تعوا لنتسلى بشي برنامج

7 ردود [اخر رد]
User offline. Last seen 14 سنة 35 اسبوع ago. Offline
مشترك منذ تاريخ: 27/10/2008

من يومين كنت تعبانة كتير وعم دور على شي ينسيني وجعي ويسليني قمت شغلت التلفزيون اول شي دورت على الاغاني
فما شفت إلا صريخ وعلى ياي و واو ودن دن ونانا فزاد وجعي على الاكتر فدورت على شي مسلسل مضحك وما لقيت إلا
إلا عم يعيدو مسلسل (نور ومهند ، لميس و يحيى ) فحطيت الجهاز ورحت شربت حبة مسكن ورجعت بحبش بهالقنوات
و بالاخير وقفت عند(lbc) وكانو ا عم يعملوا مقابلة مع دكتور يعني برنامج حول الصحة فقلت هاد احسن شي على
الاقل بكسب معلومات جديدة وبلا طول سير عليت الصوت مشان اسمع منيح ........
وما شفتلكون إلا عم اسمع شي غريب وعجيب من الدكتور لقلكون شو حكى :(نحن (بالستاتستيكس ) وجدنا ان (الفاينال رزلتس)
ماشية تجاه..... ما بعرف شو الكلمة بس بعرف انها انكليزية يمكن وبعدين سألتو المذيعة فجاوب الحئيئة ان المرضى
عم بيعانوا من (السور ثروت )و(الرني نوز) يمكن يكون عندن( ساينسايتس )وبيحتاجو (آنتي بيوتكس)؟؟؟!!!!
وانا هون حسيت بألم في أذني والدماغ وسرط عم اسمع وانا مسطولة ومنصدمة ومندهشة يعني كان ناقصني كاميرا لصير اخر نكتة

وبينما انا عم اسمع نصائح الدكتور وانا منهبلة تماما ومو فهمانة من وين عم يفوت ويطلع وما شفت إلا اخي الصغير
عم يضحك ويقول هههههههه
اختي الفهمانة عم تحضربرنامج انكليزي ولا شو مانو مترجم كمان لا يا اختي ما بصدق انت ما بتعرف مرحبا شو معناتو
بالانكليزي ( طبعا لأني فرنسي)بقى بدك تفهمي على هاد المطرب الانكليزي
وهون انا فرطت من الضحك وما حدا قدر ينسيني وجعي غير عفوية هاد الصغير يلي عمرو 11سنة
فشو رأيكون بهيك برنامج

User offline. Last seen 12 سنة 1 اسبوع ago. Offline
مشترك منذ تاريخ: 20/03/2008

حلـــــــــــــــــــــــــــــــــو متلك

User offline. Last seen 14 سنة 35 اسبوع ago. Offline
مشترك منذ تاريخ: 27/10/2008

لأ اذا انا متل هالبرنامج لكن ما بعرف راسي من رجلي

مشترك منذ تاريخ: 12/09/2006

سلامتك الف سلامة

يعني ما لقيتي غير التلفزيون كي تشفي

على العكس التلفزيون بيوجع الراس اكتر...

تحياتي...

ذكريات الزمن القادم...

User offline. Last seen 8 سنة 3 اسبوع ago. Offline
مشترك منذ تاريخ: 23/07/2008

ما إلك غير تروحي عالوادي عالمكان الهادي
حتى يطيب رأسك
مع تمنياتي بالشفاء العاجل وشي برنامج طبيعي بالهواء الطلق

User offline. Last seen 14 سنة 35 اسبوع ago. Offline
مشترك منذ تاريخ: 27/10/2008

ارمنج وسربست الله يسلمكون و

انشاء الله ما تطروا تتفرجوا لهيك برنامج

مشترك منذ تاريخ: 26/11/2008

لا و مو بس هيك .....
مرات عم يخلطوا الانكليزي بالفرنسي بالعربي
وتعالي افهمي شو عم يخبصوا
ولله صارت معي كتييييير وما عم يطلع بايدي الا اعصب
وازعج حالي بعد ين اذا زاد قهري بقلب على قناة تانية
مع انو وين ما تروحي ماراح يطلع بخلقتك الا اللبنانيين

افين ديرك .........كنت هنا زائرة

User offline. Last seen 14 سنة 35 اسبوع ago. Offline
مشترك منذ تاريخ: 27/10/2008

نورتي اختي العزيزة افين ديرك

وبصراحة اللبنانيين محتارين بأي لغة يحكو