انا اوافقك تماما ........واقترح على كل الفتيات او الاهل شراء مرآة كبيرة عدد 2 ووضعها بحيث يمكن للفتاة ان ترى امامها وخلفها لترى بانها عندم تمشي مع ابيها او اخيها كيف يراها الناس (حيث الداخلي مبين 100% حتى لونه ونوعه )اليس هذا عيبا قبيحا ؟ هل وصلنا الى هذه المرتبة من التطور الثقافي والاخلاقي بحيث تمشي الفتاة ولباسه الداخلي واضح وضوخ الشمس؟؟؟ الكل يغض النظر الاب المسكين يخجل ان يحكي وان حكى تلكمه الام وتقول (ته دنيا نديتية لووو) والام في اغلب الحيان امية ...واذا كانت دارسة فتتباها بداخليات بنتها امام قريناتها المتخلفات مثلها والبنت نفسها اما لا ترى والسبب في هذه الحالة (المرآة) او ما بتخجل من اهلها وتتبنى افكار امها المتخلفة..........ارجو ان اكون مخطئا

ليش عم تحكوا على تياب البنت ليش ماعم تحكو عالشب

والله ما بقى نعرف الشب الكردي من المسيحي

ليش دائما تحاسبو البنت ليش ماتحاسبو الشب شي مرة

المتخلف هو الي بيفرق بين الشب والبنت

ليش شبابنا الكراد دائما في عندن نقطة تخلف وماعم يخلو عنها

وهي الشب ايش مايعمل ايش مايلبس مافي مشكلة لان شب

اما البنت ايش ماتعمل تقولون عيب وليش هيك

انتو بدكن كل الشعوب تتقدم بس نحن نضل بمكانا

والعطور والنضارات

كل الشباب والبنات هيك مو بس الكراد

مامعكن حق تحاسبو البنت وتتركو الشب

:x

عذراً على نقدي

ولكن يحق للبنت تلبس ما يحلو لهااا

لا أحد يمنعهااا من حقهاا فهي تعرف مصلحتها أكثر من غيرهاا

ونحن الشباااب نلبس ما نشاااء وما نريده ومتل ما قالت الأخت هيلين

وللبنت الحق الكامل والحرية المطلقة بكل شي

يعني متلهااا متلل الشب

وأناااا إذا بصير قاضي وبيحقلي عدل بالقانوون وبالدستور

راح خلي الطلاق نصها بأيد البنت والنص التاني بأيد الشب :mrgreen:

لأنو والله البنت بمجتمعنااااااا مظلومة كتير كتير

وأنااااا واحد أطالب بكل حقوقهااا

ســـــــلاام

أخ KIKI

بعتقد أن العيب بطريقة الحوار التي يلجأ أليهااا الخاسر بعدما تدحرج ونزل
إلى أسفل السلم لأن عقلانيته لا توافق أي عقلانية ثانية

أفرح أخي KIKI فرجائك تحقق

هذااااااا هو نقدي

سلااااام.

ميسي انا بحترم رايك كتير فوق ما بتتصور

رجاء لا تستعمل كلمات برة الموضوع وخليك بالموضوع ونحن عم نناقش

هاتي اختي هيلين شو عم بيعمل الشب مشان اجاوبك

نحن بمجتمع اسلامي اخ ميسي ما يصير البنت تلبس ما يحلو لها

اعرف شي واحد اخي ميسي متى ما ترك الرجل المراة تفعل ما يحلو لها

باي باي يا دنيـــــــــــــــــــــــــــــــــــــــــ :evil: ــــــــــــــــــــــــــــــــــا

انا معاكون بانو البنات صاروا يلبسو لبس كتييير فاضح بس بعتقد انو لو كان في لبس فاضح للشباب ما كان الشباب قصرو
بس الحق لا على الشب و لا على البنت الحق على الاهل لانو لو ربوا ولادون على ان المظهر مانو شي اساسي ما كنا وصلنا للي نحنا فيه هلا
يعني مهم انو يكون الواحد انيق بين الناس بس الاهم انو يعرف يحكي بينون
هدا رايي وبعتقد انو بتوافقوني عليه

