.....دواري زوري.....
دواري زوري.... بوابة القامشلي
كنت عائداً من الحسكة تجاه القامشلي ...
تواجدي في الحسكة و كالعادة سيكون لبعض الاجراءات الرسمية و التواقيع ...الخ.
و هذه المرة كانت من أجل اتمام بعض اجراءات السفر الى الخارج ....
على كل حال, عدت الى القامشلي بعد ان تنفست الصعداء بانهاء الروتين بهذا الجو الحار ....
حملت موبايلي عند وصولي الى << دوار زوري >> و ألتقطت هذه الصورة ...
شعور الغبطة ترافق ابناء القامشلي وهم يصلون الى بوابة القامشلي : ((دواري زوري)) .. وهم عائدون من جامعاتهم و سفرهم ... و من اي مكان بعيد ......
اخ طه
ممكن اعرف انه هاي الصورة حقيقية
ولا لا
لاني صارلي شي ثلات سنين ما زرت قامشلو
وما بتذكر انه كان في مثل هاي الكتابه
اسفة على السؤال بس بدي اتاكد
سباس
نعم حقيقية... تصميم جديد و ضخم ..يطلع طولها طول بولمان رجال اعمال ( هفال) .. رغم صغر حجمه بالصورة
قبل حوالي الشهر صورته وانا موجود بباص زانا
كان اخر صورة اصورها بالقامشلي ...
قبلها بيومين .. صورت و كذلك سجلت مقاطع فيديو لمباراة الجهاد وفزنا 1-0 بالقامشلي على معرة النعمان... قبل 4 ايام من سفري.....
لو كانو كتبو بدل قامشلي قامشلو كان تيكون احلى بكتيرررر
لان قامشلو اغلب سكانها اكراد
فكان لازم يعملوها قامشلو................لكن ان شالله ان غدا لناظرة لقريب و ان شالله تنقلب الياء للواو و تصير الوانها كالتالي
قامشلو
تحياتي
بصراحة طه انا دوار زوري ما بيذكرني غير بالحوادث و بالموت ,لاني بعرف كتير اشخاص ماتو بسبب حادث عند هالدوار من بينهون ابن خالي...من جهة تانية فعلا لما كنا طلاب و البولمان يصل لعند الدوار قلوبنا كانت تدق لانو قربنا من البيت..
Welcome to Qamishly.... Ramiosman, Jin and Naze
بالنسبة للحوادث اللي ذكرتها فراشة كوليل, نعم هذا صحيح , انا كذلك شاهدت و على طريق السفر حادثين بهذا المكان المرعب ( بين 2004 و 2006 ) ومنها بولمان القدموس والاخر نسيتها ... الله يرحم ابن خالك وجعل مثواه الجنة مع الشهداء و الصالحين...
طبعا 3 اعوام و قبلها الطريق كان ضيق و الدوار كان وعر و عبارة عن جورة واسعة ... و هطول الامطار او الصقيع و السرعة الزائدة والتهور و نعاس الشفيرية يساهم بتلك الحوادث...
بحمى الرحمن
صورت هذا المشهد بعد نوروز 2010 بـ 11 يوم
لاحظ صغر حجم العامل القريب من حرف القاف
وكذلك لاحظ صغر حجم جبالة الجمنتو ..حرف الياء تطلع اكبر منها
اووو اخت جين راح منك شغلات كتيرة ... قامشلو صايرة جنة ... ضمن جملة التنظيف وتزفيت الشوارع من اول وجديد ... وهاد غير العناية بكل الدوائر الموجودة بقامشلو ... والاوتوستراد وتخطيط الشوارع ... انا هون بس بدي اتمنى نحافظ ع هل مستوى من النظافة والرقي ...
زور سباس اخ طه ع الصورة ... وين اهل الحسكة خليهم يصورو دوارهم كمان حلو ...
تحياتي طه الغالي والعزيز..
يبدو أن آثار الغربة بدت تظهر على مشاركاتك.. أين أنت أيها الغريب الجديد مما نحن فيه وقد اقترب على غربتنا عقدان كاملان.. أمامك مشوار طويل.. وسوف تتعذب أكثر حين تتذكر معالم مدينتك ولا سيما مداخلها التي تشرح الصدور حين نقترب منها بالسنة مرة واحدة.. وتصيبنا بالكآبة والضيق حين نغادرها..
أسأل الله أن يجمع الشمل.. ويصلح الأحوال.. ويذهب عن منطقتنا القحط والفقر والحرمان.. ويبدل عسرها يسرًا عاجلاً غير آجل..
وتقبل تحياتي ..
متى سنرى علم كردستان يرفرف على سماء المنطقة
شو تعمل يا اخ طاها
ما نغدر نعمل شي غير انوا نقول الله كبير وراح يجي يوم وناخد كل حقوقنا باذن الله
بتشكرك على الموضوع تقبل مروري اخي ........ رامي
من يترك نفسه اسير الماضي يفقد المستقبل