Komîta Amadekar Ya Mehrecana Helbesta Kurdî Ya 21emîn Dest Bi Wergirtina Helbestan Dike

Komîta Amadekar Ya Mehrecana Helbesta Kurdî Ya 21emîn, piştî civîna xwe ya roja pêncşembê 29/9/2016 li Qamişlo , radigihîne ku wê dest bi pêşwazî û wergirtina helbestên helbestvanên dixwazin beşdariyê di Mehrecanê de bikin kiriye, û wê ew pêşwazî û wergirtina helbestan heta 20/10/2016 berdewam be.

Û Komîta Amadekar hêvî ji helbetvanên hêja dike ku berhemên xwe di dema destnîşankirî de bişînin, û wê çêtir be ku ew berhem ne pir dirêj bin, û dûrî nerînên tengrew bin, û astek bilind ji helbesta kurdî li Sûriyê re diyar bikin.

Hêjayî bîranînê ye ku wê berhem bên pêşwazîkirin û wergirtin li ser malpera Mehrecanê, her weha ji hêla endamên Komîta Amadekar, her yekî li devera ku lê ye.

Tê zanîn ku Komîta Amadekar ya Mehrecanê, komîtek serbixwe ye, armanca wê vejandin û pêşdebirina helbesta kurdî ye, û wê her xwe berdewam dîtiye di lidarxistina vê Mehrecanê de, tevî hemî astengiyên jê re dihatin danîn di salên stemkariyê de.

Komîta Amadekar Ya Mehrecana Helbesta Kurdî li Sûriyê

 

Lînkê malpera mehrecanê: