

صورة  Derya1988's
User offline. Last seen 9 سنة 12 اسبوع ago. Offline
مشترك منذ تاريخ: 24/07/2009

والله ذكرتني بقعداتي مع رفقاتي ياجانو 

أحلى الأيام هي اللي بقضيها مع رفقاتي

أحييت فيني مشاعر حلوة

بدون مبالغة يومك بجد رائع خاصة مع الطبخ الطيب والأهم بدون جلي...

لكي تحافظ على أحترامك لنفسك من الأفضل أن تزعج الناس بفعل ما تعرف أنه الصواب على أن ترضيهم بفعل ما تعرف أنه الخطأ.....

User offline. Last seen 10 سنة 27 اسبوع ago. Offline
مشترك منذ تاريخ: 06/10/2010

على سيرة الصحون  أوووووووووووووووووووف

حظي بالسكن كان هالسنة الجلي علي وكل عادة الجلي بضل  لليوم التاني بس الله ما نسينا وبعتلي أحلى صديق سردارو ألي كتير من المرات عم يجلي الصحون بدالي بتشكروووو كتييييييييير

ااااااااااااخ من الصحون والجلي بدنا نجيب جاهز متلك اخ جانوو بس المشكلي ما بتوفي

صورة  جانوو's
User offline. Last seen 7 سنة 7 اسبوع ago. Offline
مشترك منذ تاريخ: 11/08/2007

السلام عليكم من جديد ...

نعم يا أخوتي الصداقة شيء رائع ...

رح احكي يومية الاثنين الماضي ايضا ...

زميلي بالسكن صارلوا ثلاث سنين مش رايح لسورية ...مشان الجيش طبعا ..

فقرر يجيب الوالدة والخال زيارة لهون ...

وبما ان اقامته الجديدة لم تطلع بعد ..

فقلي شو جانوو بتجيبهم على كفالتك قلنا مو مشكلة ...اي خذ صورة من جواز السفر وروح ..

لان مكتب السياحة موجود حصرا بالشارقة...يعني مشوار ..

قلي لا بدك تكون موجود هنيك مشان توقع ..

كمان صديقنا الاخر كان جايب ابن عمه زيارة من فترة ولقى شغل ورح لسورية كمان بدو يجي يوم الاثنين ..اذا عالاساس رايح معنا ...

يوم الاثنين اتفقنا ساعة 12 ظهرا ننطلق ..

ساعة 12 رحت للبيت مافي حدا ...زميلي اجا قبل الوحدة بشوي ...شو وين صديقنا قال والله مارح يقدر يجي ليش ..

قال مبلغ التأمين عند شركة السياحة فينا  نستلم بموجب ورقة موقعة منه ...اي والتاشيرة الاصلية مشان ابن عمه الي جاي اليوم اربعة الا ربع ..قال انتم بتحطوا التأتشيرة وبتجيبوا الشب ..قلت لحالي هاد مخطط صهيوني ..احنا شغلنا بيمشي الحال المسى ,,رايحين مشان ابن عمه ...يالله مو مشكلة ..

اي شريك ننطلق قال يالله ..بس جانوو رح نروح بسيارتك لانو سيارتي مافيها سالك ..

وسالك هي بطاقة فيها  دراهم لان شوارع دبي بالدراهم ..واذا مافي هالبطاقة بتجي مخالفة ..

المهم انطلقنا ..اي نسيت كمان اقول لسا ما فطرت كمان يعني على لحم بطني كالعادة ..

وصلنا الشارقة 2.30 تقريبا وندور عالمكتب شريكي ضيع ..ويقلي روح هيك وروح هيك ..

من الشارع هاد ؟؟؟

لا هاااد ؟؟؟

تقريبا ساعة ونص وندور  وبعد ما استنجد باحد الشباب بالتلفون ..وصلنا عالمكتب ..

خلصنا الشغل ودفعنا تأمين ..واخذنا تأمين صديقنا ..اوووف الساعة اربعة الا ربع يعني موعد وصول الطيارة ..

محل ما ركنت السيارة كان في مخبز باكستاني ..الخبز  الباكستاني شيء رائع قلنا بالطلعة ناخذ رغيف بينما نتغذى ..

طلعنا شفنا الباكستاني سكر المحل  شو وين.. حرك براسه يمين ..يسار ..والله مافي...

يالله نلحق بالمطار ....وصلنا المطار حطينا التاشيرة بحالة مستعجلة ..وانتظرنا امام باب القادمين ..

ومافينا نتحرك ..وهلا يجي ..وهلا يبين ,,,هيك لساعة وشوي كمان ..

صارت الساعة بعد الخامسة ...انا كان في شوية عقل طار ...

ركبنا بالسيارة ...شو شباب ..شريكي قال عالطريق في القرية العالمية بدبي..

والقرية العالمية فيها اجنحة من كل الدول تقريبا وكبيرة ..قال نروح لهنيك وفي شب  معارفنا منظم هنيك  بالجناح السوري بنأكل هنيك ..يالله ..وصلنا لهنيك ..

وعم اقول لنفسي اجا الفرج ..ياشباب شو مكتوب هنيك ...

يوم الاثنين للعائلات فقط ...

رحنا لعند صبية فلبينية  عم تبيع تذاكر ..شو دبريها قالت خلاص روح شفلك شيء صبية وادخل معها ...المهم قلنا بلاها ..بناكل عالطريق بشيء محطة بترول ..

على سيرة بترول  السيارة الضوء عندي شغال ..يعني خايف ما يوصلنا للمحطة ..

بسرع شوي الشباب يقولوا فوق 120 بيصرف اكثر ...هههه

قلت اذا توقفت عالطريق وبالليل ماحدا رح يتوقف ويساعد ..رح تدفشوا للمحطة ..

المهم وصلنا للمحطة ..شريكي قال والله هالاكل الجاهز ..كنتاكي ..وما شابه مارح تشبع اي ؟؟قال نروح للديار بناكل بشيء مطعم ..

اخذنا شوكلا ساخنة وانطلقنا من جديد ؟؟؟

بترول في مابعرف باي سرعة ماشي ...اقول للسيارات التي امامي ابتعدوا جانوو قادم ..

وصلنا للمنطقة الي ساكن فيها صديقي قال بالمنطقة الفلانية في مطعم للمندي ..

يعني اكلة خليجية بس طيبة رز ..ولحمة ..

رحنا ..وصلت لهنيك ..مشان الله ثلاث وجبات بسرعة...

اجت الوجبة ماشالله يعني صينية مليئة بالرز واللحم ..كتير..

لأول مرة شفت ان المعلقة ما عاد توفي ..

فقمت اكلت متل الخليجيين باليد اليمنى ..,

وتوتي توتي خلصت اليومية

 

ـــــــــــــــ

بسم الله الرحمن الرحيم "و من يتق الله يجعل له مخرجاً ويرزقه من حيث لا يحتسب" صدق الله العظيم.

صورة  AZAD_NO's
User offline. Last seen 10 سنة 27 اسبوع ago. Offline
مشترك منذ تاريخ: 22/12/2010

شكراً كتيررررررررر يا أخي عل موضوع عن جد بتذكر بأيام حلوة عاشا الإنسان