Burhan Hisso : CEGERXWÎN
2014-10-26
Ezim yê hûna helbesta kurdî
Li Ser dîrokê nemza xwe danî
Her Çiyakî kurd min kir helbestek
Min temen firot bi doz û xwestek
Min pênûsa xwe di Rokê dakir
Navê Kurdistan danî bi agir
Ji Heyva welat min anî Diwêt
Li bejna welat min digirtî pêt
Min serpêhatî, danî Kîme Ez
Min çand û av da devî û hem rez
Welatê xwe kir bûka Cîhanî
Şûrê Selaheddîn, berevanî
Xortên kurd kirin Kawa hesin kar
Qîrîna Dayka min,hat ji Hesar
Ça û Girên kurd,min tevde kolan
Ta vejînim ez, Dîroka kurdan
Qîryam bibin yak,yek dil û yek bîn
Ger belabin em,yek yek,bên dizîn
Ger xwendin nebî, ji bo welat Al
Em kwîr dimînin dikevin bin çal
Temenim bûrî,hewar bo ziman
Ziman mane lê ,bêyî wî neman
Parek nema ji,welat negeryam
Latek nema tê, neşikandî xam
Çayên Kurdistan,yek yek jimartin
Her Kurdek çiyak bo xwe parastin
Ez bûm hevalê, çi gelê bin dest
Hember setemê, sed pênûs şikest
Min rêz û silav,pakrewanên kurd
Leheng û nebez,berzîn û hem merd
Li ber serê wan, min pênûs çikand
Nêv axa goran,min helbest,diçand
Min sed gazin bir maldarên kurdan
Didan dujminan,mal bo me nedan
Min dilê yaran qet ji bîr nekir
Hunguvê lêvan,bi lêvan vekir
Cegerxwîn min sûnd,miletê xwebûm
Lewra Dîrokê bi nav û deng bûm
Yekbin, bistînin bo me serxwebûn
Hûnê dermankin,cegera bixûn
Yekbin, bistînin bo me serxwebûn
Hûnê dermankin,cegera bixûn
Burhan Hisso
22-10-2014-Amûdê