مدير كوليلك الجديد ...

18 ردود [اخر رد]
User offline. Last seen 9 سنة 1 اسبوع ago. Offline
مشترك منذ تاريخ: 10/04/2007

التقيت بالعزيز سربست على الماسنجر وحكينا شوي وعجبتني روحو الممتعة وقلبو الطيب وحبيت انقل لكم هل الحديث اللي انتهى بتوليه ادارة كوليلك .... :wink: وارجو من ماس يتقبل الوضع الجديد ويسلم مفاتيح كوليلك للمدير الحالي ملك المستقبل سربست ....

طبعا نزلت الحديث مثل ما هو على طريقة العزيز عاشق بحواراته ,,,, :wink:

طباع هو كان حاطط على الماسنجر عبارة ( اسافر وحدي ملكا ) وصار الحديث التالي

كيفارا says
كيفك يا ملك


سربست says:

اهلا والله
سربست says:
شو يا حلو وينك

كيفارا says:
والله يا حلو انت الي رحت

سربست says:
والله معك


كيفارا says:
اي لكان احكيلي

سربست says:
عن الشرق الاوسط ولا النظام العالمي الجديد

كيفارا says:
عن وسط سربست ونظامة التفكيري


سربست says:
ههههههه

نظام عنكبوتي ما حد يفهم عليه
( اسافر وحدي ملكاً )

هههه

كيفارا says:
بحب الالغاز الصعبة

سربست says:
ازا حلها لحالك لغز سربست

كيفارا says:
اي اللي يكون ملك لما يكون لحالو بيكون لا شي بين الناس

سربست says:
صح

كيفارا says:
انت لا شي؟

سربست says:
بس انا اسافر وحد اي في مخيلتي

كيفارا says:
انت انسان وهمي وملك وهمي


سربست says:
صح
عندي ممكلة وهمية
وانا الملك

كيفارا says:
يعني باختصار
انت لا شي

سربست says:
لا انا شي

انا في الواقع شي وفي الخيال شي تاني

كيفارا says:
الشي هو من يعترف الناس باشيويته


سربست says:
بحياتو الملوك ما كانو ولا شي


كيفارا says:
الملوك اللي بالاوهام هن لا شي

سربست says:
غلطان

في وهم وفي خيال


كيفارا says:
طيب فسرلي كيف هل الشي

بالاول عرفلي الشي

ما هو الشي

؟

سربست says:
انا لما ابني ممكلة فاكيد بدي كون في ملك

الشي يختلف من شي الى اخر

كيفارا says:
اي

سربست says:
فيك تسمي كل شي بشي

كيفارا says:
ما هو الشي اللي هو بيختلف من شي لاخر

سربست says:
كل شي يختلف من شي الى اخر
حتى نحن شي

وغيرنا شي تاني

وهيك


كيفارا says:
اكيد كل شي الو طبيعة خاصة

انا بقصد شو هو الشي

؟

سربست says:
انت وانا

نحن شي

كيفارا says:
طيب

انا وانت

ممكن لغيرنا يدركو نا
ويثبت وجودو ؟؟

سربست says:
نحن وين ما كنا في نثبت حالنا

كيفارا says:
يعني نحن اشياء موجودة

؟

سربست says:
اكيد


كيفارا says:
يعني ان الاشياء هي ما هو موجود

؟

سربست says:
صح

انا قلت الك في وهم وفي خيال وفي واقع

كيفارا says:
طيب

الخيال اللي بتحكي عنو بانك ملك بخيالك
هل من الممكن ادراكو خارج نطاق تفكيرك

؟

يعني انا اقدر اشوف مملكتك ؟؟

وشوفك ملك بخيالك ؟

سربست says:
شوفي رحو

كيفارا says:
جاوبني رحو

سربست says:
شوف رحو كل واحد منا هو ملك في خياله

وكل واحد بيشوف خيالو وهو ملك فيه

وانا في خيالي ملك

كيفارا says:
طيب

بس انت بهل الحالة مو شي
لانه اتفقنا من البداية ان الاشياء موجودات وممكن لغيرنا يدركها مثلنا