يمكن ماعم تطلع من البيت وماعم تشوف الشباب

والله نشوف شي شب مانعرف هالشب كردي ولا مسيحي

يمكن انتو ماعم تشوفو حالكن بالمرايا بناطيل خصر واطي

كنزة متل كنزة البنات

ورافع شعرو مترين لفوق وحاطت اكسسوارات

انا ماعم احكي هيك مشان ادافع عن حالي بالعكس انا ابدا مابلبس هيك تياب

بس هاد ظلم تتحاسب البنت واما يتحاسب الشب

انا شايف كل واحد بيمسك الطابة و بيزتا للطرف التاني

يعني لا الشب بيعترف بأخطاؤا و لا البنت كمان

المسولية بالأول على الأهل لأن كل واحد فينا بنت و لا شب بس يمشي بالشارع بدو كل العالم تتطلع و تحكي عنو

و اذا الأهل بالأول ربو على الثقة بالنفس و أن الواحد مو حلو بشكلو و لا بمصاريه
كنتا هلا عايشين بألف خير

بس كمان الله ما كان خلق الدنيا لو كانت كل العالم هيك

تانيا الشب و البنت عليهم الحق لانو عايشين بجو كلو هيك و صعب جدا جدا جدا جدا جدا جدا جدا جدا

أن ايد وحدي تصفق .......

ما بكم جميعاً الموضوع لا يخص أحد الطرفين على حدا إذاً فلنسأل ....؟
لمن تلبس الفتاة هذه الملابس الفاضحة ...؟
من ينظر إليها بفرح ....؟
من يغازل سيقانها وصدرها المكشوف ....؟

السؤال الآخر .....؟
من تنظر إلى بناطيل الخصر الواطي ....؟
من تدقق في تسريحة الشاب ...؟
ومن...
ومن...؟
اسئلة لا تنتهي ... وأجوبة نتهرب دوماً منها
الموضوع يخصنا كأكراد وليس كمسلمين أو أناس نحاول تقليد الغرب
لذا عليّ أن أبدأ من نفسي وأغير نظرتي عن كياني وجسدي ...
بمعنى أنا إنسان أملك جمال الروح والجسد وعلي المحافظة والاهتمام بها ...؟
أنا من الناس الذين يعشقون الملابس الأنيقة وألبس بحرية مطلقة ضمن ما أراه ما يناسبني كفتاة كردية أولاً وأخيراً
هتموا بمظاهركم ولكن لا تتناسوا جوهركم ...
وشكراً للجميع على أمل أن ننهي كلمة فتاة وشاب .....

كلام الاخت شيلان صح

دعوناا ننساااا أن هناك شيء يسمى شب و هناك شيء يسمى فتاااة

إناااا يا أخ هجار ما طلعت بكلامي بس كان مجرد رأي وعلى الكل أحترامه

نحن نتمزق بهذاا المجتمع الشرقي الذي غطى علينا ومنعنا من أن نرى ما
يجود بها الحياة خارجاً
أنا لا أندد ديني ولا قوميتي ولكني أندد وبشدة متحجرة المجتمع الذي ينظر للمرأة
نظرة فاشلة ولا يعطيهااا التفاحة بالقسمة بينها وبين الشب بل تعطيها القسم العفن

أرجو أن لا أكون قد غرقت بأفكاري وحريتي الكتابية
وأرجو أن تحترموه لأننا نناقش ولا نحارب

ســــــــلاام

انا احط الحق على الاهل لانه ماربوهم تربية اسلامية صحيحة وشكرا

لكان هلا رح نحط النقاط عالحروف

الاسباب:
1- الانسان الكردي انسان مقلد

2-عدم معرفة الاهل اساس التربية الصالحة

3-تأثير المجتمع الذي يحيط بنا

4-اخذ مصطلح الحضارة والتقدم بنظرة خاطئة

اذا بتوافقوني بظن ان هدول هنن الاسباب

واللي بيضيف شي يتفضل واللي بينتقد شي يتفضل

سباااااااااس

رائعةٌ ... جميلةٌ .. ممتازةٌ آراؤكم

نعم .. نعم ... نعم منذ اليوم سنبدأ باختيار الثياب الداخلية للمرأة فهي تخالف الشريعة و الأصول ... كونها نموذجاً غربياً ..

أو لربما نتدخل في ما يحدث لها كل شهر ... فذلك يحرمنا أحياناً من مضاجعتها :idea:
ما رأيكم ..؟؟

أو لربما نحدد لها أوقاتاً لدخول الحمام فالشرع و السنة يفضلان الاستحمام يوم الخميس ...
ما رأيكم ..؟؟

أو مارأيكم لو نبدأ بسلسلة تفجيرات لمعامل صناعة الثياب النسائية و ننهي الحكاية ...

يا لآراءكم كم هي مثيرة جداً .....

لحد الشفقة ... لحد البكاء

لا يا اخ برور انت بعدت كتيرررر

وموضوعنا هو الملابس ما حد جاب سيرة الحمام والـمضاجعة

اقل شي بنطلبو من البنت ان شوي تكون محشمة ولبقة

كلنا مع حرية المرأة خيووو

بس الحرية ما بتقول تزلطوو

حرية المرأة مثلا بالوظائف والعمل و و و و

ورجاء ان ما تبكي اخي العزيز لان الموضوع ما بيستاهل

شكرا اخ برور

ok عزيزي هجار ..

أولاً أنا أبكي على آراءٍ أشبه إلى لطم الخد ...

ثانياً يا عزيزي اليوم نطالب بحشمة الثياب .. غداً سنطالب بالأمور التي ذكرتها ( الثياب الداخلية و الدورة الشهرية و الحمام )

أتعلم لماذا نحاول ذلك....؟؟
ليس حرصاً على قيمٍ أو أخلاقياتٍ بل لأننا مكبوتون مضغوطون إلى حدٍ يصل الانفجار ...

سأسألكم ..؟؟
جميعنا مررنا بفترة التعليم الابتدائية كنا نتشارك مقاعد الدراسة مع الفتيات
و عندما بدأ زغب وجوهنا بالظهور و تحرك المني في خصانا ... فصلونا عن شركاءنا و وضعوا الحواجز و باعدوا بين مدارسنا و قالوا ضحكة المرأة عورة و غض النظر له ثواب و حور الجنان ...
كنا دائماً ننظر إلى عالم المرأة بجهالة و فضول ...
يا ترى ماذا تخفي المرأة عنا حتى يتم مباعدتنا عن بعض ...
لماذا هذا الحاجز الذي يفصلنا .. و كنا نتشارك أيام طفولتنا كل شيء
و لماذا .. و لماذا ...؟؟ و آلاف أسئلة تتحرك داخلنا حول هذا المجهول
من منا لم يسل لعابه عندما رأى فتاةً مكتنزة ( ممتلئة ) بثياب ضيقة
كل ذلك لأننا دوماً في رغبةٍ عارمة للولوج إلى جسدها و التجوال على تضاريسه
لو أن المرأة كانت بلا ثياب عاريةً تماماً كما خلقها الله و تمشي أمامنا مذ فتحنا أعيننا على الحياة ألم يكن ذلك سيصبح أمراً اعتيادياً ...
هذه نقطة ..
ثم أننا لو ناقشنا أموراً أكثر جدية من هذا الموضوع ألم يكن ذلك أفضلاً ..
أسألكم بالله من منكم قرأ كتاب شرفنامه ... ؟؟ أو من قرأ منكم كتاب الرجال من المريخ و النساء من الزهرة ...؟؟ من منكم قرأ عن تاريخ الكورد و كوردستان ..؟؟
من منكم قرأ مقالةً عن لغته الأم ... و آلاف المقالات التي تتحدث عن بؤس الناس في هيروشيما و في الفتنام ... من منا فكر يوماً كيف سيكتب قصةً عن شيلان تلك الناجية الوحيدة في حلبجة ..؟؟
مئات المقالات عن ثياب المرأة و عن سلوك المرأة و عن جسد المرأة و عن فرجها .. و عن مؤخرتها و عن .. و عن ... وعن

