رزق ...؟؟؟؟
الأربعاء, 26/03/2008 - 19:22
لما كنت صغيرة ... (طبعاكنا اربع بنات ومافي شباب فكان عنا دلال غير شكل (دلال من باب الحرص علينا مش محبةً فينا )
المهم كان بابا من النوع يلي بيسافر كتير يعني بغيب بالشهور وبحكم انو نحن عيلة بنات فماكان في روحةعالدكان او اللعب بالشارع ولا شي ..فكان كل شي متوفر بالبيت البسكوت بالكراتين ...والكازوز بالصناديق ..
فكل عصر ماما بتعطينا كل وحدة قنينة كازوز وبسكوتي او أي شي ...
المهم اختي الكبيرة من كتر ما كانت شريرة ..(تقول لك خلصوا بسرعة هلا بيجيكون رزق. :twisted: :twisted: :twisted: .)
هي بتشفوط كازوزتها رشفة وحدة .. :cry: :cry: .
لك زوزو مين رزق
لك هادا وحش بيطلع من ركبتكون واذا شافكون مو مخلصين الكازوز راح ياكلكون هاتوا لساعدكون بالشرب :twisted: :twisted: . .
ونبلش انا واخواتي يا حرام نترجاها رجا مشان تشرب قنينتنا بالاول ... :cry: :cry: ...
..وهيك الحال لشي اسبوع حتى احياناً قبل مانبلش شرب نرشيها بشي نص ليرة او قطعت بسكوتي مشان تخلصلنا القنينة قبل ما يجي رزق افندي .. :cry: :cry: ....
وهي يا حرام مضحية بتشرب كازوزاتنا قبل قنينتها ...(هي الكبيرة وبتخاف على اخواتها . .)
بس مرة اجت ماما وشافتنا عم نعطيها القناني ونحن عم نبكي
مشان الله انا بالاول وهي بتقول شوي شوي بالدور مبارح لمين شربت بالاول ... ...
ماما : شو هاد شو في ... :?: :?:
نحن لك ماما هلا بيجي رزق واذا شافنا مو مخلصين راح ياكلنا . .
ماما : "؟ 8O 8O ؟؟ مين رزق
نحن : رزق بيطلع من ركبتنا وراح ياكلنا اذا ماخلصنا القنينة بسرعة
..ولي هداك اليوم زوزو اكلت قتلة بحياة عمرها ما بتنساها ... .
لعمة شو كنا صغار قال رزق قال :cry: :cry: . .
الخميس, 27/03/2008 - 03:56
#2
الله على أيام الطفولة شو بتشبه الأحلام...حلوة كتير peti ...
يالله بسرعة خليّ أختيك الكبيرة تجي تشرب كازوزتي(حجم عائلي 2 ليتر) :twisted: قبل ما يجي رزق وياكلني...ههههههههه :lol:
سباس....
الخميس, 27/03/2008 - 16:50
#4
حلوة هاااي والله الشيخ (رزق) هههههه :D :D
بس والله افكار اختك غريبة مخيلتها واسعة كتير
مع تمنياتي لك اختي الكريمة بالسعادة والهناء وما تشوفي شر من رزق :? :mrgreen:
(اختك دلسوز) :wink: :wink:
الخميس, 27/03/2008 - 20:53
#5
peti,
بجد انا كتير عجبتني القصة...
بس والله ما في احلى من ايام الطفولة
سبااااس peti
الجمعة, 28/03/2008 - 01:32
#6
جاء رزق ... و لأ جاءت النهمة الأخت الكبيرة . 8O
Ramyar wrote:
والله
بس من وين جابت اسم رزق ؟
فعلا من وين ؟؟؟؟؟ :roll:
ـــــــ
أنا بتذكر إنو أخي كان بيقولي : هات شوية دوندرمة مشان ما يقع عالأرض و بعدين بياكلك الشيطان ها .. :twisted: :evil:
ــــــــــ
جميل peti ما كتبتيه .
السبت, 29/03/2008 - 10:25
#7
لك لو قلكون على فصول اختي راح تفرطوا من الضحك .....
كانت تعمل فينا افلام .........
شكرا لمروركم جميعا ً
بالنسبة لاسم رزق والله مابعرف من وين اخترعتو ...
السبت, 29/03/2008 - 16:54
#8
توقعت يكون قصدها برزق انو رزقة تانية خخخخخخخخ
حلوة كتير باينتا بتحب المغامرات
بتضل ايام حلوة وما بتنتسى
Mon, 31/03/2008 - 18:07
#9
Quote:
توقعت يكون قصدها برزق انو رزقة تانية خخخخخخخخ
والله يمكن يا بيلسان يعني رزق ....هو رزقها هي ........
الثلاثاء, 01/04/2008 - 23:51
#10
الله يسامحك peti ..... ليش الحرص من شو بيجي مو من الحب الكبير .........
بتعرفي بكل بيت في اسم معين الصغار عم يخوفو بعض بهالأسامي ( أو بالأحرى الكبار عم يخوفو الصغار )..... ورح قلك اسماء بعض منن ....
بعلولو - بعبع - حوليلى - ( بيرا مروف خور ) - ( دادو هرجي ) - ( هرج برج ) - ( كورنباش )
موضوع حلو كتير وضحكنا كتير لحتى تذكرنا هالاسامي اللي كتبتون ......
peti ..... شكرا ًلك .............
السبت, 09/08/2008 - 00:16
#14
peti, حقيقة اسلوب رائع ومشهد مرح كتير
بس احلى شي انو فوق حقو دقو....يعني بتشرب حصتكم وبتضربها عليكم منية كمان .....بالدور
بس سلميلي على اختك وتشكريها على هالتضحية للي كانت تقوم فيها منشانكم يا حرام
:mrgreen: :mrgreen: :mrgreen: :mrgreen: :mrgreen:
هههههههههههههه حلوة والله
بس من وين جابت اسم رزق ؟
مشكورةpeti, على هذا المشهد الطفولي البريء
ان لم تكن لك بصمة في الحياة فأنت زائد عليها