سربست says:
بلى شي

مافي احد بيعرف شو في بي مخيالة التاني
نحن حياتنا مقسمة الى قسمين الخيال والواقع

بس سؤال

كيفارا says:
تفضل

سربست says:
انت بتتخيل ولا لا

او تحلم او لا

كيفارا says:
سؤالك حلو
بس مو شي

سربست says:
ههههههههههه

صديقي لما تفكر ف جواب سؤائلي رح تفهم شو هي ممكلتي

كيفارا says:
بمزح حبيبي

انا بحلم وبتخيل وبتامل

لكن هل الامور اللي بتخيلها هي اشياء موجودة

؟؟؟؟

سربست says:
لازم نحلم في االمستحيل

كيفارا says:
تمام بجوابك هذا بيكون قربنا من النهاية

شوف رحو

لازم تتخيل ضمن امكانياتك

سربست كوليلك says:
شو فائدت الحلم ازا كان نفس احلام الجميع

كيفارا says:
يعني كل انسان عندو امكانات

وطاقات ومواهب

انا ما اقدر اتخيل حالي رئيس لاميركا وانا مواطن سوري بيعيش على راتب بسيط او عاطل عن العمل

سربست says:
صح

بس هاد واقع

في الخيال انت تقدر

كيفارا says:
انا بقصد يا غالي انك تتخيل حالك بالشي اللي ممكن تقدر تحققو

يعني تتخيل انك نجحت بدراستك

وتتخيل تخرجت من كليتك بتفوق

وتتخيل انك توظفت بشركة مشهورة وراتبك ممتاز

وتتخيل انك بدات تاسس مشروع لحالك

الخ

كل هل الامور ايجابية اذا تخيلتها لانك ممكن تحققها
اما انك تصير ملك وانت في القحطانية ومالك شغلة الا تقعد على النت وتتصفح كوليلك وتتخيل حالك ملك ؟!!

سربست says:
مافي حدود للخيال

بس في حدود للواقع
الخيال غير شي


كيفارا says:
هذا بسميه لا شي حسب ما اتفقنا على تعريف الشي من البداية
حبيبي لازم تستفيد من خيالك كمان

يعني اذا استمريت بهل الخيال رح تتحول حياتك الى خيال وتنصدم بالواقع اللي انت فيه
تخيل حالك مشرف ناجح بواقعك

احسن من انك تكون مللك خيالي بخيالك



سربست says:
انا ما بنصدم بي الواقع

انا بعرف شو هو الواقع وشو هو الخيال

كيفارا says:
اذا بدك بنشيل ماس ونحطك مدير ناجح

سربست says:
هاد خيال

كيفارا says:
هلا صار انك تكون مدير بكوليلك خيال
وانك تكون ملك واقع
؟


سربست says:
في الخيال بقدر كون مدير
بس في الواقع ما بقدر

كيفارا says:
بلا تقدر تكون مدير بالواقع

بس ما تقدر تكون مللك

حسب الامكانيات اللي عندك حاليا

بالمستقبل ممكن

سربستsays:
بس في مدير لي كو ليك

كيفارا says:
اي لكن مو مستحيل توصل للادارة


سربست says:
هههههههه

رح نشوف

كيفارا says:
من يوم ورايح رح تتخيل انك مدير كوليلك

ما تتخيل انك ملك

؟

سربست says:
انا بحب الشعب اكتر


كيفارا says:
اي حب الشعب الكوليلكي

تمام يا سيادة المدير

؟

سربست says:
اي بحبو

كيفارا says:
يعني اتفقنا

؟

سربست says:
رح نشوف


كيفارا says:
يا حبيبي خليك مدير هلا وفكر بالملوكية بعدين

سربست says:
اي كويس

كيفارا says:

اهلين بسيادة المدير

سربستsays:
هلا فيك ايوها الوزير
بدي اعملك وزير

ههههههههه

كيفارا says:
ههههههههه
رحو مافي وزارة وانت مدير

قول مشرف

مجلس ادارة

ممكن

سربست says:
لا بدي اعمل وزرات مو انا المدير

كيفارا says:
اي اذا هيك مالي علاقة

انا جاهز لاي شي بدك ياه انت مديري هلا

سربست says:
اي بد اعمل انقيلب


كيفارا says:
شو هاي انقيلب

سربست says:
انقيلاب


كيفارا says:
ايوا

على مين

؟

سربست says:
على الخيال
مشان كون مدير

هههههههه

كيفارا says:
تمام


سربست says:
تعرف شو بيميز الفلسفة

كيفارا says:
انها مفتوجة للجميع انو يتفلسف وهو ما بيفهم شي بالفلسفة

سربست says:

لا

كيفارا says:
لكان ؟

سربست says:
كل واحد بشوف الاشياء من منظورو الخاص

انا بشوف الخيال بطريقة وانت بتشوفها بطريقة اخرة

وحديثنا هاد نوع من انواع الفلسفة

ههههههههه

كيفارا says:
هذا الشي تابع لقناعاتك
يعني تبادل قناعات

بس عجبتني فلسفتك

سربست says:
ههههههههه

سربست says:
اي رحو انا رايح بدك شي

كيفارا says:
سلامتك حبيبي
رح خبر ماس بالوضع الجديد مشان ما ينصدم


سربست says:

ههههههههههه
يالله سلام

بااااي

كيفارا says:
باي حبيبي

MAS
صورة  MAS's
User offline. Last seen 3 أيام 11 ساعات ago. Offline
مشترك منذ تاريخ: 14/02/2005

تم الامر , أصبح سربست (ملك كوليلك )

http://www.kulilk.com/kulilk/html/modules.php?name=Forums&file=profile&m...

و هي أعلى سلطة في الموقع

احييكم على روحكم المرحة

-----------------------------------------
B-Freee...
Change The Way Not The Goal

User offline. Last seen 2 سنة 39 اسبوع ago. Offline
مشترك منذ تاريخ: 17/05/2007

كيفارا اذا هيك بحوار وصار ملك معناتو ممكن تعمل معي شي حوار وتشوف احلامي :wink:
حوار جميل شكرا كيفارا وسربست
وشكرا ماس لتفاعلك مع الموضوع وتحقيق جزء بسيط من احلام سربست

User offline. Last seen 6 سنة 33 اسبوع ago. Offline
مشترك منذ تاريخ: 13/04/2009

انشا الله بالتوفيق للاخ العزيز سربست و بدوام التقدم و الازدهار لكوليلك الغالية على قلوبنا .

User offline. Last seen 6 سنة 18 اسبوع ago. Offline
مشترك منذ تاريخ: 06/05/2006

ملك كوليلك ............
:roll: :roll: :!: :!: :!: 8O

ضل هلا تسمي ولي العهد مثل ملك الأردن

User offline. Last seen 8 سنة 49 اسبوع ago. Offline
مشترك منذ تاريخ: 28/03/2006

التخيل لون آخر من الوان النشاط وهو الذي تمارسه الذات بصورة غير منطقية نظراً لبعد الصلة ما بين ذلك النشاط الغير هادف والأشياء الوجودية الحاضرة حيث هو أقرب الى الرجاء والأمل في أن يكون الانسان غير ما هو كائن وفق الشروط الطبيعية والامكانات الارادية الخاصة التي تمنحه صفة معينة تنفي عنه بقية صفات الافضلية من ( العلم , الفن , التفلسف..) مكا لم يكن مؤهلاً بالدرجة الكافية التي تجعله متميزاً او فناناً اصيلاً او فيلسوفاً حكيماً ...

ولعل الفائدة المجتناة من التخيل تتمثل في نوع الراحة التي يطمئن اليها الفكر او النشاط عبر اجنحة الخيال التي تبعده عن مشاكل الواقع في حالة القصور الذاتي مثلاً..

