يومي في نوروز ...
يومي مع نوروز
في الصباح فقتُ على أنغام نوروزية حيث الاغاني تعم المنزل ...
غسلنا وجهزنا حالنا وفطرنا .., وكل شي تمام الغراض جاهزين عم ينادوك يا آلان لتحملهم ولي يلا أمري لله مجبور بس مو غرض او تنين الله يعيني.. :(
المهم وصلنا الغراض محل السيارة والسيارة جاهزة ركبنا وطلعنا مع اغاني وتصفيق وليليليليليششش قلنا يلا بدنا نختصر الطريق من جندي المجهول اقصر من الربوة ..
ومرينا اول سيارة مرور مافي شي والتانية مبين عقلو اما التالتة ياستار السيارة العاديات بيمرو اما النوروزية يلا لفو على خط الرجعة المهم وقفنا لعلا وعسى عالتجمع رح يفتحولنا الطريق :x
مر5 دقائق صارو 50 سيارة نوروزية..
وراحت الوقفة على الفاضي :(
له ليش هيك.... شوية تانية رح نوصل معقول نرجع كل هالمسافة ..
مافي امل رجعونا .. :?
وصابني انزعاج ماصاير معي ابدا متلو وتحول فرحتنا لمأساة ورجعنا مع السيارات التانية
ورحنا من طريق تاني
بس اخرونا شي 1 ساعة راح يومنا كلوو
يلا الحمد لله مافي شي بهالطريق وهديت لما شفت هالسيارات كلها متجهة ورايحة تحتفل بنوروز وهني رافعين شعاراتهم ومزيني بلباسهم الكردي البعض منهم طبعا ... :)
يلا هانت رح نوصل .. بس شو هالعجقة ولي مسكرين هالطريق لازم ننزل من السيارة ونكمل مشي وعععوو كيف هيك 8O , يلا كل هالعالم عم تروح مشي خلينا نعمل متلهم شو بدنا نساوي
المهم مشينا والغراض معنا بالزور عم احملهم وضلينا شي ربع ساعة بالطريق ماشاء الله في عالم خير الله دورنا دورنا يلا هون رح نختار مكان القعدة
اعتمدنا وزبطنا القعدة وبعدين قلت خلينا نلاقي شي فرقة او منصة ياخودي ..
مشينا ودورنا مافي شي كل شوية عم نتجه لمكان صوت رقص بلكي هاد صوت الفرقة, اتجهنا لاولله مو فرقة عائلة جايبة معها ستيرو وحاطين هالبفل ياسلام مكيفين وعم يرقصو .. :D
المهم بالاخير لقينا فرقة بس مافي غير هالفرقة لانو الفرق الباقية مدري وين صفيو وهاي كمان الله اعلم كيف مخلينها ...
وتابعنا الفرقة شي ساعة
ورجعنا للمقر لنعمل الغدى يعني مشاوي والذي منو...
هوهوو ضروري المشاوي ونعبي حالنا ريحة دخان هيك ماعاد حدا يقرب علينا او يطلع .. :D
يلا مو مشكلة بساعد الشباب بس :wink:
وبعد ما تغدينا عملنا نفس اركيلة اووو.... مافي اطيب من اركيلة الانو ..
ومن كتر مو زابطة ماعاد شفنا الاركيلة كمان هههههههه
وبعدين اتصورنا هون وهون والصور بنوروز حلو كتير متل مابتعرفو ونزلت كم صورة بكولبلك كمان :wink:
وهيك خلص اليوم وما تهنينا فيها كتير
يلا بنظم السنة الجاية لسى الخير لقدام :)
وكل نوروز وانتم بخير احبتي
إلى اللقاء
الله يعنيك بس احلى من عندنا بكتير
اي نحن مافي ولا شجرة كلو طوز وعجاج (غبرة) :?
إنشاء الله النوروز الجاي يكون احلى
:wink: