اخبارنا
مرحبا يا شباب
موضوع حلو وما فيه تعقيد
كل واحد يحط هون كل ما يملكه من اخبار عن منطقته
(جرائم قتل _ حالة الطقس _ حالة الطرق _ اخر الحفلات _ اهم الاعراس _ اهم العزوات _اهم السرقات)
وايش ما عندك اخبار حطها هون
ملاحظة : ازا كان خبرك لا يحوي التفاصيل فقم بإضافته هنا
اما ازا عندك التفاصيل فقم بإنشاء موضوع خاص بك
ارجو التفاعل evindaroo
وما زال افينداو هارباً من وجه العدالة
حيث ان البحث مازال متسمر عليه حتى
اعداد هذا الخبر...
مراسلكم سربست من امام مخفر الشرطة... :wink:
خخخخ
خبر حلو كتير
evindaroo, لك الشكر وفكرتك جميلة جدا وخاصة للمغتربين امثالي لنعرف ماذا يجري فكلما سالنا اهلنا شو اخبار القامشلي بيقولو منيح وبس ما بيحكو التفاصيل
شكراً لك أفيندارو على اقتراحك .. صحيح شو عامل لتهرب من وجه العدالة ..سالو عنك اليوم باذاعة كوليلك 8O
ملاحظة : ازا كان خبرك لا يحوي التفاصيل فقم بإضافته هنا
اما ازا عندك التفاصيل فقم بإنشاء موضوع خاص بك
الملاحظة مهمة ..
أما عن حالة الطقس .. فالمطر كان يهطل اليوم في القامشلي بشكل شبه متواصل ومتفاوتاً في غزارته .. :) ومشيت تحته شي ساعتين ..ولا أحلى :D
ولعله يستمر إلى يوم غد ..
دمتم مع بركات السماء
اهلين والله بالشباب
لك مو evindaroo اللي يهرب
وبعدين رح تساوولي محكمة لانو نطحتوا واحد .. لانو حكي على كوليلك
هي من بدال ما تشكروني
شكرا اخ Shirzad, شيرزاد على الخبر
يلا يا شباب تفاعلوا كمان وكمان
توقفت الامطار في مدينة القامشلي منذ يوم البارحة
ولكن ما زالت الغيوم تجول فوق اجواء القامشلي
والجدير بالذكر ان المزارعين متفائلين بموسم جيد هذه السنة
كان معكم
العكيد: evindaroo
هههه
افتتحت شركة city bus
في مدينة القامشلي
وهي شركة تحوي مجموعة من الباصات تعمل عمل السرافيس
مثيلات سرافيس حلب والشام
وهي ما عم توقف غير على مواقف خاصة الها
(ارمات مكتوب عليها موقف خاص للباص)
زهي موجودة بكل القامشلي على الشوارع الرئيسية متل الكورنيش والشارع الرئيس والقوتلي وووووو
وهي خطوة حلوة مشان تطور القامشلي
كان معكم :evindaro
خبر جميل أخي افيندارو
بس شو الأسعار لو سمحت :) :)
وهي على المازوت ولا لا
ومين المالك :twisted:
وشكرا لك حتى لو ما جاوبت
والله شكلو خبر حلو هاد تبع الباصات وبنستنى الأجوبة
في خبر حلو
تزحلق صديقي عالوحل اللي خلفو المطر ببلدة الجوادية ( جل آغا )
ههههههههه
قصدي من هالمزحة بس قامشلوكي
او كردستانتا الصغيرة ... :wink:
بالنسبة للباصات هي على الغاز والاسعار 5 ليرات اما المالك والله ما بعرف
اخ به روه ر, شو هالخير (يعني صديقك اكلها)
بدنا تفاعل يا شباب :mrgreen:
والله شكلو خبر حلو هاد تبع الباصات وبنستنى الأجوبة
لا والله مع الأسف خبر مو حلو ....لانو رح يزيد البطالة بصفوف الشفيرية
يعني كان السواقة الشغل الي ضل بهل البلد وخربت
Bavê heval, معليش مشان اللي يفكر ما يدرس ويسير شفير يقطع أملو.. :P
عم امزح .. الله يعين الشيفيرية... ولنرفع جميعا يدنا نصرة للشيفيرية..
هو شي اكيد رح يصير هيك بالشوفيرية بس ياخي اكيد مارح نقدر نزبط البلد بظرف يوم ويومبن
انا برأيي الباصات احسن من الفوكسات
خبر جديد
تم توقيف الباصات عن عملها بعد اضراب عن العمل قام به شوفيرية الفوكسات
وهي واقفة بالمرآب
كان معكم العكيد افيندارو
مشكور زميل افيندارو على هذا الخبر الجميل
ونعم مافعلوه السائقين :wink:
مرحبا يا شباب
شى غريب
اليوم طلعتوا من البيت الساعة 5.30 والجو كان من احسن ما يكن
وانا هلا بالشارع طريقي للبيت
من خمس دقائق بس
صار شئ غريب بالجو
انخفضت درجات الحرارة بشكل مفاجئ والغبرة كتيرة لدرجة اني ما عم اشوف قدامي
الغريب بالموضوع
من وين اجت الغبرة والارض لساتها رطبة يعني وحل
باي يا شباب انا رايح لانو مبوز
سلام
تك تك تك تك
يعني قصدك بس الأخبار بمنطقة القامشلي وأذا نحن اهل عفرين وضواحيها أو غير مناطق عنا أخبار وين نكتبهن؟ :(
ولا نحن براة الموضوع :roll: :? :cry:
لعيونك اخت Derya 1988
رح ساوي تعديل
ورح يصير اسم الموضوع اخبارنا
بس صبري علي لاني داخل من الموبايل
evindaroo, تسلم عيونك :oops: :oops: أي ها
شكرا ألك صديقي00000 :) :)
معناها هي أول خبرية من عنا الأجواء صحوة وربيعية ودرجات الحرارة أعلى من معدلاتها
يا شباب هاد يومي الاخير في كوليلك
بس اكيد الي رجعة بس بعد ما اخلص الامتحانات الزفت
ارجو ان لا تقطعوا هاد الموضوع
ولي عودة
أمطار متقطعة طوال اليوم 4-1-2010
كل سوريا تقريبا
الله يبعت الخير لهالشعب المسكين :idea: :|
امطار خير علينا مانقطع يوم و الا اجا باليوم اللي بعدو من التاريخ السابق
حتى اليوم 26-1-2010
واليوم الجو كان غائم جزئيا
بلغ كمية هطول الأمطار في القامشلي لحد الآن إلى 198 مم مع العلم ان معدل الهطول المطري بالقامشلي هو 443 مم.
امطار غزيرة صباح اليوم 31 - 1 - 2010
من الساعة 3.30 صباحا الى 8 صباحا في مناطق القامشلي
الى المالكية :wink:
تحياتي للجميع ..
ما شاء الله تبارك الله .. اللهم اجعلها سقيا رحمة لا سقيا عذاب ..
اعزائي اعضاء كوليلك
سأعيد احياء هذا الموضوع لما له من اهمية
وسأبد انا بالخير
وصل الفنان الكبير xero abbas مدينة قامشلو في 17/07/2010
ومن المتوقع ان يقيم حفلة في مدينة قامشلو
والجدير بالذكر ان الفنان xero abbas واحد من افضل الفنانين الكورد لما له من جمهور صخم
والفنان من مواليد 1962م وقد قدم عدة حفلات في سوريا في السنة الماضية
كان معكم evindaro
خبر ولا احلى
بعد عناء طويل حصل الفنان xero abbas على الموافقة لإقامة حفلة فنية ساهرة في احدى نوادي ومسابح القامشلي وستقام الحفلة في 6/8/2010 ان شاءالله
اتمنى لكم اجمل اللحظات وان تستمتعوا على انغام الفنان xero abbas
كان معك evindaro
حفل الفنان خيرو عباس سيقام في منتجع القلعة وسيكون برعاية شكرة دجلة تور
نعود إلى هذا الموضوع ونكتب
بعد تأخر هطول المطر هذا الموسم استيقظنا اليوم على اصوات حبات المطر وهي ترتطم بالارض
احمد سعدووو _كوليلك_القامشلي
.والله بالحسكة عم تهطل غبرا مو مطر الله يعينا شو نعمل
رامي - كوليلك - الحسكة
يروى ان افيندارو قام بنطح احد اصدقائه بسبب تعرضه لسمعة كليلك , و قد تم اسعاف المريض لبيت خالته وأعلن افيندارو من القامشلي أن هذه النطحة بمثابة انذار شديد اللهجة لكل من سولت له نفسه التعرض ل كليلك , مراسلكم عماد من امام مبنى الخال سعدوووووو ,
_ _ _ _ _ _ _ _ _ _ _ _ _ _ _ _ _ _ _ _ _ _ _ _
علمتنا الحياة أن ندفع ثمن كل ابتسامة سيلا من الدموع