اي عندها يمسي التخيل على هذا الاساس وسيلة بدون غاية واقعية وهو اقرب الى اللهو ,,لان اللهو نشاط دون غاية, في حين ان العمل بالواقع نشاط مقرون بغاية واضحة وهذا ما يضع الحد الفاصل ما بين الانسان الطموح الذي يحاول أن يتملك ارادة الوعي اللازمة لبلوغ هدفه, وما بين الانسان الواهم الذي لا يملك سوى ارادة التمني والرجاء دون بذل اي جهد لتحقيق رجائه وامانيه..

حوار ممتع لدرجة اني نسيت حالي وطولت بالحكي عن الموضوع

يمكن لازم نحط عنوان تاني للموضوع( صفحة تحقيق احلام كوليلكية )
لكم التحية عبقاً :)

User offline. Last seen 9 سنة 1 اسبوع ago. Offline
مشترك منذ تاريخ: 10/04/2007

MAS يعني قمت بالعمل اللي بيقوم فيه من منحت للعزيز سربست لقبهم ...؟! :wink: تفاعل جميل صديقي العزيز ..

lewend21 والله رحو لو كنت بعرف بيصير هيك شي كنت كلمت حالي وحكيت مع حالي وتنميت اللي بدي ياه ... اهلا بك صديقي الممتع ...

xursid.x / NOSHIN ... عقبال ما يعطيكم سربست شي كرسي بوزارتو :wink:

Roja كانك رديتي على موضوع ثاني بردك ... مع انه مرتبط بما كان يدور حوله الحديث الذي لم يكن نقصد ما ذكرتيه بقد ما كنا نريد منه الحديث نفسه ...

شكرا لمرورك ..... الملفت

طبعا بعتذر للعزيز سربست لاني ادرجت الحديث دون علمه لاني بمون عليه ,,, :oops:

والف مبروك للقبك الجديد الذي تستحقه بجدارة لانك فعلا ملك بافعالك وقلبك ...

الى اللقاء

User offline. Last seen 9 سنة 10 اسبوع ago. Offline
مشترك منذ تاريخ: 16/06/2009

مبروك سربست الله يوفقك

صورة  Lora's
User offline. Last seen 28 اسبوع 3 ساعات ago. Offline
مشترك منذ تاريخ: 01/11/2007

مبروك عزيزي سربست على الملوكي بس بيلبقلك دور الملك يأحلى ملك :wink:

لا تحاول البحث عن حلم خذلك وحاول أن تجعل من حالة الانكسار بداية حلم جديد

مشترك منذ تاريخ: 12/09/2006

اشكرك صديقي العزيز كيفارا على الفكرة الحلوة :wink:

بس ظبطت معك الكميرا الخفية هاي المرة :wink:

MAS

اشكرك اخي العزيز ماس على الالقب الجديد :oops:

lewend21

اي عقبالك اخي لوند

اهلاً بك اخي العزيز...

xursid.x

اشكرك عزيزي دمت بكل خير...

NOSHIN

اي والله فكرة انو اعمل ولي عهد لي هون :wink:

اهلاً بك صديقي العزيز...

Roja

اشكرك روجا على المرور وعلى التحليل الحلو :wink:

miraz88

الله يبارك فيك وعقبالك انشاء الله :wink:

Lora

الله يبارك فيكِ عزيزتي

اهلاً بكِ ....

دمتم بخير...

ذكريات الزمن القادم...

مشترك منذ تاريخ: 06/01/2006

مناصب , وكراسي وزارية , وحوارات جانبية , وهالله هالله.....

وطلعنا من المولد بلا حمص 8O

مبروك ملك كوليلك "لابقلك ها" تهريها بالهنا حبيبي 8)

User offline. Last seen 7 سنة 11 اسبوع ago. Offline
مشترك منذ تاريخ: 21/08/2008

اي و الله الف مبروك
و لو انو اجت متأخرة

...

حوار حلو و لطيف

Ez dîrok im..
Ez deng im..
Ez ziman im ..
Ez qêrîna sed hezar salan im...
 

User offline. Last seen 5 سنة 38 اسبوع ago. Offline
مشترك منذ تاريخ: 24/08/2007

شكرا لك كيفارا على هذا العمل الجميل واستطعت ان تقرا حلم شخص ما وساعدته على تحقيق حلمه ( الله يعطيك الي ببالك )

والله يا سربست انت خطير ها ما كنا نعرف خطورتك الله يسترنا منك

وهلا صارت رقبة كوليلك بين ايدك بدنا ياك تشيل هل رقبة وتحطها بمكانها المناسب لانها بالفعل طلعت هل رقبة من محلها وللاسف

بدنا ياك مدير فعال وبناء ممتاز تكمل ما وصل اليه الاخ ماس الله يجزيه الخير

واشكر المدير السابق ( المخلوع ) ههههههه من منصبه ، جزيل الشكر على تفاعله برقة واحترام

اسف على الاطالة

مشترك منذ تاريخ: 27/09/2007

صار عندنا ملك آشيتي .. مبارك مولاي الملك ونحن في غاية السعادة أن نعرض خدمات منطقة ( آليا ) تحت رعايتكم الكريمة .. وهذا سيفي عفوا قلمي رهن اشارتك وطوع أوامرك .. ولك مشورتي بالتخلص من المناوئين على الحكم أمثال ( كيفارا و ماس ) والعودة إلى النظام الديمقراطي المستبد

_ _ _ _ _ _ _ _ _ _ _ _ _ _ _ _ _ _ _ _ _ _ _ _

علمتنا الحياة أن ندفع ثمن كل ابتسامة سيلا من الدموع

صورة  Lora's
User offline. Last seen 28 اسبوع 3 ساعات ago. Offline
مشترك منذ تاريخ: 01/11/2007

بس خبرنا كيفارا بعتبار صار ملك للكوليلك فيلزمنا ملكة يعني مايصير ملك بدون ملكة :wink: وين صرت هاي و أنت عزيزي سربست شو رأيك :wink:

لا تحاول البحث عن حلم خذلك وحاول أن تجعل من حالة الانكسار بداية حلم جديد

مشترك منذ تاريخ: 12/09/2006

لا حبيبي عاشق لسا ما خلصنا

واكيد ما رح يطلع احد من المولد بلا حمص وفول كمان :wink:

اهلاً بك عزيزي عاشق...

JANEE

الله يبارك فيكِ عزيزتي جاني ...

اولشير

اي ولا يهمك اخي العزيز نحن فتحنا باب الحريات قدام الجميع

احكي على كيفك وبكل حرية :wink:

اهلاً بك عزيزي...

ذكريات الزمن القادم...

مشترك منذ تاريخ: 12/09/2006

عماد...

ولك تسلم حبيبي عماد اي صار في هون ملك اشيتي من (اشيتي ستان)

اهلاً بك صديقي العزيز...

لورا...

والله انا هلا عم دير الحكم وبس وكترت مشاغلي

ووفد جاي ووفد رايح...

بس يمكن كيفارا فاضي ولا كيف رحو كيفارا :wink:

اهلاً بكِ لورا...

ذكريات الزمن القادم...

صورة  bave-seyda's
User offline. Last seen 2 سنة 49 اسبوع ago. Offline
مشترك منذ تاريخ: 10/03/2008

مبروك أخي سربست يا ملك الملوك

:wink:

User offline. Last seen 8 سنة 23 اسبوع ago. Offline
مشترك منذ تاريخ: 04/09/2008

ألف مبروك سربست جاري العزيز والجار قبل الدار وانا بدعيك لمحادثة على الماسنجر بس لأصلح ايميلي ok man واكيد راح تتفاجئو يا اعضاء كوليلك بقدرات ملك كوليلك الجديد