كنت بزيارة عا بيت خالتي بالرميلان وكنا قاعدين عم نحكي وفجأ اقترحت بنت خالتي انو نعمل حفلة من دون مناسبة وكل الحلويات من صنع ايدينا بس ما كان عنا طريقة تحضير الحلويات ألي كنا مقررين نساويهون فقررنا احكي مع امي واخدت منها طريقة تحضير الحلويات ولي هنن(كنافة- بسبوسة - كاتو- بيتزا) بس للاسف طلع التلفون مفصول 8O (لأسباب مالية) فصار معنا احباط وقررنا نعمل( الجيلي) ونخلي الحلويات لبكرا نساويها بيوم الحفلة رحنا لعند الجيران وحكيت مع امي بلشنا نجهز المقادير بس طلع في عنا نقص بالخميرةوبلشنا نشحد وندق على كل الجيران يلي بالحارة لحتى لقينا خميرة فا فتنا انا وبنت خالتي الكبيرة(بكلوريا) والصغيرة(حادي عشر) عا المطبخ (والله يعين المطبخ علينا)وكنت انا عم حضر (عجينة البيتزا - بسبوسة - الكنافة)وبنت خالتي الكبيرة كانت عم بتحضر قالبين(كاتو) وبنت خالتي التانية كانت عم بتصورنا بالفيديو ابداعاتنا بالمطبخ و طبعا نحنا هي اول مرة بنعمل الحلويات بحياتنا وأكيد هلا عم تتخيلوا شو صار بالمطبخ وبعد شي ساعتين فاتت خالتي عل مطبخ 8O وعينكون ما تشوف البهدلة الي اكلناها من خالتي لانو المطبخ كان مقلوب فوقاني تحتاني(سرو بنو) وقالتلنا اذا ما حضرتو الحلويات (هون ايرو شارعي راظن)بس طبعا نحنا كنا واثقين من حالنا كتييييير.. 8) :lol: وانا قلت لخالتي رح تكون اطيب حلويات كلتيهون بحياتك يا خالتي
وكنا معزومين عل الغدا حطينا قالب الكاتو التاني بالفرن نبهنا ابن خالتي أنو يدير بالوا ما يحترق القالب الكاتو التاني
بعد ما أحترقت البسبوسة(بس مو كتير )ولما رجعنا كانت المفاجأة أنو القالب أحترق 8O (حظي بيس) بس نحنا ما استسلمنا وكملنا شغلنا وعملنا البيتزا وزينا الغرفة و جهزنا الطاولة بس نحنا للاحطياط ما عزمنا حدا إلا بعد ما نشوف حلوياتنا طيبة ولا لأ مو مشان شي بس مشان ما نتبهدل و نادينا ابن خالتي مشان يجرب الحلويات :? و يعطينا رأيوا أولشي أكل البسبوسة وقال البسبوسة تبعكون بيشبه كل شي إلا البسبوسة :cry: وبعدين أكل الكنافة وقال ياي شو طيبة وكبها بزبالة :( و قال يخرب بيتكون أنتو وهيك حلويات (كرت كرما نجي ام هتكين) وبعدين قررنا ما نعزم حدا ونكون لحالنا مو مشان شي بس ما كان بدنا يسير عجقا بالبيت :D (بيناتنا ما حبينا نتبهدل) وبعدين زينا قالب الكاتوالمحروق و التاني وطلع بالتصوير كتير حلو وبيشهي وحتفلنا ونبسطنا كتيروكل شي كان مصور من الاول حتى الاخر(هتكاندنا مزن ) بس رغم كل شي ما ستسلمنا ونبسطنا كتييير :wink: ..
.