هل كتبت يوماً إمرأة عن ثيابنا نحن الرجال ..؟؟
أم عن تصفحنا المستمر للمواقع الإباحية ..؟؟
أو عن كذبنا و كذبهن علينا ..؟؟
لا أدري يا أعزائي ...
لكن دعوا المرأة تعش حياتها و لنفكر في أمور تساعدنا على تحرير عقولنا
كلنا صرنا أسرى لأفكار يحاول البعض ترويجها على حساب فكرنا و قوميتنا و ديننا

فلنحذر و لنبدأ بتصحيح مساراتنا

كل التقدير لكم جميعاً

كل واحد حر بحالو وبطريقة لبسو وانا ما بسمي هالشي تخلف ..........لانو ما في شي ناقصنا لحتى ما نكون متل كل البشر يعني اذا البنت او الشب لبسو ع الموضة بيكونو متخلفين
يعني شو رايكن :?: ........... نرجع لايام الزي الكردي القديم مثلا :!: :!:
:!: :!:
انا مو ضد العادات والتقاليد بس خلينا نحكي شوي بالواقع................كل الدنيا تغيرت من جميع النواحي

يعني مو غلط البنت الكردية بالاضافة انو اذا كانت متعلمة او مثقفة او علاقاتها الاجتماعية قوية تكون تمشي ع الموضة لانو متل ما ذكرت قبل الدنيا تغيرت من كل النواحي واكيد هالشي راح يشمل تغيير بطريقة اللبس كمان

بعدين اللبس بعمرو ما دل على مضمون الانسان او جوهرو

احترمت ارائكم فرجاءا احترام رايي

وبالنهاية كل واحد الو طريقة خاصة فيه بالتعبير عن رايو

سباااااااااااااااااااااااااااااااس اخ هجار

............hemaaaaaaa...............

رأيك على عيني اخت هيما وكلامك فيه اشياء صحيحة

بس اذا الدنيا تغيرت من جميع النواحي ليش نغير ثيابنا

مو ما نع لباس عادية

بس كلنا عم نقول مسلمين نحن مسلمين

يعني عم نقولها بس بالاسم

اذا مسلم تقيد يا اخي ويا اختي

نفس كلامك عم تقول اليوم رح نحكي على تيابها بكرا على شي تاني

كمان الحجاب وما بقى في حدا يعترف فيه يا اخ برور

اذا ما تغطينا بطرف عيننا عالحجاب ما كنا وصلنا لللبس

يعني اذا ما توقفت عند شي صغير

بكرا هالشي بدو يتطور لا انا ولا انت رح نتحكم فيه

أبشر كل من يدافع عن اللباس الفاضح بان المجتمع يقترب رويدا رويدا للوصول الى ما وصلت اليه الحضارة الغربية ولكن ( من ناحية اللباس الفاضح والعري فقط ).....حيث بدات الكازينوهات تنتشر .....وكذلك مرتادي الــــــــــــــــ ......
ابشر كل الشباب الذين ينصبون انفسهم محامين عن المراة بان مرادهم في تفسخ المجتمع اقترب حيث سيصبح بامكانهم ما صعب عليهم رؤيته واختبار ما يمنون النفس به.................؟؟؟

اللهم استر عوراتنا و آمن روعاتنا .................قولوا آمين ........يا عباد الرحمن قولوا آمين
مع التمنيات بمجتمع مليء بحضارة الغرب وبعيد عن قاذوراتها

الله يبشرك بالخير ...
بس في كلمة أنا واثق انها اجت بالغلط ( تفسخ المجتمع ) كان قصدك فيها ( تطهر المجتمع من أدران الكبت ) :wink:

موضوعك كتير حلو أنا برأيي لازم البنات يتستروا شوي على رأي هجار

وكمان الحق على الأهل لازم هني ما يسمحوا لبناتهن يلبسو هيك لباس لأن عنجد في لباس واحد بيخجل يطلع فيه في لباس حلو وطويل وبالأحرى في لباس قصير بس مانو فاضح هيك رأيي بس لا يزعلوا البنات لأني ضدهن من ناحية اللباس وسبااس علموضوع :?:

حبيبي هجار موضوعك حلو كثير ,,,,

واثار اهتمام عدد كبير من الاخوة الاعضاء ....

وهناك قسم منهم لا يتاثرون الا بمثل هذه المواضيع للاسف !!!.

براي اخي العزيز .. ان الفتاة لها شخصية ولها افكار ولها مبادئ ... بالتالي لها اراء

وهي حرة بما تتمتلكه من اراء وبالتالي حرة بما تمليه عليها تلك الافكار سواء بالعمل او باللباس .....

وانا اعتبر المرأة جوهرة ثمينة ... من الخطأ ان تكشف هذه الجوهرة على الجميع

لكن هذه الجوهرة ليس في لباسها انما في عقلها واخلاقها ...

وبشكرك اخي هجار على مواضيعك الجريئة ...

سلمت يداك حبيبي

جداء الطرفين في جداء الوسطين ........... :|

الى القزم ميسي بدك مليون سنة لتعرف شو القصد من الحوار والردود والمناقشة والا فسرلي شو اللي زاعجك ؟؟؟ ولا الحقيقة مرة ؟؟ واستغرب ان تتحدث عن العقلانية وردك اسوأ واغبى رد ....انت تشبه اللي يشتغلون بسوق الحرامية (بالله مانك عم تشتغل هنيك شي مرة كون صريح )يبدو ان انت في البيت بدك 4 مرايات مشان هيك مزعوج .........

لا تقولولي ان ميسي زعلان

لان ما بقبل ان اخي يزعل

واذا زعلان مني فلا تزعل ميسيكو لاننا اخوات

[=indigo]أأسف لتأخري عن المشاركة ولكني إن شاء الله سأعوضها :wink: ..

أولا أقول .. يا فتاة يا من تدافعين عن هذه الملابس وهذه الفضائح وهذه .......؟!
اذا لم تستح من أبيك ومن أمك ولم تستح من أخك وأهلك ولا من مجتمعك ... أفلا تستحين من ربك وخالقك ؟؟
اذا كان الجواب لايزال (لا) فعندها لا استطيع إلا أن أقول لكي إذا لم تستحي فاصنعي ما شئت .. ولكني أعلم أنك لا تريدين أن تكون سلعة وسببا للفتن والمعاصي .. لهذا يجب أن نشغل عقولنا قليلا و نتفكر في أفعالنا وأقوالنا وشقائنا ..
والشيء العجيب جدا هو .. لماذا لا نستطيع أن نأخذ من الآخرين إلا الأشياء المضرة السلبية ؟!! (وهذا لا يدل إلا على تخلفنا وضعفنا )

أما بالنسبة للأشخاص الذين يدافعون عن هذا البلاء وعن تبرج وسفور المرأة .. ويسمون أنفسهم بدعاة حرية المرأة (ولكنهم ليسوا الا دعاة الباطل والأكاذيب) .. فأسألهم هل تقبل لأختك أن تكون متبرجة وشبه عارية وتكون مقصدا لشرارة عيون الآخرين وأداة لاستمتاعهم ؟
طبعا إن الذي يملك ذرة من الناموس والغيرة لا يقبل ذلك لا لأخته ولا لأحد آخر .. ولكن حقيقتهم مكشوفة فهؤلاء الأشخاص لا يسهلون إلا لأنفسهم لأنهم بذلك يجدون متعتهم وهواهم وشهوتهم ( يبحثون عن سعادتهم ومتعتهم على حساب تدمير وشقاء الآخر )

وأخيرا أرجو من الله أن يسدد خطانا .. ويقوي إيماننا .. ويستر عوراتنا .. ويهدي شبابنا وبناتنا

كلام حلو وأنيق وثقافي....خجلتني والله

سباس ألك

الانسان الكردي انسان مقلد
وإذا كان التقدم بالثياب الفاضحة
فقمة اليقدم أن نرى الجال والنساء كالقردة
في الغابات لا يستهم إلا جلودهم وهذا ينطبق
على كل الحيوانات

موضوع جميل ..........

وحابة اقول شغلة وحيد

بان للفتاة حق في اختيار مايحلو لها .. وانا كفتاة كوردية واملك حرية كاملة من والداي

فالبس كما يحلو لي ولكن هذا لا يعني انني اجعل ابي يخجل مني عندما امشي معه

بالعكس انا لما بشتري تياب اول واحد باخد رأيو هو ابي مع انو دائماً بيقول خلي على راحتك

واذا ابي قال مو حلوو خلص ما بلبسو ابداً

بالرغم من انه ما قالي اي شي الا مرة واحدة وكنت معجبة كتير بتياب بس ولله رجعتها
لانو ماعجبت ابي

الخلاصة ةة ::

الفتاة لازم تلبس بحريتهاا ............ وكمان مو الحرية الزائدة

وكمااا بتمناا من اخواتنا الشباب الي هون ما يخنقو على انفاس اخواتهم البنات

ولازم يقبلو على البنت كما بيقبلو على نفسهم

kiki اذا انت هلقد متدين ليش تنظر الى الملابس الداخلية للبنات؟؟

كل واحد حر بما يلبس كمبدأ ، الا انني لا احبذ ملابس فاضحة كتير. :wink:

الاخ mesy و الاخت helin

اذا من هلا عم تقارنو و بتقولو انو ما نعرف الشب الكردي من المسيحي...ليش الشب المسيحي هو مقياس الاكراد باللبس؟؟

و بعدين كل واحد يلبس اللي بده اياه .. و ما حدا اله دخل بالتاني

ياااا سلااااام

الشعب الكردي شعب مقلد !!!!

يا سلاااام لك يا....... ما بعرف شو اسمي كل من جاوب بهاد الجواب...شو دخل الموضوع كله بهاد الجواب.... و الله انو هاد الموضوع كشف عن شخصيات متخفية كتير و اثبتلي انو في كتير اغبياء بهاد المنتدى....

طبعا معي احترامي لبعض الاشخاص المعينين( و كل واحد بيعرف حاله )

انت بمنتدى محترم ومو بحرب اخي FrEeDoM

ما في داعي للكلمات الجارحة

عبر عن رأيك بطريقة سلسة

والله هاد الحكي بدك تحكيه يا اخي هجار على اللي بلشو بالكلمات اللي انا ذكرتها

بس اللي بيحكي هيك لازم ينرد عليه هيك... و بعدين انا ما حكيت حكي جارح

شكرا الك

يا شباب المسؤلية الاولى و الاخيرة على الاهل و التربية الصخ يعني مو كل شي نزل على السوق هو موضة الموضة هي الشي اللي بيلبقلك شكرا موضوع مهم

المشكلي صايرى منا ومن الشباب مع بعض
يعني بعترف انو نحني الطرفين غلطانين
يعني نحن البنات لما نشوف شب لبسو مو على الموضة والله بنتمسخر علي
وكمان الشب كمان بيتمسخر على البنت
ولما نشوف بنت لبسى على الموضة حتى نحني البنات بنسير ناخدها محور الاهتمام وأحياناًبنروح نسألها من اي محل بتاخدي ثيايكي
ومع هيك نحني بنقول ليش ثيلب الشباب صايرة متل المسيحية
والشباب بيقولو ليش ثياب البنات صايرة قصيرة مع انو الشب بينزل مع اختو على السوق وينقيلا
ولما تاخد طويل
يقلى والله بخجل اقول هي اختي
صايرة متل مرة انا بدي تكون اختي على الوضة
اسفي لاني طولت فرأيي بس والله عجبني الموضوع

موضوع حلو و بيستحق الرد بس هيما لشو التشبيه بالمسيحية يعني القصير خلق للمسيحية بالعكس البنت بتضل حلوة كل ما لبست احلى و الشب نفس الشي و بلا تعليق يا جماعة والله العصر هيك بدو طيب رجعو على دور اولي و شوفو المسيحية والاكراد و الاوربيين حتى كيف كانو يلبسو :arrow: